ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಹಾಗೂ ಸುಕುಮಾರ್ ಸಂಗಮದ ಬಹುನಿರೀಕ್ಷಿತ ಸಿನಿಮಾ ಪುಷ್ಪ-2 ಶೂಟಿಂಗ್ ಭರದಿಂದ ಸಾಗ್ತಿದೆ. ಮೊದಲ ಅಧ್ಯಾಯ ಸೃಷ್ಟಿಸಿರುವ ರೆಕಾರ್ಡ್ ಬ್ರೇಕ್ ಮಾಡೋದಿಕ್ಕೆ ಸುಕುಮಾರ್ ಗಾರು ಭರ್ಜರಿ ದಾಳವನ್ನೇ ಹಾಕಿದ್ದಾರೆ. ಇತ್ತೀಚೆಗಷ್ಟೇ ಪುಷ್ಪ-2 ಕೋಟೆಯ ಸಣ್ಣ ತುಣುಕು ನೋಡಿ ತಗ್ಗೊದೆಲ್ಲಾ ಎಂದಿದ್ದ ಸ್ಟೈಲೀಶ್ ಸ್ಟಾರ್ ಫ್ಯಾನ್ಸ್ ಗೀಗ ಪುಷ್ಪರಾಜನ ಮಡದಿ ಶ್ರೀವಲ್ಲಿ ಥ್ರಿಲ್ಲಿಂಗ್ ಅಪ್ ಡೇಟ್ ಕೊಟ್ಟಿದ್ದಾರೆ.
ಪುಷ್ಪ-2 ಸಿನಿಮಾದಲ್ಲಿ ರಶ್ಮಿಕಾ ಮಂದಣ್ಣ ಇರಲ್ಲ. ಅವ್ರ ದೃಶ್ಯಗಳು ಕಟ್ ಆಗಿವೆ.. ರಶ್ಮಿಕಾ ಜಾಗಕ್ಕೆ ಆ ನಟಿ ಬರ್ತಾರೆ. ಹಾಗೇ ಹೀಗೆ ಎಂಬ ಒಂದಷ್ಟು ಗಾಳಿ ಸುದ್ದಿಗಳು ಸೌತ್ ಸಿನಿಸರ್ಕಲ್ ನಲ್ಲಿ ರೌಂಡ್ ಹೊಡೆದಿದ್ದವು. ಈ ಗಲ್ಲಿ ಗಾಸಿಪ್ ಗೀಗ ಮಿಸಸ್ ಪುಷ್ಪರಾಜ್ ಗೋಲಿ ಓಡಿದಿದ್ದರು. ಪುಷ್ಪರಾಜ್ ಹುಡುಕುತ್ತಾ ಶೇಷಾಚಲಂ ಕಾಡಿನತ್ತ ಮುಖ ಮಾಡಿದ್ದ ಶ್ರೀವಲ್ಲಿ, ಈಗ ಸುಂದರ ಅರಮನೆಯಲ್ಲಿ ಪ್ರತ್ಯಕ್ಷರಾಗಿದ್ದಾಳೆ. ರಶ್ಮಿಕಾ ಪುಷ್ಪ-2 ಶೂಟಿಂಗ್ ಅಖಾಡಕ್ಕೆ ಧುಮುಕಿದ್ದಾರೆ. ಅರಮನೆಯಂತಹ ಬಂಗಲೆಯಲ್ಲಿ ಶ್ರೀವಲ್ಲಿ ಕ್ಯಾಮೆರಾಗೆ ಕೈ ಮುಗಿದು ತಮ್ಮ ಭಾಗದ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ.
ಪುಷ್ಪ ಮೊದಲ ಅಧ್ಯಾಯ ರಶ್ಮಿಕಾ ಸಿನಿಕರಿಯರ್ ಗೆ ಹೊಸ ತಿರುವು ಕೊಟ್ಟಿತ್ತು. ಆಕೆಯ ಡ್ಯಾನ್ಸ್, ನಟನೆಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿತ್ತು. ನ್ಯಾಷನಲ್ ಸ್ಟಾರ್ ಪಟ್ಟಕ್ಕೂ ಏರಿಸಿತ್ತು. ಹೀಗಾಗಿ ಸಹಜವಾಗಿಯೇ ಪುಷ್ಪ-2 ಸಿನಿಮಾದಲ್ಲಿ ಶ್ರೀವಲ್ಲಿ ಪಾತ್ರ ಹೇಗಿರಲಿದೆ ಎಂಬ ಹೆಚ್ಚಿದೆ. ಈಗಾಗ್ಲೇ ಅಲ್ಲು ಅರ್ಜುನ್ ಲುಕ್ ಗೆಟಪ್ ಸೀಕ್ವೆಲ್ ಗಾಗಿ ಬದಲಾಗಿದೆ. ಅದೇ ರೀತಿ ರಶ್ಮಿಕಾ ಪಾತ್ರದಲ್ಲಿಯೂ ಏನಾದ್ರೂ ಬದಲಾವಣೆ ಮಾಡ್ತಾರಾ ಸುಕುಮಾರ್ ಎಂಬ ಕುತೂಹಲ ಚಿತ್ರಪ್ರೇಮಿಗಳಿಗಿದೆ.
ಒಂದ್ಕಡೆ ಪುಷ್ಪ-2, ಮತ್ತೊಂದ್ಕಡೆ ಅನಿಮಲ್..ಈ ಎರಡು ಪ್ರಾಜೆಕ್ಟ್ ಗಳ ಮೇಲೆ ರಶ್ಮಿಕಾಗೆ ಬೆಟ್ಟದಷ್ಟು ನಿರೀಕ್ಷೆ ಇದೆ. ಅರ್ಜುನ್ ರೆಡ್ಡಿ ಸಿನಿಮಾ ಸೃಷ್ಟಿಕರ್ತ ಸಂದೀಪ್ ರೆಡ್ಡಿ ವಂಗ ಸಾರಥ್ಯದ ಅನಿಮಲ್ ನಲ್ಲಿ ರಣ್ಬೀರ್ ಕಪೂರ್ ಜೊತೆ ಕಿರಿಕ್ ಚೆಲುವೆ ಮುಗುಳುನಗೆ ಬೀರಿದ್ದಾಳೆ. ಅನಿಮಲ್ ಮೇಲೆ ಹೋಪ್ ಇಟ್ಟುಕೊಂಡಿರುವ ರಶ್ಮಿಕಾಗೆ ಬಾಲಿವುಡ್ ನಲ್ಲಿ ನೆಲೆಯೂರಲು ಈ ಚಿತ್ರ ಗೆಲ್ಲಲೇಬೇಕಿದೆ. ಹೇಳಿಕೇಳಿ ಸೌತ್ ನಟಿಮಣಿಯರು ಬಾಲಿವುಡ್ ನಲ್ಲಿ ಹೈವೇ ನಿರ್ಮಿಸಿಕೊಳ್ಳೋದು ಅಷ್ಟು ಸುಲಭವಂತೂ ಅಲ್ಲವೇ ಅಲ್ಲ. ಅದಕ್ಕಾಗಿ ಬೇಜಾನ್ ಸೈಕಲ್ ಹೊಡಿಬೇಕು. ಈಗಾಗ್ಲೇ ರಶ್ಮಿಕಾ ಎರಡು ಹಿಂದಿ ಸಿನ್ಮಾ ಮಕಾಡೆ ಮಲಗಿವೆ. ಈಗ ಅನಿಮಲ್ ಅಬ್ಬರಿಸಿದ್ರೆ ರಶ್ಮಿಕಾ ಕಿಲಕಿಲ ಗ್ಯಾರೆಂಟಿ..
ರಶ್ಮಿಕಾ ಅರಮನೆಯಂತಹ ಬಂಗಲೆ ಫೋಟೋ..ಮತ್ತೊಂದ್ಕಡೆ ರಾಶಿ ರಾಶಿ ಟ್ರಕ್ ಗಳ ನಿಂತಿರುವ ಪುಷ್ಪ-2 ಸೆಟ್ ವಿಡಿಯೋ ವೈರಲ್ ಆಗಿದೆ. ಪುಷ್ಪ ಅಡ್ಡದಲ್ಲಿ ನಿಂತ ಟ್ರಕ್ಗಳ ಸಂಖ್ಯೆ ನೋಡಿ ಫ್ಯಾನ್ಸ್ ಅಚ್ಚರಿಗೊಂಡಿದ್ದಾರೆ. ಕಣ್ಣು ಹಾಯಿಸಿದಷ್ಟು ಟ್ರಕ್ಗಳೇ ಕಾಣಿಸುತ್ತಿವೆ. ಸಾಮಾನ್ಯ ವ್ಯಕ್ತಿ ಆಗಿದ್ದ ಪುಷ್ಪರಾಜ್ ರಕ್ತ ಚಂದನದ ದಂಧೆಯಲ್ಲಿ ಸೇರಿಕೊಳ್ಳುತ್ತಾನೆ. ಆ ಬಳಿಕ ಆತ ದೊಡ್ಡ ವ್ಯಕ್ತಿಯಾಗಿ ಬೆಳೆಯುತ್ತಾನೆ. ಎರಡನೇ ಭಾಗದಲ್ಲಿ ಇದೇ ಕಥೆ ಹೈಲೈಟ್ ಆಗಲಿದೆ. ಇದರ ಜೊತೆ ರಕ್ತ ಚಂದನದ ಕಳ್ಳ ಸಾಗಣೆ ಕಥೆ ಮತ್ತಷ್ಟು ಹೈಲೈಟ್ ಆಗಲಿದೆ. ಸಿನಿಮಾದಲ್ಲಿ ಬಳಕೆ ಆಗುತ್ತಿರುವ ಟ್ರಕ್ಗಳೇ ಇದಕ್ಕೆ ಸಾಕ್ಷಿ.
ಟ್ರಕ್ಗಳಲ್ಲಿ ರಕ್ತಚಂದನ ಸಾಗಿಸುವ ರೀತಿಯ ವಿಡಿಯೋಗಳು ಇತ್ತೀಚೆಗೆ ವೈರಲ್ ಆಗಿತ್ತು. ಈಗ ನೂರಾರು ಸಂಖ್ಯೆಯಲ್ಲಿ ಟ್ರಕ್ಗಳು ನಿಂತಿರು ವಿಡಿಯೋ ಸೋಷಿಯಲ್ ಸಮುದ್ರಲ್ಲಿ ಹರಿದಾಡ್ತಿವೆ. ಇದು ‘ಪುಷ್ಪ 2’ ಚಿತ್ರದ ಸೆಟ್ನ ವಿಡಿಯೋ ಎಂದು ಹೇಳಲಾಗುತ್ತಿದೆ. ಈ ಮೂಲಕ ಸಿನಿಮಾ ಯಾವ ಮಟ್ಟದಲ್ಲಿ ಸಿದ್ಧವಾಗುತ್ತಿದೆ ಎನ್ನುವುದಕ್ಕೆ ಈ ಸಣ್ಣ ಝಲಕ್ ಗಳೇ ಉದಾಹರಣೆ.
ನಿರ್ದೇಶಕ ಸುಕುಮಾರ್ ಮೊದಲ ಭಾಗಕ್ಕಿಂತ ಎರಡನೇ ಭಾಗವನ್ನು ಬಹಳ ಅದ್ಧೂರಿಯಾಗಿ ಕಟ್ಟಿಕೊಡ್ತಿದ್ದಾರೆ. ಅದಕ್ಕಾಗಿ ಸಾಕಷ್ಟು ಸಮಯ ವ್ಯಯಿಸ್ತಿರುವ ಸುಕುಮಾರ್, ನಿಧಾನವಾದ್ರೂ ಪರವಾಗಿಲ್ಲ ಬೆಸ್ಟ್ ಔಟ್ ಫುಲ್ ಕೊಡ್ಲೇಬೆಂಬ ಟಾರ್ಗೆಟ್ ಇಟ್ಟುಕೊಂಡಿದ್ದಾರೆ. 30 ರಿಂದ 40 ಭಾಗದಷ್ಟು ಪುಷ್ಪ ಪಾರ್ಟ್-2 ಶೂಟಿಂಗ್ ಕಂಪ್ಲೀಟ್ ಆಗಿದೆಯಂತೆ. ಹಾಗಿದ್ರೆ ಈ ವರ್ಷ್ಯಾಂತಕ್ಕೆ ಪುಷ್ಪರಾಜ ಆರ್ಭಟ ಶುರುವಾಗೋಲ್ವಾ? ಮೂರು ತಿಂಗಳಲ್ಲಿ 60ರಷ್ಟು ಚಿತ್ರೀಕರಣ ಮುಗಿಸೋದಿಕ್ಕೆ ಸಾಧ್ಯನಾ? ಗೊತ್ತಿಲ್ಲ. ಈ ಡಿಸೆಂಬರ್ ಗೆ ಪುಷ್ಪ-2 ಸಿನಿಮಾ ಬರೋದಿಲ್ಲ ಎಂಬ ಬೇಸರ ಬನ್ನಿ ಅಭಿಮಾನಿಗಳದ್ದು..
