ದೇವಿ’ ಧಾರವಾಹಿ ಮೂಲಕ ಬಣ್ಣದ ಲೋಕಕ್ಕೆ ಎಂಟ್ರಿಕೊಟ್ಟ ವಿಠ್ಠಲ್ ಕಾಮತ್ ಇದೀಗ ಮತ್ತೆ ಕಿರುತೆರೆಯಲ್ಲಿ ಆಕ್ಟೀವ್ ಆಗಿದ್ದಾರೆ. ‘ಅಂತರಪಟ’ ಧಾರಾವಾಹಿ ಮೂಲಕ ಸದ್ಯದಲ್ಲೇ ಟಿವಿ ಪ್ರೇಕ್ಷಕರಿಗೆ ಮೋಡಿ ಮಾಡಲು ವಿಠ್ಠಲ್ ಕಾಮತ್ ರೆಡಿಯಾಗಿದ್ದಾರೆ.
ಮೈಸೂರು ಮೂಲದ ವಿಠ್ಠಲ್ ಕಾಮತ್ ಅಲಿಯಾಸ್ ಸೂರ್ಯ ದೇವಿ, ಅಕ್ಕ ಸೀರಿಯಲ್ ನಾಯಕನಾಗಿ ನಟಿಸಿದ್ದರು. ಈ ಧಾರವಾಹಿಗಳು ವಿಠ್ಠಲ್ ಅವರಿಗೆ ಸಾಕಷ್ಟು ಜನಪ್ರಿಯತೆ ತದ್ದುಕೊಟ್ಟಿತ್ತು. ಆ ಬಳಿಕ ‘ಪ್ರೀತಿಯಲ್ಲಿ ಸಹಜ’, ‘ಕಟ್ಟುಕಥೆ’ ಚಿತ್ರಗಳಲ್ಲಿ ನಾಯಕನಾಗಿ ಮಿಂಚಿದ್ದು ಇದೀಗ ಅಂತರಪಟದಲ್ಲಿ ಮತ್ತೆ ಪ್ರೇಕ್ಷಕರಿಗೆ ಹತ್ತಿರವಾಗಲು ರೆಡಿಯಾಗಿದ್ದಾರೆ.
ಸ್ವಪ್ನ ಕೃಷ್ಣ ನಿರ್ದೇಶನದ ‘ಅಂತರಪಟ’ ಸೀರಿಯಲ್‌ನಲ್ಲಿ ವಿಠ್ಠಲ್ ಕಾಮತ್ ಅವರು ನೆಗೆಟಿವ್ ಶೇಡ್‌ನಲ್ಲಿ ಬಣ್ಣ ಹಚ್ಚುತ್ತಿದ್ದಾರೆ. ಇದುವರೆಗೂ ಹೀರೋ ಆಗಿ ನಟಿಸಿ ಸೈ ಎನಿಸಿಕೊಂಡಿದ್ದ ನಟ, ವಿಭಿನ್ನ ಪಾತ್ರದ ಮೂಲಕ ಪ್ರೇಕ್ಷಕರ ಮನಗೆಲ್ಲಲು ವಿಠ್ಠಲ್ ಕಾಮಲ್ ಸಜ್ಜಾಗಿದ್ದಾರೆ.
