ಬೆಂಗಳೂರು: ದೊಡ್ಮನೆ ಮೊಮ್ಮಗ ಯುವ ರಾಜ್‌ಕುಮಾರ್ ಅಭಿನಯಿಸುತ್ತಿರುವ ‘ಯುವ’ ಸಿನಿಮಾ ಶೂಟಿಂಗ್ ಶುರು ಆಗಿದೆ. ಈ ಮೊದಲೇ ಸುದ್ದಿ ಆದಂತೆ ಯುವ ಚಿತ್ರದ ಚಿತ್ರೀಕರಣ ಏಪ್ರಿಲ್-09 ರಂದು ಆರಂಭಗೊಂಡಿದೆ. ಯುವ ಚಿತ್ರದಲ್ಲಿ ಭರ್ಜರಿ ಆ್ಯಕ್ಷನ್ ಸೀನ್‌ಗಳೇ ಇವೆ. ಇದಕ್ಕಾಗಿಯೇ ಕಳೆದ ಕೆಲವು ದಿನಗಳಿಂದಲೂ ಸೆಟ್ ನಿರ್ಮಾಣ ಕಾರ್ಯವೂ ಆರಂಭ ಆಗಿತ್ತು. ಸೆಟ್ ವರ್ಕ್‌ ಶುರು ಮಾಡೋ ಮೊದಲು ಸಿಂಪಲ್ ಪೂಜೆ ಕೂಡ ನಡೆದಿತ್ತು.
ಇದೀಗ ಬೆಂಗಳೂರಿನ ಬಸವನಗುಡಿಯ ಕೆಫೆಶ್ರೀ ಹೌಸ್’ನಲ್ಲಿ ಯುವ ಚಿತ್ರದ ಮುಂದುವರೆದ ಭಾಗದ ಶೂಟಿಂಗ್ ನಡೆಯುತ್ತಿದ್ದು ಈ ವೇಳೆ ಶೂಟಿಂಗ್ ಸೆಟ್’ಗೆ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಭೇಟಿ ಕೊಟ್ಟಿದ್ದಾರೆ.
ಶೂಟಿಂಗ್ ಜಾಗಕ್ಕೆ ಸಪ್ರೈಸ್ ವಿಸಿಟ್ ಕೊಟ್ಟ ಧ್ರುವ ಸರ್ಜಾ ಶೂಟಿಂಗ್ ಸ್ಪಾಟ್ ನಲ್ಲಿ ಕೆಲಹೊತ್ತು ಯುವ ಮತ್ತು ಸಂತೋಷ್ ಆನಂದ್ ರಾಮ್ ಜೊತೆ ಕಾಲಕಳೆದರು.
