ಏಜ್ ಈಸ್ ಜಸ್ಟ್ ನಂಬರ್..ಹೀಗೆನ್ನುತ್ತಲೇ 72 ವಯಸ್ಸು ಕಳೆದು 168 ಸಿನಿಮಾಗಳಲ್ಲಿ ಮಿಂಚಿ ಮೆರದು ಅಭಿಮಾನಿಗಳಿಂದ ಜೈಕಾರ ಹಾಕಿಸಿಕೊಂಡವರು ಸ್ಟೈಲ್ ಕಿಂಗ್, ಸೂಪರ್ ಸ್ಟಾರ್ ರಜನಿಕಾಂತ್..ಬ್ಯಾಕ್ ಟು ಬ್ಯಾಕ್ ಎರಡು ಸೋಲುಗನ್ನುಂಡಿದ್ದ ತಲೈವರ್ ಜೈಲರ್ ಮೂಲಕ ಭರ್ಜರಿಯಾಗಿ ಕಂಬ್ಯಾಕ್ ಆಗಿ ಬಾಕ್ಸಾಫೀಸ್ ಕುಟ್ಟಿ ಬೀಸಾಕಿದ್ದಾರೆ. ಟೈಗರ್ ಕ ಹುಕ್ಕಂ ಎನ್ನುತ್ತಲೇ ಬೆಳ್ಳಿಪರದೆಯಲ್ಲಿ ಬಿರುಗಾಳಿ ಎಬ್ಬಿಸಿದ್ದ ಸೂಪರ್ ಸ್ಟಾರ್ ಜೈಲರ್ ಗೆಲುವಿನ ಖುಷಿಯಲ್ಲಿ ತೇಲಾಡ್ತಿದ್ದಾರೆ. ಅಣ್ಣಾತ್ತೆ ಹಾಗೂ ದರ್ಬಾರ್ ಸೋಲಿಗೆ ಜೈಲರ್ ಗೆಲುವಿನ ಮುಲಾಮು ಹಚ್ಚಿದೆ. ಹೀಗಿದ್ಮೇಲೆ ರಜನಿ ಅಭಿಮಾನಿ ಪಡೆಯ ಸಂಭ್ರಮಕ್ಕೆ ಯಲ್ಲೆ ಎಲ್ಲಿದೆ. ಜೈಲರ್ ಝಮಗಮ, ರಜನಿ ಫ್ಯಾನ್ಸ್ ಧಗಧಗ.
ಜೈಲರ್ ಸಿನಿಮಾ ಸೂಪರ್ ಡೂಪರ್ ಹಿಟ್ ಆಗಿದೆ. ಬರೋಬ್ಬರಿ 600 ಕೋಟಿ ಲೂಟಿ ಮಾಡಿ ನಿರ್ಮಾಪಕರ ಜೇಬು ತುಂಬಿಸಿದೆ. ಹೀಗಿದ್ಮೇಲೆ ಸೂಪರ್ ಸ್ಟಾರ್ ರಜನಿಕಾಂತ್ ಜೊತೆಗೆ ಮತ್ತೊಮ್ಮೆ ಸನ್ ಪಿಕ್ಚರ್ಸ್ ಮಾಲೀಕ ಕಲಾನಿತಿ ಮಾರನ್ ಕೈ ಜೋಡಿಸದೇ ಇರ್ತಾರಾ? ಆಫ್ ಕೋರ್ಸ್..ಅಂದುಕೊಂಡ ನಿರೀಕ್ಷೆ ಹುಸಿಯಾಗಿಲ್ಲ..ರಜನಿ ಸನ್ ಪಿಕ್ಚರ್ಸ್ ಕಾಂಬೋದಲ್ಲೊಂದು ಮತ್ತೊಂದು ಸಿನಿಮಾ ಅನೌನ್ಸ್ ಆಗಿದೆ. ಜೈಲರ್ ಅದಕ್ಕೆ ಭದ್ರಭೂನಾದಿ ಅಂದರು ತಪ್ಪಾಗಲಿಕ್ಕಿಲ್ಲ. ಹಾಗಿದ್ರೆ ರಜನಿ 171ನೇ ಸಿನಿಮಾಗೆ ಸೂತ್ರಧಾರರು ಯಾರು? ಕೈದಿ, ಮಾಸ್ಟರ್, ವಿಕ್ರಮ್ ಸಿನಿಮಾಗಳ ಸಾರಥಿ ಲೋಕೇಶ್ ಕನಗರಾಜ್..
ತಲೈವರ್ ಹಾಗೂ ಲೋಕೇಶ್..ಈ ಕ್ರೇಜಿ ಜೋಡಿ ಒಟ್ಟಿಗೆ ಸಿನಿಮಾ ಮಾಡಲಿದೆ ಎಂಬ ಸುದ್ದಿ ಬಹಳ ದಿನಗಳಿಂದ ಹರಿದಾಡಿತ್ತು,. ಆದ್ರೆ ಅಧಿಕೃತ ಮುದ್ರೆ ಬಿದ್ದಿರಲಿಲ್ಲ. ಸ್ವತಃ ಸನ್ ಪಿಕ್ಚರ್ಸ್ ರಜನಿಕಾಂತ್ ಹಾಗೂ ಲೋಕೇಶ್ ಕನಗರಾಜ್ ಜೊತೆ ಸಿನಿಮಾ ಮಾಡುವುದಾಗಿ ಘೋಷಣೆ ಮಾಡಿದೆ. ತಲೈವರ್ 171ನೇ ಸಿನಿಮಾಗೆ ಲೋಕೇಶ್ ಸಾರಥಿ..ತಾವು ಮತ್ತೊಮ್ಮೆ ಸೂಪರ್ ಸ್ಟಾರ್ ಜೊತೆ ಕೈ ಜೋಡಿಸಿದ್ದೇವೆ ಎಂಬುದನ್ನು ಪಕ್ಕ ಮಾಡಿದೆ. ತಲೈವ ಸಿನಿಮಾ ಇಂಡಸ್ಟ್ರೀಯಿಂದ Retirement ತೆಗೆದುಕೊಳ್ತಾರೆ. ಇನ್ಮುಂದೆ ಬಣ್ಣ ಹಚ್ಚೋದಿಲ್ಲ ಎಂಬ ಗಾಳಿ ಸುದ್ದಿಗೆ ಹೊಸ ಸಿನಿಮಾ ಘೋಷಣೆ ಗುನ್ನ ಹೊಡೆದಂತಿದೆ.
ಲೋಕೇಶ್ ಸಾರಥಿ, ರಜನಿ ಅಧಿಪತಿ..ಕೇಳೋದಿಕ್ಕೆ ವಾವ್ಹ್ ಅನಿಸುತ್ತದೆ…ಇನ್ನೂ ಸಿನಿಮಾ ಹೇಗಿರಲಿದೆ ಎಂಬ ನಿರೀಕ್ಷೆ ಹೆಚ್ಚಾಗದೇ ಇರುತ್ತಾ? ಹೇಳಿಕೇಳಿ ಸೋಲೇ ಕಾಣದ ನಿರ್ದೇಶಕ ಎನಿಸಿಕೊಂಡಿರುವ ಲೋಕೇಶ್ ಕಗನರಾಜ್, ಸಿನಿಮ್ಯಾಟಿಕ್ ಯುನಿವರ್ಸ್ ಐಡಿಯಾದ ಮೂಲಕ ಸಿನಿಮಾಪ್ರೇಮಿಗಳನ್ನು ಸೆಳೆದವರು.. ಅದ್ರಲ್ಲೂ ಇತ್ತೀಚೆಗೆ ಬಂದ ವಿಕ್ರಮ್ ಸಿನಿಮಾದ ಮೂಲಕ ಕಮಲ್ ಹಾಸನ್, ಸೂರ್ಯ, ಫಾಹದ್, ವಿಜಯ್ ಸೇತುಪತಿ ಇಷ್ಟು ತಾರೆಯನ್ನು ಒಟ್ಟು ಸೇರಿಸಿ ಧೂಳ್ ಎಬ್ಬಿಸಿದ ಲೋಕೇಶ್ ಲಿಯೋ ಸಿನಿಮಾಗೂ ಇದೇ ಫಾರ್ಮೂಲಾ ಅಪ್ಲೈ ಮಾಡಿದ್ದಾರೆ. ಇಳಯದಳಪತಿ ವಿಜಯ್, ಸಂಜಯ್ ದತ್, ಅರ್ಜುನ್ ಸರ್ಜಾ ಹೀಗೆ ಹೇಳ್ತಾ ಹೋದ್ರೆ ದೊಡ್ಡ ಬಳಗವಿದೆ. ಲಿಯೋ ಶೂಟಿಂಗ್ ಮುಗಿಸಿರುವ ಲೋಕೇಶ್ ಮುಂದಿನ ಗುರಿ ರಜನಿಕಾಂತ್ ಸಿನಿಮಾವಾ ಅಥವಾ ವಿಕ್ರಮ್-2ನಾ ಅಥವಾ ಖೈದಿ-2ನಾ ಗೊತ್ತಿಲ್ಲ. ಆದ್ರೆ ತಲೈವರ್ ಗೆ ಲೋಕೇಶ್ ಆಕ್ಷನ್ ಕಟ್ ಹೇಳ್ತಿರುವ ಖಬರ್ ರಜನಿ ಫ್ಯಾನ್ಸ್ ಕುಣಿದು ಕುಪ್ಪಳಿಸುವಂತೆ ಮಾಡಿದೆ. ಸನ್ ಪಿಕ್ಚರ್ಸ್ ಅದಕ್ಕೆ ವೇದಿಕೆ ಸೃಷ್ಟಿಸಿದ್ದು, ರಾಕ್ ಸ್ಟಾರ್ ಅನಿರುದ್ಧ್ ಮ್ಯೂಸಿಕ್ ಮಸ್ತಿ ಈ ಕ್ರೇಜಿ ಪ್ರಾಜೆಕ್ಟ್ ಹೈಲೆಟ್ಸ್ ಗಳಲ್ಲೊಂದು. ಆಕ್ಷನ್ ಕಥಾಹಂದರ ಹೊಂದಿರುವ ಈ ಸಿನಿಮಾ ಯಾವಾಗ ಟೇಕಾಫ್ ಆಗುತ್ತೇ ಅನ್ನೋದು ಸದ್ಯಕ್ಕಿರುವ ಕುತೂಹಲ. ಯಾಕಂದ್ರೆ ರಜನಿ ಅಕೌಂಟ್ ನಲ್ಲೀಗ ಸಾಲು ಸಾಲು ಚಿತ್ರಗಳ ಪಟ್ಟಿ ಇದೆ.
We are happy to announce Superstar @rajinikanth’s #Thalaivar171
Written & Directed by @Dir_Lokesh
An @anirudhofficial musical
Action by @anbariv pic.twitter.com/fNGCUZq1xi
— Sun Pictures (@sunpictures) September 11, 2023
ತಲೈವರ್ 171ಗೆ ಲೋಕೇಶ್ ಸೂತ್ರಧಾರ..ಹಾಗಿದ್ರೆ ರಜನಿಯ 169 ಹಾಗೂ 170ನೇ ಸಿನಿಮಾಗಳ ಸಾರಥಿಗಳು ಯಾರು? ಈ ಸಿನಿಮಾಗಳ ಕಥೆ ಏನು? ಯಾವಾಗ ಶುರುವಾಗಲಿದೆ ಎಲ್ಲವೂ ಸದ್ಯಕ್ಕೆ ನಿಗೂಢ. ತಲೈವರ್ 170ನೇ ಸಿನಿಮಾಗೆ ಜೈಭೀಮ್ ಸಿನಿಮಾದ ನಿರ್ದೇಶಕ ಟಿಜೆ ಜ್ಞಾನವೇಲ್ ಆಕ್ಷನ್ ಕಟ್ ಹೇಳೋದು ಖಚಿತವಾಗಿದೆ. ಆದ್ರೆ 169ನೇ ಸಿನಿಮಾವನ್ನು ಜೈಲರ್ ಡೈರೆಕ್ಟರ್ ನೆಲ್ಸನ್ ನಿರ್ದೇಶಿಸಲಿದ್ದಾರೆ ಎನ್ನಲಾಗ್ತಿದೆ. ಈ ಚಿತ್ರವನ್ನು ಸನ್ ಪಿಕ್ಚರ್ಸ್ ನಿರ್ಮಾಣ ಮಾಡಲಿದೆಯಂತೆ. ಆದ್ರೆ ಅಧಿಕೃತ ಮಾಹಿತಿ ರಿವೀಲ್ ಆಗಿಲ್ಲ. ರಜನಿ 170ನೇ ಸಿನಿಮಾ ಶೀಘ್ರದಲ್ಲೇ ಕಿಕ್ ಸ್ಟಾರ್ಟ್ ಸಿಗಲಿದೆ. ಈ ಪ್ರಾಜೆಕ್ಟ್ ನಲ್ಲಿ ಬಿಗ್ ಬಿ ಅಮಿತಾಬ್ ಬಚ್ಚನ್, ಫಹಾದ್ ಫಾಸಿಲ್ ಸೇರಿದಂತೆ ದೊಡ್ಡ ತಾರಾಬಳಗವಿದೆ. ಅದ್ರಲ್ಲೂ ತಲೈವರ್ ಬಾಲಿವುಡ್ ದಂತಕಥೆ ಅಮಿತಾಬ್ ಬಚ್ಚನ್ 32 ವರ್ಷದ ಬಳಿಕ ಒಂದಾಗ್ತಿದ್ದು, ಕುತೂಹಲದ ಇಮ್ಮಡಿಗೊಂಡಿದೆ. ಜೈಲರ್ ಭರ್ಜರಿ ಗೆಲುವಿನ ಬಳಿಕ ಸೂಪರ್ ಸ್ಟಾರ್ ರಜನಿಕಾಂತ್ ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಿಗೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದು, ಭಕ್ತಗಣ ಹಬ್ಬ ಮಾಡೋಕ್ಕೆ ಸನ್ನದ್ಧವಾಗಿದೆ.
