ಬಾಗಲಕೋಟೆ: ಪಕ್ಷೇತರ ಅಭ್ಯರ್ಥಿ ಡಾ. ಪದ್ಮಜೀತ ನಾಡಗೌಡ ಪಾಟೀಲ ಅಬ್ಬರ ಪ್ರಚಾರ ತೇರದಾಳ ಮತಕ್ಷೇತ್ರದ ಸ್ವಾಭಿಮಾನಿ ಬಡವರ ಬಂಧು ಪಕ್ಷೇತರ ಅಭ್ಯರ್ಥಿ ಡಾ ಪದ್ಮಜೀತ ನಾಡಗೌಡ ಪಾಟೀಲ ನಗರದಲ್ಲಿ ಬಿರುಸಿನ ಪ್ರಚಾರ ನಡೆಸಿದರು. ಮಹಾತ್ಮ ಗಾಂಧಿ ಪುತ್ತಳಿಗೆ ಹಾಗೂ ಬಸವ ನಗರದಲ್ಲಿ ಚನ್ನಪ್ಪ ಕುಳ್ಳೊಳ್ಳಿ ಪುತ್ತಳಿಗೆ ಮಾಲಾರ್ಪಣೆ ಮಾಡಿದರು. ಪಕ್ಷೇತರ ಅಭ್ಯರ್ಥಿಯ ಹಣ್ಣಿನ ಬುಟ್ಟಿಯನ್ನು ತಲೆಯ ಮೇಲೆ ಹೊತ್ತುಕೊಂಡು ಮತದಾರರ ಗಮನ ಸೆಳೆದರು.
ಮಹಿಳೆಯರು ಸಹ ಹಣ್ಣಿನ ಬುಟ್ಟಿ ಹಿಡಿದು ಹೆಜ್ಜೆ ಹಾಕಿದರು. ತೇರದಾಳ ಮತಕ್ಷೇತ್ರದ ಸರ್ವೋಮುಖ ಅಭಿವೃದ್ಧಿಗಾಗಿ ನನಗೆ ಆಶೀರ್ವಾದ ಮಾಡಿ ಎಂದು ಹೇಳಿದರು. ತೇರದಾಳ ಮತಕ್ಷೇತ್ರದಲ್ಲಿ ನಾನು ಈಗ ಜನರ ಸೇವೆ ಮಾಡುತ್ತಾ ಬಂದಿದ್ದು. ಇದೇ ನನ್ನ ಗೆಲುವಿಗೆ ಶ್ರೀರಕ್ಷೆ ಆಗಲಿದೆ ಎಂದರು.
ಇನ್ನಷ್ಟು ಸೇವೆಗೆ ಅವಕಾಶ ಮಾಡಿಕೊಳ್ಳಲು ನನಗೆ ಮತ ನೀಡುವ ಮುಖಾಂತರ ಆಶೀರ್ವಾದ ಮಾಡಬೇಕೆಂದು ಮತದಾರರಿಗೆ ಮನವಿ ಮಾಡಿಕೊಂಡರು.ಮತದಾರರ ಮನೆ ಮನೆಗೆ ತೆರಳಿ ಮತಯಾಚನೆ ನಡೆಸಿದರು.ತೇರದಾಳ ಮತಕ್ಷೇತ್ರದಲ್ಲಿ ಪಕ್ಷೇತರ ಅಭ್ಯರ್ಥಿ ಡಾ. ಪದ್ಮಜೀತ ನಾಡಗೌಡ ಪಾಟೀಲ ಗೆಲುವು ಶತಸಿದ್ಧ ಎಂದು ಹೇಳಿದರು.
ವರದಿ: ಪ್ರಕಾಶ ಕುಂಬಾರ, ಬಾಗಲಕೋಟೆ
