ಇತ್ತೀಚಿನ ಮಕ್ಕಳು ಅನಾರೋಗ್ಯಕರ ಜಂಕ್‌ಫುಡ್‌ಗಳ ಮೊರೆ ಹೋಗುತ್ತಿದ್ದು ಬಹುಬೇಗ ಹಲ್ಲಿನ ಸಮಸ್ಯೆಗಳನ್ನು ಎಳೆದುಕೊಳ್ಳುತ್ತಿದ್ದಾರೆ. ಪ್ರತಿಯೊಬ್ಬ ಪೋಷಕರು ಕೂಡ ಯಾವೆಲ್ಲಾ ಆಹಾರಗಳು ಮಕ್ಕಳ ಹಲ್ಲಿನ ಮೇಲೆ ದೀರ್ಘಕಾಲದ ಪರಿಣಾಮ ಬೀರುತ್ತದೆ ಎಂದು ತಿಳಿಯುವುದು ಅತ್ಯವಶ್ಯಕ. ಇಲ್ಲಿದೆ ಸಂಪೂರ್ಣ ಮಾಹಿತಿ…. ಮಗುವಿನ ಆರೋಗ್ಯದ ಬಗ್ಗೆ ಗಮನವಹಿಸಿ.
ಸಿಟ್ರಸ್ ಹಣ್ಣುಗಳು
ಸಾಮಾನ್ಯವಾಗಿ ಸಿಟ್ರಸ್ ಹಣ್ಣುಗಳು ಎಂದೇ ಕರೆಯುತ್ತಾರೆ. ಇಂತಹ ಹಣ್ಣುಗಳು ಅಥವಾ ಜ್ಯೂಸ್‌ಗಳು ದಂತಕವಚಕ್ಕೆ ಹಾನಿಯನ್ನು ಉಂಟು ಮಾಡುತ್ತದೆ. ಉದಾಹರಣೆಗೆ, ನಿಂಬೆಹಣ್ಣು, ಕಿತ್ತಳೆಹಣ್ಣುಗಳು ಕೂಡ ಸಿಟ್ರಸ್ ಹಣ್ಣುಗಳ ಗುಂಪಿಗೆ ಸೇರಿತ್ತವೆಯಾದರೂ ಮಿತವಾಗಿ ಬಳಸುವುದಕ್ಕೆ ಸಲಹೆ ನೋಡಲಾಗುತ್ತಿದೆ.
ಪಾಪ್‌ಕಾರ್ನ್‌
ಮಕ್ಕಳ ಸಂಜೆಯ ಸ್ಯಾಕ್ಸ್‌ಗೆ ನೀವು ಪಾಪ್‌ಕಾರ್ನ್‌ ನೀಡುತ್ತಿದ್ದರೆ ಇಂದೇ ನಿಲ್ಲಿಸಿಬಿಡಿ. ಇದು ಗೋಧಿ ಧಾನ್ಯದ ಕಾರ್ನ್‌ನಿಂದ ತಯಾರಿಸ್ಪಟ್ಟಿರುವ ಕಾರಣ ಆರೋಗ್ಯಕ್ಕೆ ಒಳ್ಳೆಯದಾಗಿದೆ. ಆದಾಗ್ಯೂ, ಇದು ಹಲ್ಲಿನ ಒಳಪದರದ ಅಡಿಯಲ್ಲಿ ಸಿಲುಕಿಕೊಳ್ಳುವ ಕಾರಣ ಹಲ್ಲು ನೋವಿಗೆ ಕಾರಣವಾಗುತ್ತದೆ. ಅಂದರೆ ಸೋಂಕಿನ ರೂಪದಲ್ಲಿ ಮಕ್ಕಳ ಹಲ್ಲುಗಳಿಗೆ ತೊಂದರೆ ನೀಡುತ್ತದೆ.
ಒಂದು ವೇಳೆ ಮಗು ತಿನ್ನಲು ಹಠ ಮಾಡಿದರೆ, ಪಾಪ್‌ಕಾರ್ನ್‌ ತಿಂದ ನಂತರ ಹಲ್ಲು ಉಜ್ಜಲು ಸಲಹೆ ನೀಡಿ.
ಕೂಲ್‌ ಡ್ರಿಂಕ್ಸ್‌
ಮಕ್ಕಳ ಹಲ್ಲುಗಳನ್ನು ನಾಶ ಪಡಿಸಲು ಅಥವಾ ಸಮಸ್ಯೆಗೆ ಒಳಗಾಗಲು ಕೂಲ್‌ ಡ್ರಿಂಕ್ಸ್‌ಗಳ ಪಾತ್ರ ಬಲು ಹೆಚ್ಚು ಎಂದೇ ಹೇಳಬಹುದು. ಈಗಿನ ಮಕ್ಕಳು ಆರೋಗ್ಯಕರವಾದ ಎಳೆನೀರು, ತಾಜಾ ಹಣ್ಣಿನ ಆಹಾರಗಳ ಹೊರತಾಗಿ ಗಂಟಲಿಗೆ ಕೂಲ್‌ ಕೂಲ್‌ ಅನುಭವ ನೀಡುವ ಕೂಲ್‌ ಡ್ರಿಂಕ್ಸ್‌ಗಳೇ ಹೆಚ್ಚು ಕುಡಿಯುತ್ತಾರೆ.
ಸಾಕಷ್ಟು ಬಿಸಿಯಾದ ಆಹಾರ ಅಥವಾ ತಂಪು ಪಾನೀಯಗಳು ಮಕ್ಕಳ ಹಲ್ಲುಗಳನ್ನು ಸಮಸ್ಯೆಗೆ ಗುರಿ ಮಾಡುತ್ತವೆ. ಮುಖ್ಯವಾಗಿ ಕಾರ್ಬೋನೇಟೆಡ್‌ ಆಧಾರಿತ ಪಾನೀಯಗಳು ದೇಹಕ್ಕೆ ಮಾತ್ರ ಕೆಟ್ಟದಲ್ಲ, ಬದಲಾಗಿ ಹಲ್ಲುಗಳಿಗೂ ಕೆಟ್ಟದ್ದು. ಇದರಲ್ಲಿರುವ ಕಾರ್ಬೋನಿಕ್‌ ಆಸಿಡ್‌, ದಂತಕವಚಕ್ಕೆ ಅಪಾಯಕಾರಿಯಾಗಿದೆ. ಹಲ್ಲುಗಳು ಕೊಳೆಯಲು ಉತ್ತೇಜಿಸಬಹುದು.
ಆಲೂಗಡ್ಡೆ ಚಿಪ್ಸ್‌
ಆಲೂಗಡ್ಡೆ ಚಿಪ್ಸ್‌ ಮಕ್ಕಳ ಆರೋಗ್ಯಕ್ಕೆ ಹಿತವಲ್ಲ ಎಂಬ ವಿಷಯ ನಿಮಗೆ ಈಗಾಗಲೇ ತಿಳಿದಿದೆ. ಆದರೆ ಮಕ್ಕಳ ಫೇವರೆಟ್ ಕುರುಕುಲು ತಿಂಡಿ ಇದಾಗಿದೆ. ಇದು ಸಾಕಷ್ಟು ಪ್ರಮಾಣದಲ್ಲಿ ಪಿಷ್ಟವನ್ನು ಹೊಂದಿರುವ ಕಾರಣ ದೇಹ ಹಾಗು ಹಲ್ಲುಗಳನ್ನು ಹಾನಿ ಮಾಡುತ್ತದೆ. ಈ ಚಿಪ್ಸ್‌ಗಳು ಅಂಟಿನ ಗುಣವನ್ನು ಹೊಂದಿದ್ದು, ಹಲ್ಲಿನ ಮಧ್ಯಭಾಗದಲ್ಲಿ ಸಿಲುಕಿ ಬ್ಯಾಕ್ಟೀರಿಯಾಗಳನ್ನು ಉತ್ಪಾಸಿಸುತ್ತದೆ.
ಸಿಹಿತಿಂಡಿಗಳು
ಸಹಜವಾಗಿ ಎಲ್ಲಾ ಪೋಷಕರಿಗೂ ಸಿಹಿತಿಂಡಿಗಳಿಂದ ದಂತದ ಸಮಸ್ಯೆ ಹೆಚ್ಚಾಗುತ್ತದೆ ಎಂಬ ವಿಷಯ ಗೊತ್ತಿದೆ. ಈ ಮೇಲಿನ ಎಲ್ಲಾ ಆಹಾರಗಳು ದಂತ ಕವಚವನ್ನು ನಾಶ ಪಡಿಸಲು ಉತ್ತೇಜಿಸುತ್ತವೆ. ಅವುಗಳಲ್ಲಿ ಸಿಹಿ ತಿಂಡಿಗಳು, ಚಾಕೊಲೇಟ್ಗಳು ಕೂಡ ಸೇರಿವೆ.
