ಹಾಲಿನ ಸೇವನೆ ಅರೋಗ್ಯಕ್ಕೆ ಒಳ್ಳೆಯದು, ಹಾಗೆಯೇ ಹಸಿ ಹಾಲು ಚರ್ಮಕ್ಕೆ ತುಂಬಾ ಉಪಯುಕ್ತವಾಗಿದೆ. ಚರ್ಮಕ್ಕೆ ಬೇಕಾದಂತಹ ಪೋಷಕಾಂಶಗಳು ಹಸಿ ಹಾಲಿನಲ್ಲಿ ಇವೆ. ಇದು ಚರ್ಮವನ್ನು ಅನೇಕ ಸಮಸ್ಯೆಗಳಿಂದ ರಕ್ಷಿಸುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಚರ್ಮದ ಮೇಲೆ ಹಸಿ ಹಾಲನ್ನು ಯಾವ ರೀತಿ ಬಳಸಬೇಕು ಎನ್ನುವುದನ್ನು ತಿಳಿಯುವುದು ಮುಖ್ಯ. ಇಂದು ನಾವು ಹಸಿ ಹಾಲನ್ನು ಯಾವ ರೀತಿ ಹಚ್ಚುವುದರಿಂದ ಮುಖಕ್ಕೆ , ತ್ವಚೆಗೆ ಪ್ರಯೋಜನಕಾರಿಯಾಗಿದೆ ಎನ್ನುವುದನ್ನು ತಿಳಿಯೋಣ.
ಹಸಿ ಹಾಲನ್ನು ಬಳಸುವುದು ಹೇಗೆ?
ನಿಮ್ಮ ತ್ವಚೆಗೆ ಹಸಿ ಹಾಲನ್ನು ಟೋನರ್ ಆಗಿ ಬಳಸಬಹುದು. ಇಂತಹ ಪರಿಸ್ಥಿತಿಯಲ್ಲಿ ರಾತ್ರಿ ಮಲಗುವಾಗ ಹಸಿ ಹಾಲನ್ನು ಚರ್ಮಕ್ಕೆ ಹಚ್ಚಿಕೊಳ್ಳಿ. ಹೀಗೆ ಮಾಡುವುದರಿಂದ ತ್ವಚೆಯಲ್ಲಿ ಬಿಗಿತ ಉಂಟಾಗುವುದು ಮಾತ್ರವಲ್ಲದೆ ಸಡಿಲತೆಯನ್ನೂ ಹೋಗಲಾಡಿಸಬಹುದು. ಹಸಿ ಹಾಲಿನಲ್ಲಿರುವ ಲ್ಯಾಕ್ಟಿಕ್ ಆಸಿಡ್ ತ್ವಚೆಯನ್ನು ಒಳಗಿನಿಂದ ಕ್ಲೀನ್ ಮಾಡುವುದಲ್ಲದೆ, ಮೊಡವೆಗಳಾಗದಂತೆ ತಡೆಯುತ್ತದೆ.
ನೈಸರ್ಗಿಕ ಕ್ಲೆನ್ಸರ್
ನಿಮ್ಮ ಮುಖವನ್ನು ಶುದ್ಧೀಕರಿಸಲು ಹಸಿ ಹಾಲನ್ನು ಬಳಸುವುದು ಸಾಕಷ್ಟು ಪ್ರಯೋಜನಕಾರಿಯಾಗಿದೆ. ನಿಮ್ಮ ಮುಖದಿಂದ ಕೊಳೆಯನ್ನು ತೆಗೆದುಹಾಕುವುದರ ಹೊರತಾಗಿ, ಅದು ನೈಸರ್ಗಿಕ ತೇವಾಂಶವನ್ನು ತೆಗೆದುಹಾಕುವುದಿಲ್ಲ. ಇದು ಚರ್ಮವನ್ನು ಪೋಷಿಸುತ್ತದೆ ಮತ್ತು ಮಾಯಿಶ್ಚರೈಸ್ ಆಗಿಡುತ್ತದೆ. ಕಲ್ಮಶಗಳಿಂದಾಗಿ ತ್ವಚೆಯ ರಂಧ್ರ ಮುಚ್ಚಿಹೋಗುವುದನ್ನು ತಡೆಯುತ್ತದೆ.
ಹಸಿ ಹಾಲಿನಿಂದ ಮಸಾಜ್ ಮಾಡಿ
ನಿಮ್ಮ ಚರ್ಮವನ್ನು ಹಸಿ ಹಾಲಿನಿಂದ ಮಸಾಜ್ ಮಾಡಬಹುದು. ಹತ್ತಿಯನ್ನು ಹಸಿ ಹಾಲಿನಲ್ಲಿ ನೆನೆಸಿ ಮತ್ತು ಅದನ್ನು ನಿಮ್ಮ ಮುಖದ ಮೇಲೆ ಹಚ್ಚಿ. ನಂತರ ಲಘು ಕೈಗಳಿಂದ ಮಸಾಜ್ ಮಾಡಿ. ಹೀಗೆ ಮಾಡುವುದರಿಂದ ತ್ವಚೆಯ ರಕ್ತ ಸಂಚಾರ ಚೆನ್ನಾಗಿ ಆಗುವುದಲ್ಲದೆ ಮೈಬಣ್ಣವೂ ಸುಧಾರಿಸುತ್ತದೆ.
ಹಸಿ ಹಾಲಿಗೆ ಜೇನುತುಪ್ಪ ಸೇರಿಸಿ
ಹಸಿ ಹಾಲಿನ ಜೊತೆಗೆ, ಒಂದು ಬಟ್ಟಲಿನಲ್ಲಿ ಕಡಲೆ ಹಿಟ್ಟು ಮತ್ತು ಜೇನುತುಪ್ಪವನ್ನು ಸೇರಿಸಿ ಈಗ ಅದನ್ನು ನಿಮ್ಮ ತ್ವಚೆಗೆ ಹಚ್ಚಿ 20 ನಿಮಿಷಗಳ ಕಾಲ ಇರಿಸಿ. ಈಗ ಸಾಮಾನ್ಯ ನೀರಿನಿಂದ ತೊಳೆಯಿರಿ. ಹೀಗೆ ಮಾಡುವುದರಿಂದ ತ್ವಚೆಯಲ್ಲಿರುವ ಕೊಳೆಯನ್ನು ಹೋಗಲಾಡಿಸಬಹುದು.
ಹಸಿ ಹಾಲಿಗೆ ಅರಿಶಿನ ಸೇರಿಸಿ
ಹಸಿ ಹಾಲಿಗೆ ಅರಿಶಿನ ಸೇರಿಸಿ ಮುಖಕ್ಕೆ ಹಚ್ಚೋದರಿಂದ ಇದು ಫೇಸ್‌ಪ್ಯಾಕ್ ರೀತಿ ಕೆಲಸಮಾಡುತ್ತದೆ. ಇದು ಮುಖದಲ್ಲಿನ ಕಪ್ಪು ಕಲೆಗಳನ್ನು ಹೋಗಲಾಡಿಸಿ ತ್ವಚೆಯನ್ನು ಕಾಂತಿಯುತವಾಗಿಸುತ್ತದೆ. ಇದನ್ನು ಹಚ್ಚಿ 20 ನಿಮಿಷಗಳ ನಂತರ ಮುಖ ತೊಳೆಯಿರಿ
