ಕಿರುತೆರೆಯ ಅತೀ ದೊಡ್ಡ ರಿಯಾಲಿಟಿ ಶೋ ಬಿಗ್ ಬಾಸ್ (Bigg Boss Kannada) ಶುರುವಾಗಲು ಕೆಲವೇ ದಿನಗಳು ಬಾಕಿಯಿದೆ. ಈ ಬೆನ್ನಲ್ಲೇ ಸಾಕಷ್ಟು ಕಲಾವಿದರ ಹೆಸರು ಚಾಲ್ತಿಯಲ್ಲಿದೆ. ಇದೀಗ ಅಗ್ನಿಸಾಕ್ಷಿ, ಲಕ್ಷಣ (Lakshana) ಸೀರಿಯಲ್ ನಟಿ ಸುಕೃತಾ ನಾಗ್ (Sukrutha Nag) ದೊಡ್ಮನೆಗೆ ಕಾಲಿಡಲಿದ್ದಾರೆ ಎಂಬ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಚರ್ಚೆಯಾಗುತ್ತಿದೆ.
ಪ್ರಸ್ತುತ ಸುಕೃತಾ ನಾಗ್, ಲಕ್ಷಣ ಸೀರಿಯಲ್ ವಿಲನ್ ಆಗಿ ಅಬ್ಬರಿಸುತ್ತಿದ್ದಾರೆ. ಕಪ್ಪು-ಬಿಳಿ ಬಣ್ಣದ ಕುರಿತ ಇಬ್ಬರು ಹುಡುಗಿಯರ ಮೇಲೆ ಹೆಣೆದಿರುವ ಕಥೆಯಾಗಿದೆ. ಸದ್ಯ ನಾಯಕನ ಕುಟುಂಬವನ್ನು ಸುಕೃತಾ ಅಲಿಯಾಸ್ ಶ್ವೇತಾ ಬೀದಿಗೆ ತಳ್ಳಿದ್ದಾರೆ. ಶ್ವೇತಾ ವಿರುದ್ಧ ನಾಯಕ ಕುಟುಂಬ ಸೇಡು ಸೇರಿಸಿಕೊಳ್ಳುತ್ತಾರಾ ಎಂಬುದನ್ನ ಕಾಯಬೇಕಿದೆ.
ಇದರ ನಡುವೆ ಬಿಗ್ ಬಾಸ್ ಶೋಗೆ ಕೌಂಟ್ ಡೌನ್ ಶುರುವಾಗಿರುವ ಕಾರಣ, ಲಕ್ಷಣ ಸೀರಿಯಲ್‌ಗೆ ಬ್ರೇಕ್ ಬೀಳಲಿದೆ ಎನ್ನಲಾಗುತ್ತಿದೆ. ಹಾಗಾಗಿ ಬಿಗ್ ಬಾಸ್‌ಗೆ ಸುಕೃತಾ ಸ್ಪರ್ಧಿಯಾಗಿ ಎಂಟ್ರಿ ಕೊಡುತ್ತಾರೆ ಎಂದು ಹೇಳಲಾಗುತ್ತಿದೆ. ಇಷ್ಟಕ್ಕೂ ಈ ಸುದ್ದಿ ನಿಜಾನಾ? ಕಾಯಬೇಕಿದೆ. ವಾಹಿನಿ ಕಡೆಯಿಂದ ಈ ಬಗ್ಗೆ ಅಧಿಕೃತ ಸ್ಪಷ್ಟನೆ ಸಿಕ್ಕಿಲ್ಲ
