ಆ ದಿನ ಯಶ್ 19 ಘೋಷಣೆ?
ಕೆಜಿಎಫ್ ಬಳಿಕ ರಾಕಿಂಗ್ ಸ್ಟಾರ್ ಯಶ್ ಹೊಸ ಸಿನಿಮಾ ಯಾವುದು ಅನ್ನೋದು ಸದ್ಯಕ್ಕಿರುವ ಮಿಲಿಯನ್ ಡಾಲರ್ ಪ್ರಶ್ನೆ. ಸ್ಕ್ರೀಪ್ಟ್ ಫೈನಲ್ ಮಾಡಿರುವ ಅಣ್ತಮ್ಮಾ ಯಾವಾಗಿನಿಂದ ಶೂಟಿಂಗ್ ಅಖಾಡಕ್ಕೆ ಇಳಿಯಲಿದ್ದಾರೆ.? ಯಾರು ನಿರ್ದೇಶಕರು ಅನ್ನೋದು ಫೈಲ್ ಆಗಿಲ್ಲ. ಡಿಸೆಂಬರ್ ತಿಂಗಳಲ್ಲಿ ಯಶ್ 19 ಚಿತ್ರದ ಶೂಟಿಂಗ್ ಚಾಲುವಾಗಲಿದ್ದು, ಗೀತು ಮೋಹನ್ ದಾಸ್ ಆಕ್ಷನ್ ಕಟ್ ಹೇಳಿದ್ದಾರೆ ಎನ್ನಲಾಗ್ತಿದೆ.
ಕಮಲ್ ಹಾಸನ್ 234 ಚಿತ್ರದ ಅಪ್ ಡೇಟ್
ಉಳಗನಾಯಗನ್ ಕಮಲ್ ಹಾಸನ್ ನಟಿಸುತ್ತಿರುವ, ಖ್ಯಾತ ನಿರ್ದೇಶಕ ಮಣಿರತ್ನಂ ನಿರ್ದೇಶನದಲ್ಲಿ ತಯಾರಾಗ್ತಿರುವ KH234 ಸಿನಿಮಾದಲ್ಲಿ ತ್ರಿಷಾ, ದುಲ್ಕರ್ ಸಲ್ಮಾನ್ ಹಾಗೂ ಜಯಂರವಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಸುದ್ದಿಹರಿದಾಡ್ತಿದೆ. ದುಬಾರಿ ಬಜೆಟ್ ನಲ್ಲಿ ದೊಡ್ಡ ತಾರೆಯರು ಮಿಂಚಲಿರುವ ಈ ಸಿನಿಮಾ ಶೀಘ್ರದಲ್ಲಿಯೇ ಸೆಟ್ಟೇರಲಿದೆ.
ಒಟಿಟಿಗೆ ಎಂಟ್ರಿ ಕೊಟ್ಟ HHB
ನಿತಿನ್ ಕೃಷ್ಣಮೂರ್ತಿ ನಿರ್ದೇಶನದ ಮೊದಲ ಸಿನಿಮಾ ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಒಟಿಟಿಗೆ ಲಗ್ಗೆ ಇಟ್ಟಿದೆ. ಜೀ5 ಒಟಿಟಿಯಲ್ಲಿ ಇದೇ 15ರಂದು ಬಿಡುಗಡೆಯಾಗಲಿದೆ. ರಕ್ಷಿತ್ ಶೆಟ್ಟಿ ಒಡೆತನದ ಪರವಃ ಸ್ಟುಡಿಯೋಸ್ ಪ್ರಸ್ತುತಡಿಸಿದ್ದ ಹಾಸ್ಟೆಲ್ ಹುಡುಗರು ಬೇಕಾಗಿದ್ದಾರೆ ಸಿನಿಮಾವನ್ನು ವರುಣ್ ಗೌಡ, ಪ್ರಜ್ವಲ್, ಅರವಿಂದ್ ಕಶ್ಯಪ್ ನಿರ್ಮಾಣ ಮಾಡಿದ್ದರು. ಬಹುತೇಕ ಹೊಸಪ್ರತಿಭೆಗಳ ನಟಿಸಿದ್ದ ಈ ಚಿತ್ರ ಕನ್ನಡ ಮಾತ್ರವಲ್ಲ ತೆಲುಗಿನಲ್ಲಿಯೂ ಅದ್ಭುತ ಪ್ರದರ್ಶನ ಕಂಡಿದೆ.
ದಿ ವ್ಯಾಕ್ಸಿನ್ ವಾರ್ ಟ್ರೇಲರ್
ವಿವಾದಾತ್ಮಕ ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ ನಿರ್ದೇಶನದ ದಿ ವ್ಯಾಕ್ಸಿನ್ ವಾರ್ ಸಿನಿಮಾದ ಟ್ರೇಲರ್ ಬಿಡುಗಡೆಯಾಗಿದೆ. ಈ ಟ್ರೇಲರ್ ನಲ್ಲಿ ಕಾಂತಾರ ಖ್ಯಾತಿಯ ಮೂಗುತಿ ಸುಂದ್ರಿ ಸಪ್ತಮಿ ಗೌಡ ವಿಜ್ಞಾನಿಯಾಗಿ ನಟಿಸಿದ್ದಾರೆ. ಕೋವಿಡ್ ಸಂದಿಗ್ದ ಸಂದರ್ಭದಲ್ಲಿ ಭಾರತೀಯ ವಿಜ್ಞಾನಿಗಳು ಕೋವಿಡ್ ಲಸಿಕೆ ಕಂಡುಹಿಡಿದ ಸುತ್ತಾ ಸಾಗುವ ಕಥೆ ಇದಾಗಿದೆ. ಇದೇ 28ರಂದು ದಿ ವ್ಯಾಕ್ಸಿನ್ ವಾರ್ ತೆರೆಕಾಣಲಿದೆ.
ಮಗಳ ಜತೆ ಧ್ರುವ ಖುಷಿ ಕ್ಷಣ
ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಮಗಳ ಜೊತೆ ಆಟ ಆಡುತ್ತಿರುವ ಖುಷಿ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ವಿಶೇಷ ಅಂದ್ರೆ ಅಣ್ಣ ಚಿರಂಜೀವಿ ಸಮಾಧಿ ಪಕ್ಕದಲ್ಲಿಯೇ ನಿಂತು ಮಗಳಿಗೆ ಆಕ್ಷನ್ ಪ್ರಿನ್ಸ್ ಧ್ರುವ ಮುದ್ದಿಸಿದ್ದು, ಈ ವಿಡಿಯೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ. ಸದ್ಯ ಮಾರ್ಟಿನ್ ಶೂಟಿಂಗ್ ಮುಗಿಸಿರುವ ಧ್ರುವ ಸರ್ಜಾ ಕೆಡಿ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.
