ಬೆಂಗಳೂರು: ಕಳೆದ ಒಂಭತ್ತು ತಿಂಗಳಿನಿಂದ IT , ED ಮೂಲಕ ಕಿರುಕುಳ ನೀಡಲಾಗುತ್ತಿದೆ ಎಂದು(kgfbabu) ಕೆಜಿಎಫ್ ಬಾಬು ಹೇಳಿದ್ದಾರೆ. ವಸಂತ ನಗರದ ರುಕ್ಸಾನ ಪ್ಯಾಲೇಸ್ ನಲ್ಲಿ ಸುದ್ದಿಗೋಷ್ಠಿ ನಡೆಸಿ, ಮೊದಲಿಗೆ ಬಸವ ಜಯಂತಿ ಶುಭಾಶಯಗಳನ್ನು ತಿಳಿಸಿ ಮಾತು ಮುಂದುವರಿಸಿದರು. ED, IT ಮೂಲಕ ಕಳೆದ 9 ತಿಂಗಳಿಂದ ನನಗೆ ತೊಂದರೆ ಕಿರುಕುಳ ನೀಡಲಾಗುತ್ತಿದೆ. ನನ್ನ 26 ಬ್ಯಾಂಕ್ ಅಕೌಂಟ್ ಸೀಜ್ ಮಾಡಿದ್ದು, ಚುನಾವಣೆ ಇರುವ ಹಿನ್ನೆಲೆ ಕಿರುಕುಳ ಕೊಡುತ್ತಿದ್ದಾರೆ. ಇದರಿಂದ ಯಾರಿಗೆ ಲಾಭ ಆಗುತ್ತೆ ಗೊತ್ತಿದೆ.
ಇಂಥ ಲುಚ್ಚ ರಾಜಕಾರಣ ಮಾಡುತ್ತಿದ್ದಾರೆ ಎಂದು ಕಿಡಿಕಾರಿದರು. ಇನ್ನೂ ಬಡ ಮಕಾನ್‌ನಲ್ಲಿ ಆರ್ ವಿ ದೇವರಾಜ ಬಂದು ರಂಜನ್ ಶುಭಾಶಯ ಕೋರಿದರು. ಆಮೇಲೆ ಒಂದಾಗಿದ್ದೇವೆ ಎಂದು ಸುಳ್ಳು, ಅಪಪ್ರಚಾರ ಮಾಡಿದ್ದಾರೆ. ಆ ರೀತಿ ಏನು ಆಗಿಲ್ಲ. ಗಂಗಾಬಿಕೆ, ನಂಗೆ ಟಿಕೆಟ್ ತಪ್ಪಿಸಲು ‘ಅವರೇ’ ಕಾರಣ. ಆದರೆ ಅವರ ಹೆಸರು ಹೇಳುವುದಕ್ಕೆ ಆಗಲ್ಲ ಎಂದರು. ಇನ್ನೂ IT ರೇಡ್ ನಲ್ಲಿ ಏನು ಸಿಗದಿದ್ರು ಸೀಜ್ ಮಾಡಿದ್ದಾರೆ. ಚಿಕ್ಕಪೇಟೆ ಕ್ಷೇತ್ರದ ಜನರಿಗೆ ಸಹಾಯ ಮಾಡಬಾರದು ಅಂತ ಈ ರೀತಿ ಮಾಡಿದ್ದಾರೆ.
ಆದರೆ ಚುನಾವಣೆ ಮುಗಿದ ನಂತರ ನಾನು ಕೊಟ್ಟಿರುವ ಭರವಸೆ ಈಡೇರಿಸುತ್ತೇನೆ. ಕ್ಷೇತ್ರದಲ್ಲಿ ಹೊಸ ಮುಖ ಬೇಕು ಅಂತ ಜನ ತೀರ್ಮಾನ ಮಾಡಿದ್ದಾರೆ. ನಮಗೆ ಚುನಾವಣೆಯಲ್ಲಿ ಗೆಲ್ಲುವ ವಿಶ್ವಾಸ ಇದೆ. ಪಕ್ಷೇತರವಾಗಿ ಸ್ಪರ್ಧೆ ಮಾಡಿದಾಗ ಕಾಂಗ್ರೆಸ್ ನಾಯಕರು ರಾಜ್ಯಸಭಾ ಸದಸ್ಯ ಮಾಡುತ್ತೇವೆ ಬನ್ನಿ ಎಂದಿದ್ದರು. ಸುರ್ಜೆವಾಲಾ, ವೇಣುಗೋಪಾಲ್ ಕರೆ ಮಾಡಿದ್ದರು. ಆದರೆ ಕ್ಷೇತ್ರದ ಜನರಿಗೆ ನಾನು ಮೋಸ ಮಾಡಲು ಇಷ್ಟಪಡಲಿಲ್ಲ. ಪ್ರಧಾನಿ ಹುದ್ದೆ ಕೊಟ್ಟರು ಬೇಡ. ಚಿಕ್ಕಪೇಟೆ ಬಿಟ್ಟು ನಾನು ಎಲ್ಲೂ ಹೋಗಲ್ಲ ಎಂದು ಕೆಜಿಎಫ್ ಬಾಬು ಹೇಳಿದ್ದಾರೆ.
