AAA..ಅಲ್ಲು ಅರ್ಜುನ್-ಅಟ್ಲಿ, ಅನಿರುದ್ಧ್..ಈ ತ್ರಿವಳಿಗಳ ಕಾಂಬೋದಲ್ಲಿ ಸಿನಿಮಾ ಬರ್ತಿದೆ ಅನ್ನೋ ಬಡಾ ಬ್ರೇಕಿಂಗ್ ಖಬರ್ ಹರಿದಾಡ್ತಿದೆ..ಈ ವಿಷ್ಯ ಕೇಳಿ ಬನ್ನಿಗಾರು ಫ್ಯಾನ್ಸ್ ದಿಲ್ ಖುಷ್ ಆಗಿದ್ದಾರೆ. ಅಷ್ಟಕ್ಕೂ ಸೌತ್ ಸಿನಿ ಬಜಾರ್ ನಲ್ಲಿ AAA ಸಿನಿ ಸಮಾಚಾರದ ಸುಂಟರಗಾಳಿ ಇವತ್ತು ಎದ್ದಿರೋದಂತೂ ಅಲ್ಲವೇ ಅಲ್ಲ..ಜವಾನ್ ತೆರೆಮೇಲೆ ಝಮಮಗ ಯಾತ್ರೆ ಶುರು ಮಾಡಿದ ಮೂರ್ನಾಲ್ಕು ದಿನಗಳ ಬಳಿಕವೇ ಈ ಸುದ್ದಿ ಸೌತ್ ಸಿನಿ ಸರ್ಕಲ್ ನಲ್ಲಿ ಓಡಾಡ್ತಿದೆ.
ಜವಾನ್ ಯಶಸ್ಸಿನ ಓಟ ಮುಂದುವರೆದಿದೆ. ಬಾಕ್ಸಾಫೀಸ್ ಖಜನೆ ತುಂಬಿದೆ. ಹಳೆ ರೆಕಾರ್ಡ್ ಗಳೆಲ್ಲಾ ಊಡೀಸ್ ಆಗಿವೆ. ಶಾರುಖ್-ಅಟ್ಲಿ ಜೋಡಿ ಮೋಡಿ ಮಾಡಿದೆ. ಕಿಂಗ್ ಖಾನ್ ಗಹಗಹಿಸಿ ನಗ್ತಿದ್ದಾರೆ. ಹೀಗಿದ್ಮೇಲೆ ಜವಾನ್ ಸೂತ್ರಧಾರ ಅಟ್ಲಿಗೆ ಡಿಮ್ಯಾಂಡ್ ಬರದೇ ಇರುತ್ತಾ? ಆಫ್ ಕೋರ್ಸ್…ಅಟ್ಲಿ ಈಗ ಪ್ಯಾನ್ ಇಂಡಿಯಾ ಡೈರೆಕ್ಟರ್..ಜವಾನ್ ಗೆಲುವಿನ ಖುಷಿ ಎಂಜಾಯ್ ಮಾಡ್ತಿರುವ ಅಟ್ಲಿ ಕುಮಾರ್ ಮುಂದೆ ಯಾವ ಸೂಪರ್ ಸ್ಟಾರ್ ಜೊತೆ ಕೈ ಜೋಡಿಸ್ತಾರೋ ಗೊತ್ತಿಲ್ಲ. ಆದ್ರೆ ಪುಷ್ಪರಾಜ್ ಊರೂಫ್ ಅಲ್ಲು ಅರ್ಜುನ್ ಗೆ ಜವಾನ್ ಸಾರಥಿ ಆಕ್ಷನ್ ಕಟ್ ಹೇಳಲಿದ್ದಾರಂತೆ.
ಅಟ್ಲಿ ವಿಷನ್..ಅಲ್ಲು ಫಾರ್ಪಮೆನ್ಸ್ ಸಿನಿಮಾಗೆ ರಾಕ್ ಸ್ಟಾರ್ ಅನಿರುದ್ಧ್ ಮ್ಯೂಸಿಕ್ ಮಸ್ತಿ..ಅಬ್ಬಾ! ನಿಜಕ್ಕೂ ಸೂಪರ್..ಒಂದು ವೇಳೆ ಈ ಮೂರು ಜನ ಕೈ ಜೋಡಿಸಿದ್ರೆ ಒಂದು ಅದ್ಭುತ ಸಿನಿಮಾವಾಗೋದಂತೂ ಕನ್ಫರ್ಮ್….ಹಾಗಿದ್ರೆ AAA ಕಾಂಬೋದಲ್ಲಿ ಸಿನಿಮಾ ಬರುತ್ತಾ? ಮೇ ಬಿ..ಬನ್ನಿಗಾರು ಈ ಬಗ್ಗೆ ಸಣ್ಣದೊಂದು ಹಿಂಟ್ ಕೊಟ್ಟಂಗಿದೆ. ಜವಾನ್ ಸಿನಿಮಾವನ್ನು ತಮ್ಮದೇ ಸ್ಟೈಲ್ ನಲ್ಲಿ ವಿಮರ್ಷಿಸಿರುವ ಸ್ಟೈಲೀಶ್ ಸ್ಟಾರ್, ಶಾರುಖ್, ಅಟ್ಲಿ ಹಾಗೂ ಅನಿರುದ್ಧ್, ನಯನ್ ಎಲ್ಲರ ಕೆಲಸದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅಲ್ಲು ಅಭಿನಂದನಗೆ ಶಾರುಖ್ ಅಂಡ್ ಅನಿರುದ್ಧ್ ರಿಪ್ಲೈ ಕೊಟ್ಟಿದ್ದಾರೆ.
ಅದ್ರಲ್ಲಿ ಏನಿದೆ ವಿಶೇಷ ಅಂತೀರಾ? ಅಲ್ಲೇ ಇರೋದು ಅಸಲಿ ಮ್ಯಾಟರ್..ಅನಿರುದ್ಧ್ ರಿಪ್ಲೈ ನೋಡಿ ಫ್ಯಾನ್ಸ್ ಒಳಗೊಳಗೆ ಏನೋ ನಡೆಯುತ್ತಿದೆ ಅಂತಾ ಲೆಕ್ಕಚಾರ ಹಾಕ್ತಿದ್ದಾರೆ. ನನಗೊಂದು ಅದ್ಭುತ ಸಾಂಗ್ ಮಾಡಿಕೊಡಿ ಎಂದಿರುವ ಅಲ್ಲು ರಿಯಾಕ್ಷನ್ ಗೆ ಅನಿರುದ್ಧ್ ರೆಡಿನಾ? ಅಂತಾ ಪ್ರಶ್ನಿಸಿದ್ದಾರೆ. ಇದನ್ನು ನೋಡಿದ ಅಲ್ಲು ಅಭಿಮಾನಿಗಳು ಪಕ್ಕ AAA ಸಿನಿಮಾ ಬರುತ್ತೇ ಅಂತಾ ನಿರೀಕ್ಷಿಸ್ತಿದ್ದಾರೆ. ಪುಷ್ಪ ನಂತ್ರ ಅಲ್ಲು ಅರ್ಜುನ್ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಹೊರಹೊಮ್ಮಿದ್ದಾರೆ. ಇತ್ತ ಅಟ್ಲಿ ಜವಾನ್ ಹಿಟ್ ಕೊಟ್ಟು ತಾನೇನು ಅನ್ನೋದನ್ನು ಪ್ರೋವ್ ಮಾಡಿದ್ದಾರೆ. ಹೀಗಿದ್ಮೇಲೆ ಈ ಜೋಡಿ ಪ್ಯಾನ್ ಇಂಡಿಯಾ ಸಿನಿಮಾ ಮಾಡ್ಲಿ ಅಂತಾ ಬೇಡಿಕೆ ಇಡ್ತಿದ್ದಾರೆ.
AAA..ಸಂಗಮದಲ್ಲಿ ಸಿನಿಮಾ ಬರುತ್ತೋ? ಇಲ್ಲವೋ ಗೊತ್ತಿಲ್ಲ…ಬಂದ್ರಂತೂ ಹಬ್ಬವೇ ಸರಿ..ನೋಡೋಣಾ ಎಲ್ಲದಕ್ಕೂ ಒಂದೊಳ್ಳೆ ಕಾಲ ಕೂಡಿ ಬರಬೇಕು ಅಲ್ವೇ? ಅಲ್ಲು ಅರ್ಜುನ್ ಸದ್ಯ ಪುಷ್ಪ-2 ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಚಿತ್ರದ ಬಳಿಕ ಅರ್ಜುನ್ ರೆಡ್ಡಿ ನಿರ್ದೇಶಕ ಸಂದೀಪ್ ರೆಡ್ಡಿ ವಾಂಗ ಸಾರಥ್ಯದಲ್ಲಿ ನಟಿಸಲಿದ್ದಾರೆ. ಇದಾದ ಬಳಿಕ ಅಲಾ ವೈಕುಂಟಪುರಮುಲೋ ಸಾರಥಿ ತ್ರಿವಿಕ್ರಮ್ ಜೊತೆ ಕೈ ಜೋಡಿಸಲಿದ್ದಾರೆ. ಈ ಎರಡು ಕಮೀಟ್ ಮೆಂಟ್ ಬಳಿಕ AAA ಸಿನಿಮಾ ಟೇಕಾಫ್ ಆಗಬಹುದಾ? ನೋಡೋಣಾ…
