ಬೆಂಗಳೂರು: ವೀಲಿಂಗ್ ಮಾಡಲು ಮನೆ ಮುಂದೆ ನಿಲ್ಲಿಸಿದ್ದ ಬೈಕ್ಗಳ ಕಳ್ಳತನ ಮಾಡುತ್ತಿದ್ದ ಆರೋಪಿಯನ್ನು ಬೆಂಗಳೂರಿನ ಕೊಡಿಗೆಹಳ್ಳಿ ಪೊಲೀಸರು (Kodigehalli Police, Bangalore) ಬಂಧಿಸಿದ್ದಾರೆ. 22 ವರ್ಷದ ಶರತ್ ಬಂಧಿತ ಆರೋಪಿ ಎಂದು ಗುರುತಿಸಲಾಗಿದೆ. ಬಂಧಿತ ಆರೋಪಿಯಿಂದ ಬರೊಬ್ಬರಿ 17 ಬೈಕ್ಗಳನ್ನ ವಶಕ್ಕೆ ಪಡೆಯಲಾಗಿದೆ. ಇನ್ನು ಈ ಗ್ಯಾಂಗ್ ಹೆಚ್ಚಾಗಿ ಡಿಯೋ ಬೈಕ್ಗಳನ್ನೇ ಟಾರ್ಗೆಟ್ ಮಾಡುತಿದ್ದರು, ಐವರು ಬಾಲಕರ ಜೊತೆ ವಿಲೀಂಗ್(Wheeling with five boys) ಚಟಕ್ಕೆ ಬಿದಿದ್ದ ಆರೋಪಿ ಶರತ್ , ತನ್ನ ಬಳಿ ಬೈಕ್ ಇಲ್ಲವೆಂದು ಕಂಡ ಕಂಡವರ ಬೈಕ್ ಕಳ್ಳತನ ಮಾಡುತ್ತಿದ್ದ. ಕೊಡಿಗೇಹಳ್ಳಿ,
ಮಾಗಡಿರೋಡ್, ಬಸವೇಶ್ವರನಗರ ಸೇರಿದಂತೆ ಹಲವು ಕಡೆ ಇತ ಈ ಕೃತ್ಯ ಎಸಗಿದ್ದಾನೆ. ಇತ್ತೀಚೆಗೆ ತಡರಾತ್ರಿ ನಾಕಬಂದಿಯಾಕಿ ಪೊಲೀಸರು ತಪಾಸಣೆ ನಡೆಸುವ ವೇಳೆ ಶರತ್ ಪ್ರತ್ಯಕ್ಷನಾಗಿದ್ದ. ಈ ವೇಳೆ ಪೊಲೀಸರು ಆತನನ್ನ ನೋಡುವ ಮುನ್ನವೇ ಪರಾರಿಗೆ ಯತ್ನಿಸಿದ್ದಾನೆ. ಅನುಮಾನಗೊಂಡು ಆತನನ್ನ ಹಿಡಿದು ಪರಿಶೀಲನೆ ನಡೆಸಿದ್ದಾರೆ. ಈ ವೇಳೆ ಕೃತ್ಯಗಳು ಬಯಲಿಗೆ ಬಂದಿವೆ. ಬಳಿಕ ಈತನ ಮಾಹಿತಿ ಆದರಿಸಿ ಐವರು ಬಾಲಕರ ಅಭಿರಕ್ಷೆಗೆ ಪಡೆದು ವಿಚಾರಣೆ ಮಾಡಿದ್ದು, ಸದ್ಯ ಆರೋಪಿ ಬಂಧನದಿಂದ 8ಲಕ್ಷ ಮೌಲ್ಯದ ವಿವಿಧ ಬೈಕ್ ಪತ್ತೆಯಾಗಿದೆ.
