ಚಳಿಗಾಲದಲ್ಲಿ ಸಹಜವಾಗಿಯೇ ರೋಗಗಳ ಅಪಾಯವು ಹೆಚ್ಚಿರುತ್ತದೆ. ಚಳಿಗಾಲದಲ್ಲಿ ಹೆಚ್ಚು ಜನ ಯಾವ ದೈಹಿಕ ಸಮಸ್ಯೆಗಳಿಗೆ ಹೆಚ್ಚು ಒಳಗಾಗಬಹುದು ಮತ್ತು ಅವುಗಳನ್ನು ತಪ್ಪಿಸಲು ಮಾಡಬೇಕಾದ ಮುಂಜಾಗೃತಾ ಕ್ರಮಗಳ ಕುರಿತು ಇಲ್ಲಿದೆ ವಿವರ
ಹೃದಯಾಘಾತ (Heart attack):
ಹೌದು, ಚಳಿಗಾಲದಲ್ಲಿ ಸಾಮಾನ್ಯವಾಗಿ ಹಾರ್ಟ್‌ ಅಟ್ಯಾಕ್‌ ಆಗುವ ಸಂಭವಗಳು ಹೆಚ್ಚಿರುತ್ತವೆ. ಹೃದಯಕ್ಕೆ ಸಂಬಂಧಿಸಿದ ಸಮಸ್ಯೆಗಳು ಗೋಚರಿಸುತ್ತವೆ. ಹೀಗಾಗಿ ಹೃದಯದ ಆರೋಗ್ಯ ಕುರಿತು ಹೆಚ್ಚು ಜಾಗ್ರತೆಯನ್ನು ವಹಿಸಬೇಕು
ಗಂಟಲಿನ ಸಮಸ್ಯೆ (Throat ache)
ಚಳಿಗಾಲದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ನೆಗಡಿ, ಕೆಮ್ಮು ಉಂಟಾಗುವುದರಿಂದ ಇದು ಗಂಟಲು ಸಮಸ್ಯೆಯನ್ನು ಸಹ ಮಾಡುತ್ತದೆ. ಗಂಟಲು ಕಿರಿ ಕಿರಿ, ನೋವು ಉಂಟಾಗುವ ಸಾಧ್ಯತೆ ಹೆಚ್ಚು.
ವೈರಲ್ ಸೋಂಕಿನಿಂದಾಗಿ ಗಂಟಲಿನ ಬಾವು ಕೂಡ ಆಗಬಹುದು. ಇದು ಗಂಟಲಿನಲ್ಲಿ ನೋವನ್ನು ಉಂಟುಮಾಡುತ್ತದೆ. ವೈರಲ್ ಸೋಂಕು ಗಂಟಲು, ಶೀತ ಮತ್ತು ಜ್ವರಕ್ಕೆ ಕಾರಣವಾಗುತ್ತದೆ.
ಉಸಿರಾಟದ ತೊಂದರೆ (Difficulty breathing)
ಚಳಿಗಾಲದಲ್ಲಿ ಹೆಚ್ಚು ಉಸಿರಾಟದ ಸಮಸ್ಯೆ ಕೂಡ ಆಗುತ್ತದೆ. ಇದಕ್ಕೆ ಸಾಮಾನ್ಯ ಕಾರಣಗಳು ನೆಗಡಿಯಿಂದ ಕಟ್ಟಿದ ಮೂಗು, ಕೆಮ್ಮು ಕೂಡ.
ಆದರೆ ಚಳಿಗಾಲದಲ್ಲಿ ಶೀತ ಗಾಳಿಯು ನೇರವಾಗಿ ಉಸಿರಾಟದ ಪ್ರದೇಶವನ್ನು ಆಕ್ರಮಿಸುತ್ತದೆ. ಇದರಿಂದಾಗಿ ಮೂಗು ಕಟ್ಟುವಿಕೆ, ಸ್ರವಿಸುವ ಮೂಗು, ಕೆಮ್ಮು ಮುಂತಾದ ಸಮಸ್ಯೆಗಳು ಬರಬಹುದು.
ಚರ್ಮದ ಸಮಸ್ಯೆಗಳು (Skin Disease)
ಚಳಿಗಾಲದಲ್ಲಿ ಇತರೆ ಸಮಸ್ಯೆಗಳ ಜೊತೆಗೆ ಚರ್ಮದ ಸಮಸ್ಯೆಯೂ ಕೂಡ ಕಾಡುತ್ತದೆ. ಶೀತದಿಂದ ಚರ್ಮವು ಒಣಗುತ್ತದೆ. ಚರ್ಮದಲ್ಲಿ ಶುಷ್ಕತೆಯಿಂದಾಗಿ ಚರ್ಮ ಬಿಗಿಯಾಗುವುದು, ಎಳೆಯುವುದು, ದದ್ದುಗಳು, ಕೆಂಪಾಗುವುದು ಇತ್ಯಾದಿ ಆರಂಭವಾಗುತ್ತವೆ.
ಕೀಲು ನೋವು (Joint pain)
ಚಳಿಗಾಲದಲ್ಲಿ ಕೀಲು ನೋವುಗಳು ಹೆಚ್ಚಾಗುವ ಸಾಧ್ಯತೆ ಇರುತ್ತದೆ. ತಣ್ಣಗಿನ ಗಾಳಿಯ ಪರಿಣಾಮದಿಂದಾಗಿ ಸ್ನಾಯುಗಳಲ್ಲಿ ದೌರ್ಬಲ್ಯವು ಕಂಡುಬರುತ್ತದೆ ಮತ್ತು ಅವುಗಳ ನೋವು ಹೆಚ್ಚಾಗುತ್ತದೆ.
ಸಂಧಿವಾತದಂತ ಸಮಸ್ಯೆಗಳನ್ನು ಹೊಂದಿರುವ ಜನರು ಇಂತ ಸಮಯಗಳಲ್ಲಿ ಹೆಚ್ಚಿನ ಕಾಳಜಿ ವಹಿಸಿಕೊಳ್ಳಬೇಕು.
