ಚಿಕ್ಕಬಳ್ಳಾಪುರ :ಬೆಂಗಳೂರಿನಿಂದ ಬೆಂಗಳೂರಿನಿಂದ ಹೂಗಳತೆ ದೂರದಲ್ಲಿರುವ ಚಿಕ್ಕಬಳ್ಳಾಪುರ ಜಿಲ್ಲೆ ಗೌರಿಬಿದನೂರು ತಾಲೂಕಿನ ವಾಟದ ಹೊಸಳ್ಳಿ ಕೆರೆಯಲ್ಲಿ ಇಂದು ಬೆಳ್ಳಂಬೆಳಗ್ಗೆನೇ ಟೆಕ್ಕಿಗಳ ಕಲರವ ಕಂಡುಬಂತು . ಬೆಂಗಳೂರಿನ ಕರ್ನಾಟಕ ಐಟಿಎಫ್ ಸಂಸ್ಥೆ ಆಯೋಜಿಸಿದ್ದ ಸ್ವಿಮ್ಮಿಂಗ್ ಹಾಗೂ ಸೈಕ್ಲಿಂಗ್ ಸ್ಪರ್ಧೆಗಳಲ್ಲಿ ಯುವತಿಯರು ಯುವಕರು ಭಾಗವಹಿಸಿ ಸಕ್ಕತ್ ಎಂಜಾಯ್ ಮಾಡಿದರು.
ವೀಕೆಂಡ್ ಭಾನುವಾರ ರಜೆ ಇದ್ದ ಕಾರಣ ಬೆಳ್ಳಂ ಬೆಳಗ್ಗೇನೆ ಐಟಿ ಬಿಟಿ ಉದ್ಯೋಗಿಗಳು ಸೇರಿದಂತೆ ನೂರಾರು ಜನ ಆಗಮಿಸಿ ಕೆರೆ ಅಂಗಳವನ್ನು ಸ್ವಿಮ್ಮಿಂಗ್‌ಪೂಲ್‍ ವಾತಾವರಣ ಸೃಷ್ಟಿ ಮಾಡಿದ್ದರು. ಈ ವೇಳೆ ಈಜು ಸ್ಪರ್ಧೆಯ ತರಬೇತಿಯನ್ನು ಸಹ ನೀಡಲಾಯಿತು. ಇನ್ನು ಟೆಕ್ಕಿಗಳ ಆಟವನ್ನು ನೋಡಲು ಸುತ್ತಮುತ್ತಲಿನ ಗ್ರಾಮಸ್ಥರು ಆಗಮಿಸಿ ಅಚ್ಚರಿಯಿಂದ ನೋಡುತ್ತಿದ್ದ ದೃಶ್ಯ ಸಾಮಾನ್ಯವಾಗಿತ್ತು..
ವರದಿ :ಬಿ ಸುರೇಶ್ ಬಾಬು, ಚಿಕ್ಕಬಳ್ಳಾಪುರ
