ಇಂದಿನಿಂದ ಏಕದಿನ ವಿಶ್ವಕಪ್ ಸೆಮಿ, ಫೈನಲ್ ಟಿಕೆಟ್ ಮಾರಾಟ ಆರಂಭವಾಗಲಿದೆ. ಟೂರ್ನಿಯ ಮೊದಲ ಸೆಮೀಸ್‌ ನ.15ರಂದು ಮುಂಬೈನ ವಾಂಖೇಡೆ ಹಾಗೂ 2ನೇ ಸೆಮೀಸ್‌ ನ.16ರಂದು ಕೋಲ್ಕತಾದ ಈಡನ್‌ ಗಾರ್ಡನ್ಸ್‌ನಲ್ಲಿ ನಿಗದಿಯಾಗಿದೆ.
ಫೈನಲ್ ಪಂದ್ಯ ನ.19ರಂದು ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯಲಿದೆ.
ಈಗಾಗಲೇ ಟೂರ್ನಿಯ ಲೀಗ್‌ ಹಂತದ ಪಂದ್ಯಗಳ ಟಿಕೆಟ್ ಮಾರಾಟ ಬಹುತೇಕ ಪೂರ್ಣಗೊಂಡಿದೆ. ಕೆಲ ಪಂದ್ಯಗಳ ಟಿಕೆಟ್‌ಗಳು ಸೋಲ್ಡೌಟ್‌ ಆಗಿವೆ. ಆದರೆ ಎಲ್ಲಾ ಪಂದ್ಯಗಳ ಟಿಕೆಟ್ ಪಡೆದುಕೊಳ್ಳಲೂ ಪ್ರೇಕ್ಷಕರು ಹರಸಾಹಸ ಪಟ್ಟಿದ್ದು, ಟಿಕೆಟ್ ಮಾರಾಟ ಅವ್ಯವಸ್ಥೆಗೆ ಬಿಸಿಸಿಐ ಹಾಗೂ ಐಸಿಸಿ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಸೆಮೀಸ್‌, ಫೈನಲ್ ಪಂದ್ಯದ ಟಿಕೆಟ್‌ಗೂ ಇದೇ ಸಮಸ್ಯೆ ಮುಂದುವರಿದರೆ ಅಚ್ಚರಿಯಿಲ್ಲ.
