ನಿಖತ್‌ ಜರೀನ್‌ ಅವರು, ಏಷ್ಯಾಡ್‌ ಬಾಕ್ಸಿಂಗ್‌ನಲ್ಲಿ ಸೆಮಿ ಫೈನಲ್‌ ಪ್ರವೇಶಿಸಿದ್ದು, ಮತ್ತೂಂದು, ಈ ಸಾಧನೆ ಯಿಂದ ಮುಂದಿನ ವರ್ಷದ ಪ್ಯಾರಿಸ್‌ ಒಲಿಂಪಿಕ್ಸ್‌ಗೆ ಅರ್ಹತೆ ಸಂಪಾದಿಸಿದ್ದು.
ಜರೀನ್‌ 50 ಕೆಜಿ ವಿಭಾಗದ ಸ್ಪರ್ಧೆಯಲ್ಲಿ ಜೋರ್ಡನ್‌ನ ನಾಸರ್‌ ಹನಾನ್‌ ಅವರೆದುರು ಆರ್‌ಎಸ್‌ಸಿ ಗೆಲುವು ದಾಖಲಿಸಿದರು. ಈ ಕ್ವಾರ್ಟರ್‌ ಫೈನಲ್‌ ಸಾಧನೆಯಿಂದ ನಿಖತ್‌ಗೆ ಒಲಿಂಪಿಕ್ಸ್‌ ಟಿಕೆಟ್‌ ಕೂಡ ಲಭಿಸಿತು. ಕಳೆದ ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಅವರಿಗೆ ಪ್ರವೇಶ ಲಭಿಸಿರಲಿಲ್ಲ.
ಏಷ್ಯಾಡ್‌ನ‌ಲ್ಲಿ ವನಿತೆಯರ 50 ಕೆಜಿ, 54 ಕೆಜಿ, 57 ಕೆಜಿ, 60 ಕೆಜಿ ವಿಭಾಗಗಳಲ್ಲಿ ಸೆಮಿಫೈನಲ್‌ ಪ್ರವೇಶಿಸಿದವರಿಗೆ; 66 ಕೆಜಿ ಹಾಗೂ 75 ಕೆಜಿ ವಿಭಾಗಗಳಲ್ಲಿ ಫೈನಲ್‌ ಪ್ರವೇಶಿಸಿದವರಿಗೆ ಪ್ಯಾರಿಸ್‌ ಒಲಿಂಪಿಕ್ಸ್‌ ಅರ್ಹತೆ ಲಭಿಸುತ್ತದೆ. ಹಾಗೆಯೇ ಏಷ್ಯಾಡ್‌ನ ಏಳೂ ತೂಕ ವಿಭಾಗಗಳಲ್ಲಿ ಚಿನ್ನ ಮತ್ತು ಬೆಳ್ಳಿ ಪದಕ ಗೆದ್ದ ಪುರುಷರಿಗೂ ಒಲಿಂಪಿಕ್ಸ್‌ ಟಿಕೆಟ್‌ ಸಿಗಲಿದೆ.
