ವೀಕೆಂಡ್ ನಲ್ಲಿ ಮೋಜು ಮಸ್ತಿ ಮಾಮೂಲಿ.ಆದ್ರೆ ನಶೆಯಲ್ಲಿ ಕಾರ್ ಹತ್ತಿ ಬಂದ್ರೆ ಮುಗೀತು.ಹೇಗೆ ಹೋಗ್ತೊದ್ದಿವಿ ಅನ್ನೋ ಪರಿವೇ ಇರೋದಿಲ್ಲ.ಹೀಗೆ ಕುಡಿದ ಮತ್ತಲ್ಲಿ ಕಾರು ಹತ್ತಿ ಬಂದವರು ಅವಾಂತರ ಮಾಡಿಕೊಂಡಿದ್ದಾರೆ.ಒಂದು ಕಡೆ ಡಿವೈಡರ್ ಗೆ ಕಾರ್ ಡಿಕ್ಕಿ ಹೊಡೆದ್ರೆ..ಮತ್ತೊಂದೆಡೆ ಮರಕ್ಕೆ ಗುದ್ದಿದೆ.ಅಪಘಾತದ ದೃಶ್ಯ ಭಯಾನಕವಾಗಿದೆ. ಮಧ್ಯ ರಾತ್ರಿಯ ಸಮಯ..ಡಿವೈಡರ್ ಡಿಕ್ಕಿ ಹೊಡೆದ ಕಾರು..ಕುಡಿದ ಮತ್ತಲ್ಲಿ ಯುವತಿಯ ರಂಪಾಟ..ಪೊಲೀಸರ ಜೊತೆಗೆ ವಾಗ್ವಾದ..ಇದು ಒಂದು ಕಡೆಯ ದೃಶ್ಯವಾದ್ರೆ ಮತ್ತೊಂದು ಕಡೆಯ ವಿಡಿಯೋ ಭಯಾನಕವಾಗಿದೆ..ಕುಡಿದ ಮತ್ತಲ್ಲಿ ಕಾರು ಹತ್ತಿ ಬಂದವರು ಸೀದಾ ಸೀದಾ ಬಂದು ಮರಕ್ಕೆ ಡಿಕ್ಕಿ ಹೊಡೆದಿದ್ದು..
ಡಿಕ್ಕಿ ರಭಸಕ್ಕೆ ಮರ ಸಂಪೂರ್ಣ ನೆಲಕ್ಕುರುಳಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು ಬೆಚ್ಚಿ ಬೀಳಿಸುವಂತಿದೆ. ಪಾರ್ಟಿ ಪಬ್ಬು ಅಂತಾ ಓಡಾಡೋರ ಸಂಖ್ಯೆಗೇನು ಕಮ್ಮಿ ಇರಲ್ಲ.ಕಂಠ ಪೂರ್ತಿ ಕುಡಿದು ವಾಲಾಡೋರಿಗೇನು ಬರವಿರಲ್ಲ..ಆದ್ರೆ ಕುಡಿದ ಮತ್ತಲ್ಲಿ ಕಾರು ಚಾಲನೆ ಮಾಡಿಕೊಂಡು ಬಂದವರು ಅವಾಂತರ ಮಾಡಿಕೊಂಡಿದ್ದಾರೆ.ಆಗಿದ್ದೇನಂದ್ರೆ ನಿನ್ನೆ ಮಧ್ಯ ರಾತ್ರಿಯ ಸಮಯ..ಪಶ್ಚಿಮ ಬಂಗಾಳದ ಇಬ್ಬರು ಯುವತಿಯರು ಹಾಗೂ ಓರ್ವ ಯುವಕ..ಕುಡಿದು ಕಾರಲ್ಲಿ ಹೋಗ್ತಿದ್ರು..ಆಡುಗೋಡಿ ಪಾಸ್ ಪೋರ್ಟ್ ಆಫೀಸ್ ರಸ್ತೆಯ ಬಳಿ ಬರ್ತಿದ್ದಂತೆ ಕಾರು ಡಿವೈಡರ್ ಗೆ ಡಿಕ್ಕಿ ಹೊಡೆದಿದೆ..
ಡಿಕ್ಕಿಯ ರಭಸಕ್ಕೆ ಕಾರಿನ ಮುಂದಿನ ಎರಡು ಸೀಟ್ ಗಳ ಏರ್ ಬ್ಯಾಗ್ ಓಪನ್ ಆಗಿದೆ.ಮುಂದೆ ಕುಂತಿದ್ದ ಯುವತಿ, ಯುವಕನಿಗೆ ಗಾಯವಾಗಿದ್ದು ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.ಸ್ಥಳಕ್ಕೆ ಆಡುಗೋಡಿ ಸಂಚಾರ ಠಾಣೆ ಪೊಲೀಸರು ಆಗಮಿಸಿ ಪರಿಶೀಲನೆ ನಡೆಸಿದ್ರು..ಕಾರಿನಲ್ಲಿ ಮದ್ಯದ ಬಾಟಲಿಗಳು ಪತ್ತೆಯಾಗಿದೆ.ಮಧ್ಯದ ನಶೆಯಲ್ಲಿ ತೆಲಾಡ್ತಿದ್ದ ಯುವತಿಯರು..ಸಾರ್ವಜನಿಕರು, ಪೊಲೀಸರ ಜೊತೆ ಕಿರಿಕ್ ಮಾಡಿಕೊಂಡಿದ್ದಾರೆ..ಘಟನೆ ಸಂಬಂಧ ಆಡುಗೋಡಿ ಸಂಚಾರ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
ರಾತ್ರಿ 11.30 ರ ಸಮಯ.ಆರ್.ಆರ್.ನಗರದಿಂದ ಆರ್.ಆರ್.ನಗರ ಆರ್ಚ್ ಕಡೆಗೆ ಆಗಮಿಸ್ತಿದ್ದ ಕ್ರೇಟಾ ಕಾರೊಂದು ಲಲಿತ್ ಶಾಲೆ ಹತ್ತಿರ ಅಪಘಾತಕ್ಕೊಳಗಾಗಿದೆ.ಫುಟ್ ಪಾತ್ ಮೇಲೆ ಕಾರು ಹತ್ತಿಸಿದ ಚಾಲಕ ಸೀದಾ ಸೀದಾ ಮರಕ್ಕೆ ಡಿಕ್ಕಿ ಹೊಡೆದಿದ್ದಾನೆ.ಡಿಕ್ಕಿಯ ರಭಸಕ್ಕೆ ಮರ ನೆಲಕ್ಕುರುಳಿದೆ.ಒಂದು ವೇಳೆ ಮರ ಇರದೇ ಹೋಗಿದ್ದಿದ್ದರೆ ಪಕ್ಕದಲ್ಲೇ ಇದ್ದ ನಂದಿನಿ ಬೂತ್ ಮತ್ತು ತರಕಾರಿ ಅಂಗಡಿಗೆ ನುಗ್ಗಿಬಿಡ್ತಿತ್ತು.
ಅದೃಷ್ಟವಶಾತ್ ದೊಡ್ಡ ಅನಾಹುತ ತಪ್ಪಿದೆ..ಸದ್ಯ ಕುಡಿದ ಮತ್ತಲ್ಲಿ ಅಪಘಾತ ನಡೆದಿರುವ ಶಂಕೆ ಕೂಡ ಇದೆ.ಕಾರಲ್ಲಿ ಓರ್ವ ವ್ಯಕ್ತಿ ಹಾಗೂ ಮಹಿಳೆ ಇದ್ರು..ಅಪಘಾತ ಬಳಿಕ ಕಾರಿನ ಅವಸ್ಥೆ ನೋಡಿದ ಮಹಿಳೆ ತಲೆ ತಲೆ ಚಚ್ಚಿಕೊಂಡಿದ್ದಾಳೆ. ಸಿಲಿಕಾನ್ ಸಿಟಿಯಲ್ಲಿ ವೀಕೆಂಡ್ ಬಂತಂದ್ರೆ ಸಾಕು ಅಪಘಾತಗಳು ಹೆಚ್ಚಾಗ್ತಿದೆ.ಪೊಲೀಸರ ನಿರ್ಲಕ್ಷ್ಯ ಇದಕ್ಕೆಲ್ಲ ಕಾರಣ ಎನ್ನಬಹುದು.ಇನ್ನಾದ್ರು ಪೊಲೀಸರು ಎಚ್ಚೆತ್ತು ಕಡಿವಾಣ ಹಾಕಬೇಕಿದೆ..
