ಮಹದೇವಪುರ: ಮಹದೇವಪುರ (Mahadevpur)ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಮಂಜುಳಾ ಅರವಿಂದ ಲಿಂಬಾವಳಿ(Manjula Aravinda Limbavali) ಅವರು ಮಹದೇವಪುರ ಮತಕ್ಷೇತ್ರದ ಚನ್ನಸಂದ್ರ, ನಾಗೊಂಡನಹಳ್ಳಿ, ಇಮ್ಮಡಿಹಳ್ಳಿ, ಹಗದೂರು ಮತ್ತು ವಿನಾಯಕನಗರದಲ್ಲಿ ಚುನಾವಣಾ ಭರ್ಜರಿ ಪ್ರಚಾರ ಮಾಡಿದರು.ಪ್ರಚಾರದಲ್ಲಿ ನೂರಾರು ಕಾರ್ಯಕರ್ತರು ಸೇರಿದ್ದರು. ಮನೆ ಮನೆಗೆ ಬಿಜೆಪಿ ಸರ್ಕಾರದ ಸಾಧನೆ ಮತ್ತು ಮಹದೇವಪುರ ಅಭಿವೃದ್ಧಿ ಕಾರ್ಯಕ್ರಮ ಕರಪತ್ರಗಳನ್ನ ನೀಡಿ ಮತ್ತೊಮ್ಮೆ ಮಹದೇವಪುರದಲ್ಲಿ ಕಮಲಕ್ಕೆ ಆಶಿರ್ವಾದ ಮಾಡಬೇಕು ಎಂದು ಮನವಿ ಮಾಡಿದರು.
ಪ್ರಚಾರದ ನಂತರ ಮಹದೇವಪುರ(Assembly Election) ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಮಂಜುಳಾ ಅರವಿಂದ ಲಿಂಬಾವಳಿ (Manjula Aravinda Limbavali)ಅವರು ಕ್ಷೇತ್ರದ ಕಾಡುಗೋಡಿಯ ಅರ್ಬನ್ ಫಾರೆಸ್ಟ್‌, ಮಾರ್ವೆಲ್ ಸ್ಕ್ವೇರ್ ಅಪಾರ್ಟ್‌ಮೆಂಟ್‌ಗಳ ಆರ್. ಡಬ್ಲ್ಯೂ.ಎ ಹಾಗೂ ಹೂಡಿ ಕೊಕನೇಟ್ ಗಾರ್ಡನ್, ಅಲ್ಪಾ ಗಾರ್ಡನ್ ನಲ್ಲಿ ನಡೆದ ಆರ್‌ಡಬ್ಲ್ಯುಎ ಸಭೆಯಲ್ಲಿ ಭಾಗವಹಿಸಿ, ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ತಮ್ಮನ್ನು ಬೆಂಬಲಿಸುವಂತೆ ನಿವಾಸಿಗಳಲ್ಲಿ ಮತಯಾಚನೆ ಮಾಡಿದರು.
ಕ್ಷೇತ್ರದಲ್ಲಿ ಶಾಸಕ ಅರವಿಂದ ಲಿಂಬಾವಳಿಯವರ ಅಭಿವೃದ್ಧಿ ಮೆಚ್ಚಿ ಮಂಡೂರು ಗ್ರಾಮದ ಮಾದಪ್ಪ, ಶ್ರೀನಿವಾಸ,ರಾಜಪ್ಪ, ವಿಶ್ವನಾಥ್,ಮುರುಳಿ, ನಾಗರಾಜ್,ದೇವರಾಜ್ , ಹಾಗೂ ಹೂಡಿ ಗ್ರಾಮದ ಅಭಿ ಮತ್ತು ಬಸವನಗರದ ಮೀಸೆ ನಾಗರಾಜ್ ಸಂಗಡಿಗರು ದೊಡ್ಡನಕ್ಕುಂದಿ ವಾರ್ಡ್ ನ ಕ್ರೀಸ್ತು ರಾಜ್ ಸೇರಿದಂತೆ ಸೂಮಾರು ಐದು ನೂರಕ್ಕೂ ಹೆಚ್ಚು ಕಾರ್ಯಕರ್ತರು ಅನ್ಯ ಪಕ್ಷ ತೊರೆದು ಬಿಜೆಪಿಗೆ ಸೇರಿದರು. ಈ ಸಂದರ್ಭದಲ್ಲಿ ಕ್ಷೇತ್ರದ ಮುಖಂಡರು ಕಾರ್ಯಕರ್ತರು ಇದ್ದರು.
