2012ರಲ್ಲಿ ‘ಸ್ಟುಡೆಂಟ್ ಆಫ್ ದಿ ಇಯರ್’ ಸಿನಿಮಾ ಮೂಲಕ ವರುಣ್ ಧವನ್(Varun Dhawan)- ಆಲಿಯಾ ಬಣ್ಣದ ಲೋಕಕ್ಕೆ ಎಂಟ್ರಿ ಕೊಟ್ಟರು. ಇಬ್ಬರ ಕೆಮಿಸ್ಟ್ರಿ ಈ ಸಿನಿಮಾದಲ್ಲಿ ಮೋಡಿ ಮಾಡಿತ್ತು. ಬಳಿಕ ಕಳಂಕ್, ಬದ್ರಿನಾಥ್ ಕಿ ದುಲ್ಹನಿಯಾ, ಹಮ್ಟಿ ಶರ್ಮಾ ಕಿ ದುಲ್ಹನಿಯಾ ಸಿನಿಮಾಗಳಲ್ಲಿ ವರುಣ್-ಆಲಿಯಾ ಜೊತೆಯಾಗಿ ಮಿಂಚಿದ್ದಾರೆ. ತೆರೆ ಮೇಲಿನ ಸಕ್ಸಸ್‌ಫುಲ್ ಜೋಡಿ ಅಂದರೆ ತಪ್ಪಾಗಲಾರದು.
ಇದೀಗ ವರುಣ್-ಆಲಿಯಾ ಮೇನಿಯಾ ಶುರುವಾಗಲಿದೆ. ಬವಾಲ್ (Bawal) ಚಿತ್ರದ ನಂತರ ವರುಣ್ ಧವನ್ ಆಲಿಯಾ ಭಟ್ ಜೊತೆ ಸಿನಿಮಾ ಮಾಡಲು ಮುಂದಾಗಿದ್ದಾರೆ. ನಯಾ ಪ್ರೇಮಕಥೆಯ ಜೊತೆ ವರುಣ್-ಆಲಿಯಾ ಫುಲ್ ಮನರಂಜನೆ ಕೊಡೋದು ಗ್ಯಾರೆಂಟಿ.
ಶಶಾಂಕ್ ಖೈತಾನ್ ನಿರ್ದೇಶನದ ‘ದುಲ್ಹನಿಯಾ ಪಾರ್ಟ್ 3’ (Dulhania 3) ವರುಣ್-ಆಲಿಯಾ ರೊಮ್ಯಾನ್ಸ್ ಮಾಡಲಿದ್ದಾರೆ. ಭಿನ್ನ ಕಥೆ-ಪಾತ್ರದ ಮೂಲಕ ಬಿಟೌನ್‌ನ ಸಕ್ಸಸ್‌ಫುಲ್ ಜೋಡಿ ಬರುತ್ತಿದೆ. ರಣ್‌ವೀರ್-ಆಲಿಯಾ ನಟನೆಯ ‘ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ’ ಸಿನಿಮಾ ಪ್ರೇಕ್ಷಕರಿಗೆ ಹಿಡಿಸಿದೆ. ಹಾಗಾಗಿ ಹೊಸ ಪ್ರಾಜೆಕ್ಟ್ಗಳತ್ತ ಆಲಿಯಾ ಮುಖ ಮಾಡಿದ್ದಾರೆ. ‘ದುಲ್ಹನಿಯಾ’3ನಲ್ಲಿ ನಟಿಸಲು ಆಲಿಯಾ ಓಕೆ ಎಂದಿದ್ದಾರೆ. ಸದ್ಯದಲ್ಲೇ ಈ ಸಿನಿಮಾದ ಅಪ್‌ಡೇಟ್ ಸಿಗಲಿದೆ.
