ಲಖನೌ: ನಾಯಕ ಹಷ್ಮತ್‌ಉಲ್ಲಾಶಾಹಿದಿ ಮತ್ತು ರಹ್ಮತ್‌ ಶಾ ಅವರ ಹೊಣೆಗಾರಿಕೆಯುತ ಅರ್ಧ ಶತಕಗಳ ಜತೆಗೆ ಹಿರಿಯ ಬೌಲರ್‌ ಮೊಹಮ್ಮದ್‌ ನಬಿ ಅವರ ಕರಾರುವಾಕ್‌ ಬೌಲಿಂಗ್‌ ನೆರವಿನಿಂದ ಅಫಘಾನಿಸ್ತಾನ ತಂಡ 2023ರ ಏಕದಿನ ವಿಶ್ವಕಪ್‌ 34ನೇ ಪಂದ್ಯದಲ್ಲಿ 7 ವಿಕೆಟ್‌ಗಳಿಂದ ನೆದರ್ಲೆಂಡ್ಸ್‌ ತಂಡವನ್ನು ಪರಾಭವಗೊಳಿಸಿತು.
ಈ ಫಲಿತಾಂಶದೊಂದಿಗೆ ಒಟ್ಟು 8 ಅಂಕ ಕಲೆಹಾಕಿದ ಅಫಘಾನಿಸ್ತಾನ ಅಂಕಪಟ್ಟಿಯಲ್ಲಿಐದನೇ ಸ್ಥಾನಕ್ಕೆ ಬಡ್ತಿ ಪಡೆದು ತನ್ನ ನಾಕೌಟ್‌ ಪ್ರವೇಶದ ಹಾದಿಯನ್ನು ಜೀವಂತವಾಗಿರಿಸಿಕೊಂಡಿದೆ. 5ನೇ ಸೋಲಿಗೆ ಒಳಗಾದ ಡಚ್ಚರು ಸೆಮೀಸ್‌ ಸ್ಪರ್ಧೆಯಿಂದ ಬಹುತೇಜ ಹೊರ ಬಿದ್ದಿದ್ದಾರೆ.
ಅಫಘಾನಿಸ್ತಾನ ತಂಡಕ್ಕೆ 7 ವಿಕೆಟ್‌ ಜಯ
ಇಲ್ಲಿನ ಅಟಲ್‌ ಬಿಹಾರಿ ವಾಜಪೇಯಿ ಏಕನಾ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಟೂರ್ನಿಯ 34ನೇ ಹಣಾಹಣಿಯಲ್ಲಿ46.3 ಓವರ್‌ಗಳಲ್ಲಿ ನೆದರ್ಲೆಂಡ್ಸ್‌ ತಂಡವನ್ನು 179 ರನ್‌ಗಳಿಕೆ ಕಟ್ಟಿಹಾಕಿದ ಆಫ್ಘನ್‌ ಆಟಗಾರರು, 31.3 ಓವರ್‌ಗಳಲ್ಲಿ3 ವಿಕೆಟ್‌ಗೆ 181 ರನ್‌ ಗಳಿಸಿ 7 ವಿಕೆಟ್‌ಗಳ ಜತೆಗೆ ಉತ್ತಮ ರನ್‌ರೇಟ್‌ನೊಂದಿಗೆ ವಿಜಯೋತ್ಸವ ಆಚರಿಸಿದರು.
