ಬೆಂಗಳೂರು: ರಾಜ್ಯದ 224 ಕ್ಷೇತ್ರಗಳ ವ್ಯಾಪ್ತಿಯಲ್ಲಿ ಮತದಾನದ ಅವಧಿ ಅಂತ್ಯವಾಗಿದೆ. ಮತಗಟ್ಟೆ ಆವರಣದಲ್ಲಿ ಸರತಿ ಸಾಲಿನಲ್ಲಿ ನಿಂತಿರುವವರಿಗೆ ಮಾತ್ರ ಅವಕಾಶ ನೀಡಲಾಗಿದೆ. ಬಹುತೇಕ ಮತದಾನ ಪ್ರಕ್ರಿಯೆ ಶಾಂತಿಯುತವಾಗಿ ಮುಕ್ತಾಯವಾಗಿದೆ. 224 ಕ್ಷೇತ್ರಗಳಲ್ಲಿ ಬೆಳಗ್ಗೆ 7ರಿಂದ ಸಂಜೆ 6ರವರೆಗೆ ಮತದಾನ ನಡೆದಿದೆ. ಮೇ 13 ಕ್ಕೆ ಫಲಿತಾಂಶ ಪ್ರಕಟವಾಗಲಿದೆ..
ಹಲವು ಕಡೆಗಳಲ್ಲಿ ಇನ್ನೂ ಸರತಿ ಸಾಲಿನಲ್ಲಿ ಮತದಾರರು ನಿಂತಿದ್ದು, ಚುನಾವಣಾ ಅಧಿಕಾರಿಗಳ ಅನುಮತಿ ನಂತರ ಸರತಿ ಸಾಲಿನಲ್ಲಿ ನಿಂತಿರುವವರಿಗೆ ಅವಕಾಶ ನೀಡುವ ಬಗ್ಗೆ ಅಂತಿಮ ತೀರ್ಮಾನ ತೆಗೆದುಕೊಳ್ಳುಲಾಗುವುದು ಎನ್ನಲಾಗಿದೆ. ಈ ಬಾರಿ ಕೂಡ ಬೆಂಗಳೂರಿನಲ್ಲಿ ಅತಿ ಕಡಿಮೆ ಪ್ರಮಾಣದಲ್ಲಿ ಮತದಾನವಾಗಿರುವುದು ಬೆಂಗಳೂರಿನ ಮತದಾರರ ನೈತಿಕತೆಯನ್ನು ಪ್ರಶ್ನೆ ಮಾಡುವಾಂತಾಗಿದೆ ಅಂತ ಹಲವು ಮಂದಿ ಪ್ರಶ್ನೆಮಾಡುತ್ತಿದ್ದಾರೆ.
ಚುನಾವಣಾ ಆಯೋಗದ ಅಧಿಕೃತ ಮಾಹಿತಿ ಪ್ರಕಾರ ಇಂದು ಸಂಜೆ 5 ಗಂಟೆ ಹೊತ್ತಿಗೆ ಶೇ 70.69% ಮತದಾನವಾಗಿದೆ ಅಂತ ತಿಳಿಸಿದ್ದು, ಇನ್ನೇನು ಕೆಲವೇ ಗಂಟೆಗಳಲ್ಲಿ ಅಂತಿಮ ಮತದಾನದ ಶೇಕಡವಾರು ಮಾಹಿತಿಯನ್ನು ಕರ್ನಾಟಕ ಚುನಾವಣಾ ಆಯೋಗದ ಅಧಿಕಾರಿಗಳು ಮಾಹಿತಿಯನ್ನು ನೀಡಲಿದ್ದಾರೆ. ಇಂದು ಬೆಳಗ್ಗೆ ಆರಂಭದಲ್ಲಿ ಮತದಾರರು ಮತದಾನವನ್ನು ಮಾಡಲು ನಿರುತ್ಸಾಹ ಕಂಡು ಬಂದಿತ್ತು, ಆದರೆ ಸಮಯ ಕಳೆದಂತೆ ಮತದಾರರು ಮತದಾನ ಕೇಂದ್ರಗಳತ್ತ ಆಗಮಿಸಿ, ಮತದಾನವನ್ನು ಮಾಡಿ, ಪ್ರಜಾಪ್ರಭುತ್ವದ ಹಬ್ಬದ ಭಾಗವಹಿಸಿ ಸಂಭ್ರಮಿಸಿದರು. ಇನ್ನೂ ಇಂದು ನಡೆದ ಮತದಾನದ ವೇಳೆಯಲ್ಲಿ,ಅಲಲ್ಲಿ ಸಣ್ಣ ಪುಟ್ಟ ಗಲಾಟೆ, ಹಾಗೂ ಮತ ಯಂತ್ರಗಳ ದೋಶವನ್ನು ಹೊರತು ಪಡಿಸಿ ಬಹುತೇಕವಾಗಿ ಶಾಂತಿಯುತವಾಗಿ ಮತದಾನ ನೇರವೇರಿದೆ.
ವರುಣಾದಲ್ಲಿ ಮಾಜಿ ಸಿಎಂ ಸಿದ್ದರಾಮಯ್ಯ, ಶಿಗ್ಗಾವಿಯಲ್ಲಿ ಸಿಎಂ ಬಸವರಾಜ ಬೊಮ್ಮಾಯಿ. ಶಿಕಾರಿ ಪುರದಲ್ಲಿ ಮಾಜಿ ಸಿಎಂ ಬಿ ಎಸ್‌ ಯಡಿಯ್ಯೂರಪ್ಪ ಹಾಗೂ ಕನಕಪುರದಲ್ಲಿ ಡಿ.ಕೆ ಶಿವಕುಮಾರ್‌ ಅವರು ಮತದಾನವನ್ನು ಮಾಡಿದರು. ಹೊಳೆನರಸೀಪುರ ಕ್ಷೇತ್ರದ ಪಡುವಲಹಿಪ್ಪೆಯಲ್ಲಿ ಮಾಜಿ ಪ್ರಧಾನಿ ಎಚ್.ಡಿ.ದೇವೇಗೌಡರು ಪತ್ನಿ ಚನ್ನಮ್ಮ ಅವರೊಂದಿಗೆ ಆಗಮಿಸಿ ಮತಚಲಾಯಿಸಿದರು.
ಇದಲ್ಲದೇ ಸ್ಯಾಂಡಲ್‌ವುಡ್‌ ನಟ ನಟಿಯರು ಕೂಡ ಮತದಾನದವನ್ನು ಮಾಡಿ ಎಲ್ಲರಿಗೂ ಮಾದರಿಯಾದ್ರು. ಸಿದ್ದಗಂಗೆಯ ಶ್ರಿಗಳು ಸೇರಿದಂತೆ ರಾಜ್ಯದ ನಾನಾ ಭಾಗಗಳಲ್ಲಿ ಶ್ರೀಗಳು ಮತದಾನ ಮಾಡಿ ಮತದಾರರಿಗೆ ಮತದಾನ ಮಾಡುವಂತೆ ಕರೆ ನೀಡಿದರು.
ಇನ್ನೂ ಜಿಲ್ಲಾವಾರು ಮತದಾನದ ವಿವರವನ್ನು ನೋಡುವುದಾದ್ರೆ ಅದರ ವಿವರ ಈ ಕೆಳಕಂಡತೆ ಇದೆ.(ಸಂಜೆ 5 ಗಂಟೆವರೆಗೆ)
- ಬೆಂಗಳೂರು ಸೆಂಟ್ರಲ್‌ ಶೇ10
- ಬೆಂಗಳೂರು ನಾರ್ತ್‌ ಶೇ63
- ಬೆಂಗಳೂರು ಸೌತ್‌ ಶೇ63
- ಬಾಗಲಕೋಟೆ ಶೇ04
- ಬೆಂಗಳೂರು ಗ್ರಾಮೀಣ ಶೇ10
- ಬೆಂಗಳೂರು ನಗರ ಶೇ19
- ಬೆಳಗಾಂ ಶೇ44
- ಬಳ್ಳಾರಿ ಶೇ68
- ಬೀದರ್‌ ಶೇ93
- ಬಿಜಾಪುರ ಶೇ54
- ಚಾಮರಾಜನಗರ ಶೇ31
- ಚಿಕ್ಕಮಗಳೂರು06
- ಚಿಕ್ಕಬಳ್ಳಾಪುರ ಶೇ64
- ಚಿತ್ರದುರ್ಗ ಶೇ74
- ದ.ಕನ್ನಡ ಶೇ88
- ದಾವಣಗೆರೆ71
- ದಾರವಾಡ ಶೇ98
- ಗದಗ ಶೇ30
- ಗುಲರ್ಬಗ ಶೇ99
- ಹಾಸನ ಶೇ67
- ಹಾವೇರಿ ಶೇ25
- ಕೊಡಗು ಶೇ26
- ಕೋಲಾರ ಶೇ23
- ಕೊಪ್ಪಳ ಶೇ29
- ಮಂಡ್ಯ ಶೇ90
- ಮೈಸೂರು ಶೇ99
- ರಾಯಚೂರು ಶೇ87
- ರಾಮನಗರ ಶೇ22
- ಶಿವಮೊಗ್ಗ ಶೇ43
- ತುಮಕೂರು ಶೇ24
- ಉಡುಪಿ ಶೇ80
- ಉ.ಕನ್ನಡ ಶೇ06
- ವಿಜಯನಗರ ಶೇ70
- ಯಾದಗಿರಿ ಶೇ25
