ಲಿಬಿಯಾದ ಎರಡು ಸಾಮೂಹಿಕ ಸಮಾಧಿಯಲ್ಲಿ 50 ವಲಸಿಗರ ಮೃತದೇಹ ಪತ್ತೆಹಚ್ಚಿದ ಅಧಿಕಾರಿಗಳು

ಟ್ರಿಪೋಲಿ: ಆಗ್ನೇಯ ಲಿಬಿಯಾದ ಮರುಭೂಮಿಯಲ್ಲಿ 2 ಸಾಮೂಹಿಕ ಸಮಾಧಿಗಳಿಂದ ಸುಮಾರು 50 ವಲಸಿಗರ ಮೃತದೇಹಗಳನ್ನು ಅಧಿಕಾರಿಗಳು ಪತ್ತೆಹಚ್ಚಿದ್ದಾರೆ ಎಂದು ಸರಕಾರದ ಉನ್ನತ ಮೂಲಗಳು ತಿಳಿಸಿವೆ.

ಆಗ್ನೇಯ ನಗರವಾದ ಕುಫ್ರಾದಲ್ಲಿನ ಜಮೀನಿನಲ್ಲಿ ಶುಕ್ರವಾರ ಪತ್ತೆಹಚ್ಚಲಾದ ಸಾಮೂಹಿಕ ಸಮಾಧಿಯಲ್ಲಿ 19 ಮೃತದೇಹಗಳು ಪತ್ತೆಯಾಗಿವೆ. ಅವುಗಳನ್ನು ಮರಣೋತ್ತರ ಪರೀಕ್ಷೆಗಾಗಿ ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿದೆ. ಪೊಲೀಸ್ ಅಧಿಕಾರಿಗಳು ಹಾಗೂ ವೈದ್ಯಕೀಯ ಸಿಬ್ಬಂದಿಗಳು ಮರಳನ್ನು ಅಗೆದು ಕಂಬಳಿಗಳಲ್ಲಿ ಸುತ್ತಿಡಲಾಗಿದ್ದ ಮೃತದೇಹಗಳನ್ನು ಹೊರೆತೆಯುತ್ತಿರುವ ಚಿತ್ರವನ್ನು ಅಧಿಕಾರಿಗಳು ಫೇಸ್‍ಬುಕ್‍ನಲ್ಲಿ ಪೋಸ್ಟ್ ಮಾಡಿದ್ದಾರೆ.