ಇಲ್ಲಿನ ಮೂರುಸಾವಿರ ಮಠದ ಮೂಜಗಂ ಸಭಾಭವನದಲ್ಲಿ ನಡೆದ ಸಾವಯವ ಮೇಳ ಮತ್ತು ಹಲಸಿನ ಹಬ್ಬದ ಅಂಗವಾಗಿ ಪುರುಷ ಮತ್ತು ಮಹಿಳೆಯರಿಗಾಗಿ ಹಲಸಿನ ತೊಳೆ ತಿನ್ನುವ ಪ್ರತ್ಯೇಕ ಸ್ಪರ್ಧೆ ನಡೆಯಿತು. ಅದುವರೆಗೂ ವಿವಿಧ ಸಾವಯವ ವಸ್ತು ಮತ್ತು ಹಲಸಿನ ಉತ್ಪನ್ನ ಖರೀದಿಗೆಂದು ಅತ್ತಿತ್ತ ಓಡಾಡುತ್ತಿದ್ದವರೆಲ್ಲ ಸ್ಪರ್ಧೆ ಆರಂಭವಾಗುತ್ತಿದ್ದಂತೆ ಹಣ್ಣು ತಿನ್ನುವವರನ್ನು ನೋಡಲೆಂದು ವೇದಿಕೆಯ ಮುಂಭಾಗಕ್ಕೆ ಜಮಾಯಿಸಿದರು.
₹100 ಶುಲ್ಕ ನೀಡಿ ನೋಂದಣಿ ಮಾಡಿಕೊಂಡವರಿಗೆ ತಲಾ 350 ಗ್ರಾಂ ಹಲಸಿನ ತೊಳೆ ಕೊಡಲಾಗಿತ್ತು. ಬೀಜ ಬಿಡಿಸಿಕೊಂಡು ಮೊದಲು ಹಣ್ಣು ತಿಂದು ಖಾಲಿ ಮಾಡಿದವರು ನಗದು ಬಹುಮಾನ ಹಾಗೂ ಪ್ರಮಾಣಪತ್ರ ತಮ್ಮದಾಗಿ ಸಿಕೊಂಡರು. ಮೊದಲ ಬಹುಮಾನ ₹1,000, ದ್ವಿತೀಯ ಬಹುಮಾನ ₹ 800 ಮತ್ತು ತೃತೀಯ ಬಹುಮಾನ ₹ 600 ನೀಡಲಾಯಿತು.ಮಹಿಳೆಯರ ವಿಭಾಗದಲ್ಲಿ ಸಾವಿತ್ರಿ ಕೊಡ್ಲಿ ಪ್ರಥಮ, ಸೌಮ್ಯಾ ಕುಮಶೀಕರ್ ದ್ವಿತೀಯ ಮತ್ತು ಶೋಭಾ ಸಿ. ಹೊಳ್ಳಿ ಅವರು ತೃತೀಯ ಬಹುಮಾನ ತಮ್ಮದಾಗಿಸಿಕೊಂಡರು.
ಪುರುಷರ ವಿಭಾಗದಲ್ಲಿ ಬಸವರಾಜ ವಕ್ಕುಂದ ಪ್ರಥಮ, ನಾಗರಾಜ ಹುಲಗೂರ್ ದ್ವಿತೀಯ ಮತ್ತು ಗಿರೀಶ್ ಕುಮಶೀಕರ್ ತೃತೀಯ ಬಹುಮಾನ ಪಡೆದುಕೊಂಡರು. ಹಲಸಿನ ಹಣ್ಣಿನ ಹಬ್ಬದಂಗವಾಗಿ ವಿನೂತನ ರೀತಿಯ ಆಚರಣೆ ಸ್ಪರ್ಧೆಗೂ ಮುನ್ನ ಹಲಸು ಹಣ್ಣಿನ ಮೇಳ ಹಲಸು ಪ್ರಿಯರನ್ನ ಸೆಳೆಯಿತು. ಹಲಸು ಘಮ್ಮೆನ್ನುವ ಕಾಲ. ದಾರಿಯಲ್ಲಿ ಹೋಗುವಾಗ ಪಕ್ಕದ ಮನೆಯಲ್ಲಿ ಹಲಸು ಬಿಡಿಸಿದಾಗ, ಆ ಹಣ್ಣಿನ ಘಮಲು ಮೂಗಿಗೆ ತಾಗಿ ಕೂಗಿ ಕರೆಯೋ ಹಲಸು ಎಲ್ಲರಿಗೂ ಅಚ್ಚು ಮೆಚ್ಚು. ಹಲಸು ಈ ನೆಲದ ಇಲ್ಲರ ನೆಚ್ಚಿನ ಹಣ್ಣು. ಈ ಹಿಂದೆ ಮನೆ ಮಂದಿಯಲ್ಲ ಹಲಸು ಬಿಡಿಸಿ ತಿನ್ನುವ ಸಂಭ್ರಮ ಇದೀಗ ದೂರವಾಗಿದೆ. ಹೀಗಾಗಿ ಈ ನೆಲದ ಸಾವಯವ ಹಣ್ಣು ಹಲಸಿನ ಹಬ್ಬವನ್ನ ಇಲ್ಲಿ ಆಯೋಜನೆ ಮಾಡಲಾಗಿತ್ತು.
ಒಂದು ಕಡೆ ಹಲಸಿನ ಹಣ್ಣಿನ ಪ್ರದರ್ಶನ. ಮತ್ತೊಂದು ಕಡೆ ಹಲಸಿನ ಹಣ್ಣಿನ ಖಾದ್ಯಗಳು. ಮತ್ತೊಂದು ಹಲಸಿನ ಮೇಳಕ್ಕೆ ಬಂದಿರೋ ಜನ. ಎಸ್.. ಇವೆಲ್ಲ ದೃಶ್ಯಗಳು ಕಂಡು ಬಂದಿದ್ದು ಹುಬ್ಬಳ್ಳಿಯಲ್ಲಿ. ಹಲಸಿನ ಹಬ್ಬದಲ್ಲಿ ವಿವಿಧ ಹತ್ತಕ್ಕೂ ಹೆಚ್ಚು ತಳಿಯ ಹಲಸಿನ ಹಣ್ಣು ಪ್ರದರ್ಶನಕ್ಕೆ ಇಡಲಾಗಿದೆ. ಇದರ ಜೊತೆಗೆ ಮೇಳದಲ್ಲಿ ಹಲಸಿನಿಂದ ತಯಾರಾದ ಖಾದ್ಯಗಳು ಇವೆ. ಹಲಸಿನ ಹಬ್ಬದಲ್ಲಿ ವಿಶೇಷವಾಗಿ ತುಮಕೂರಿನ ಕೆಂಪು ಹಲಸಿನ ಗಿಡವನ್ನು ಮೇಳದಲ್ಲಿ ಪ್ರದರ್ಶನಕ್ಕೆ ಇಡಲಾಗಿತ್ತು.
ನಮ್ಮ ಭಾಗದಲ್ಲಿ ಹೆಚ್ಚಾಗಿ ಹಳದಿ ಹಲಸಿನ ಹಣ್ಣು ಕಾಣಸಿಗತ್ತುವೆ. ಆದರೆ ತುಮಕೂರಿನಲ್ಲಿ ಕೆಂಪು ಹಲಸು ಬಹಳ ಫೇಮಸ್ ಅದೇ ಕಾರಣಕ್ಕೆ ಈ ವೇಳದಲ್ಲಿ ಕೆಂಪು ಹಲಸಿನ ಗಿಡವನ್ನು ಮಾರಾಟಕ್ಕೂ ಇಡಲಾಗಿತ್ತು. ಇನ್ನು ಹಲಸಿನ ಹಬ್ಬದಲ್ಲಿ ವಿವಿಧ 10 ಕ್ಕೂ ಹೆಚ್ಚು ತಳಿಯ ಹಲಸುಗಳಿದ್ವು.ಅದರಲ್ಲಿ ಪ್ರಮುಖವಾಗಿ ರುದ್ರಾಕ್ಷಿ ಹಲಸು, ಲಾಲಭಾಗ, ಮಧುರಾ, ಸರ್ವಖುತ ಹಲಸು, ದುಂಡು ಹಲಸು, ಸಕ್ಕರೆ ಕಾಯಿ ಹಲಸು ಎಲ್ಲರ ಗಮನ ಸೆಳೆದವು. ಹಲಸಿನ ಹಬ್ಬಕ್ಕೆ ಬಂದ ಜನರು ಹಲಸು ಚಪ್ಪರಿಸಿ ತಿನ್ನುತ್ತಿದ್ದರು. ಆರೋಗ್ಯ ಹಲಸು ಸಂಜೀವಿನಿಯಾಗಿದೆ.ಹೀಗಾಗಿ ಹಲಸಿನ ಹಬ್ಬದತ್ತ ಜನರು ಹೆಜ್ಜೆ ಹಾಕಿದರು.
