ನೈಜೀರಿಯಾ: ಟ್ಯಾಂಕರ್ ಸ್ಫೋಟಗೊಂಡ ಪರಿಣಾಮ ಮೂವರು ಮಕ್ಕಳು ಸೇರಿ 20ಕ್ಕೂ ಹೆಚ್ಚು ಮಂದಿ ಮೃತಪಟ್ಟಿರುವ ಘಟನೆ ಒಂಡೋ ರಾಜ್ಯದ ಲಾಗೋಸ್-ಬೆನಿನ್ ಹೆದ್ದಾರಿ ಬಳಿ ಸಂಭವಿಸಿದೆ.
ರಸ್ತೆಯಲ್ಲಿ ತೈಲ ಟ್ಯಾಂಕರ್ ಸ್ಫೋಟವಾಗಿದ್ದು, ಬೆಂಕಿ ಮನೆಗಳಿಗೆ ಹರಡಿದೆ. ಜೊತೆಗೆ ಭಾರೀ ಕಪ್ಪು ಹೊಗೆ ರಸ್ತೆಯನ್ನು ಆವರಿಸಿದ್ದು, ಇಡೀ ಪ್ರದೇಶವೇ ಬೆಂಕಿಗಾಹುತಿಯಾದಂತೆ ಕಾಣಿಸಿದೆ. ಸ್ಥಳಕ್ಕೆ ಅಗ್ನಿಶಾಮಕ ಸಿಬ್ಬಂದಿ ಆಗಮಿಸಿದ್ದು, ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಮೃತರ ಸಂಖ್ಯೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.
