ಜವಾನ್ ಬಾಕ್ಸಾಫೀಸ್ ಬೇಟೆಗಿಳಿದಿದ್ದಾನೆ. ಕಿಂಗ್ ಖಾನ್ ಪವರ್ ಫುಲ್ ಕಂಬ್ಯಾಕ್ ಗೆ ಹಳೆ ದಾಖಲೆಗಳೇ ಉಡೀಸ್ ಆಗಿವೆ. ಶಾರುಖ್ ಖಾನ್ ತಮ್ಮದೇ ರೆಕಾರ್ಡ್ ಬ್ರೇಕ್ ಮಾಡಿ ಹೊಸ ರೆಕಾರ್ಡ್ ಕ್ರಿಯೇಟ್ ಮಾಡಿದ್ದಾರೆ. ಪಠಾಣ್ ಮೂಲಕ ಗೆಲುವಿನ ಟ್ರ್ಯಾಕ್ ಗೆ ವಾಪಾಸ್ ಆಗಿದ್ದ ಬಾಲಿವುಡ್ ಬಾದ್ ಷಾ ಜವಾನ್ ಮೂಲಕ ಗಲ್ಲಾಪೆಟ್ಟಿಗೆಯಲ್ಲಿ ಜ್ವಾಲೆ ಹೊತ್ತಿಸಿದ್ದಾರೆ.
ಕಿಂಗ್ ಖಾನ್ ಶಾರುಖ್ ಖಾನ್ ಡಬಲ್ ರೋಲ್ ಗೆ ಡಬಲ್ ಧಮಾಕ..ವಿಶ್ವಾದ್ಯಂತ 10 ಸಾವಿರಕ್ಕೂ ಅಧಿಕ ಪರದೆಯಲ್ಲಿ ಯಾನ ಆರಂಭಿಸಿರುವ ಜವಾನ್ ಎಲ್ಲೆಡೆಯಿಂದ ಬಹುಪರಾಕ್ ಸಿಕ್ಕಿದೆ. ಅಟ್ಲಿ ಡೈರೆಕ್ಷನ್, ಶಾರುಖ್ ನಟನೆಗೆ ಪ್ರೇಕ್ಷಕ ಉಘೇ ಉಘೇ ಎನ್ನುತ್ತಿದ್ದಾರೆ. ಸೌತ್ ನಾರ್ತ್ ಫ್ಲೇವರ್ ಜವಾನ್ ಫೀವರ್ ಹೆಚ್ಚಿಸಿದೆ. ನಯನ್ ತಾರಾ, ವಿಜಯ್ ಸೇತಪತಿ, ಸಂಜಯ್ ದತ್ ನಂತಹ ದಿಗ್ಗಜ ಕಲಾವಿದರ ದಂಡು ಇರುವ ಸಿನ್ಮಾ ಕಂಡು ಸಿನಿರಸಿಕರು ಹುಚ್ಚೆದ್ದು ಕುಣಿದು ಕುಪ್ಪಳಿಸಿ ಕ್ಯಾಕಿ ಹಾಕ್ತಿದ್ದಾರೆ. ಫಲಿತಾಂಶ ಬಾಕ್ಸಾಫೀಸ್ ಚಿಂದಿ ಚಿಂದಿ.
ಜವಾನ್ ಜಬರ್ದಸ್ತ್ ಎಂಟ್ರಿಗೆ ಹಳೆ ದಾಖಲೆಗಳೆಲ್ಲಾ ಧೂಳಿಪಟವಾಗಿವೆ. ಕಿಂಗ್ ಖಾನ್ ತಮ್ಮದೇ ಪಠಾಣ್ ರೆಕಾರ್ಡ್ ಉಡೀಸ್ ಮಾಡುವುದರ ಜೊತೆಗೆ ಕೆಜಿಎಫ್ ಚಾಪ್ಟರ್ 2 , ಬಾಹುಬಲಿ, ಆರ್ ಆರ್ ಆರ್ ದಾಖಲೆಯನ್ನು ಸೈಡಿಗಟ್ಟಿದ್ದಾರೆ. ಹಾಗಿದ್ರೆ ಜವಾನ್ ಒಟ್ಟಾರೆ ಕಲೆಕ್ಷನ್ ಎಷ್ಟು ಅನ್ನೋದಕ್ಕೆ ಉತ್ತರ 120 ರಿಂದ 120 ಕೋಟಿ..ಇದು ವಿಶ್ವಾದ್ಯಂತ ಮೊದಲ ದಿನ ಬಾಲಿವುಡ್ ಬಾದ್ ಷಾ ಗಳಿಸಿರುವ ಮೊತ್ತ. ಮೊದ್ಲೇ ದಿನವೇ 100 ಕೋಟಿ ಕ್ಲಬ್ ಸೇರಿದೆ ಜವಾನ್.
ಜವಾನ್ ಬಾಕ್ಸಾಫೀಸ್ ನಲ್ಲಿ ಭರ್ಜರಿ ಬ್ಯಾಟಿಂಗ್ ಮಾಡಿದೆ. ಪಠಾಣ್ ಸಿನಿಮಾ ಮೊದಲ ದಿನ 57 ಕೋಟಿ ಗಳಿಕೆ ಕಂಡಿತ್ತು. ಕೆಜಿಎಫ್-2 53 ಕೋಟಿ ಬಾಚಿಕೊಂಡಿತ್ತು. ಈಗ ಈ ಎಲ್ಲಾ ರೆಕಾರ್ಡ್ ಗಳನ್ನು ಜವಾನ್ ಅಳಿಸಿ ಹಾಕಿ ಭರ್ಜರಿಯಾಗಿ ಓಟ ಮುಂದುವರೆಸಿದ್ದಾರೆ. ಮೊದಲ ದಿನವೇ ಈ ಮಟ್ಟಿಗಿನ ಕಲೆಕ್ಷನ್ ಮಾಡಿರುವ ಕಿಂಗ್ ಖಾನ್ ಸಿನಿಮಾ 1000 ಕೋಟಿ ಕ್ಲಬ್ ಸೇರುವುದ್ರಲ್ಲಿ ನೋಡೌಟ್..
