ವಾಷಿಂಗ್ಟನ್‌: ದಕ್ಷಿಣ ಕೆರೊಲಿನಾದಲ್ಲಿ ಯುಎಸ್ ಮೆರೈನ್ ಕಾರ್ಪ್ಸ್ ಫೈಟರ್ ಜೆಟ್ ನಾಪತ್ತೆಯಾಗಿದೆ. ಕಾಣೆಯಾದ ಮಿಲಿಯನ್ ಡಾಲರ್ ಬೆಲೆಯ ವಿಮಾನವನ್ನು ಪತ್ತೆಹಚ್ಚಲು ಸಹಾಯ ಮಾಡುವಂತೆ US ಮಿಲಿಟರಿ ಅಧಿಕಾರಿಗಳು ಸಾರ್ವಜನಿಕರಲ್ಲಿ ಮನವಿ ಮಾಡಿದ್ದಾರೆ. F-35 ಫೈಟರ್ ಜೆಟ್‌ನ್ನು (F-35 Fighter Jet) ಪತ್ತೆಹಚ್ಚಲು ಸಹಾಯ ಮಾಡಿ.
ಈ ಬಗ್ಗೆ ಯಾವುದೇ ಮಾಹಿತಿಯಿದ್ದರೂ ದಯವಿಟ್ಟು ಬೇಸ್ ಡಿಫೆನ್ಸ್ ಆಪರೇಷನ್ ಸೆಂಟರ್‌ಗೆ ಕರೆ ಮಾಡಿ ಎಂದು ಸಾಮಾಜಿಕ ಮಾಧ್ಯಮ ಎಕ್ಸ್‌ನಲ್ಲಿ ಜಾಯಿಂಟ್‌ ಬೇಸ್ ಚಾರ್ಲ್ಸ್‌ಟನ್‌ ಪೋಸ್ಟ್‌ ಮಾಡಿದೆ. ಎಎಫ್‌ಪಿ ವರದಿಯ ಪ್ರಕಾರ, ಲಾಕ್‌ಹೀಡ್ ಮಾರ್ಟಿನ್ ಕಂಪನಿ ತಯಾರಿಸಿದ ಜೆಟ್ ಇದು. ಒಂದು ಫೈಟರ್ ಜೆಟ್‌ಗೆ 666 ಕೋಟಿ ರೂ. (80 ಮಿಲಿಯನ್ ಡಾಲರ್) ವೆಚ್ಚವಾಗಿದೆ.
