ಯೋಜರಾಜ್ ಭಟ್ರ ಗರಡಿ ಸಿನಿಮಾ ಕಡೆಯಿಂದ ಒಂದರ ಹಿಂದೊಂದರಂತೆ ಖುಷಿಯ ಸಂಗತಿಗಳು ಹೊರ ಬೀಳುತ್ತಿವೆ. ಹೊಸತನಗಳಿಂದಲೇ ಮೈ ಕೈ ತುಂಬಿಕೊಂಡಿರುವ ಚಿತ್ರವೊಂದು ಹೆಜ್ಜೆ ಹೆಜ್ಜೆಗೂ ದಾಖಲೆ ಬರೆಯುತ್ತಾ ಮುಂದುವರೆಯುತ್ತಿದೆ. ಒಂದು ಕಡೆಯಿಂದ ಹೊಡೆಯಿರಿ ಹಲಗಿ ಹಾಡಿನ ಮೂಲಕ ಸೌಂಡ್ ಮಾಡಿದ್ದ ಗರಡಿ, ಮತ್ತೊಂದೆಡೆ ಮಿಲಿಯನ್ನುಗಟ್ಟಲೆ ವೀವ್ಸ್ ಪಡೆದು ಪ್ರಸಿದ್ಧಿ ಪಡೆದುಕೊಂಡಿರುವ ಟೈಟಲ್ ಟ್ರ್ಯಾಕ್… ಇದೆಲ್ಲದರಿಂದಾಗಿ ನಿಗಿ ನಿಗಿಸೋ ನಿರೀಕ್ಷೆ ಮೂಡಿಸಿರುವ ಗರಡಿ ಅಖಾಡದಿಂದ ಮತ್ತೊಂದು ಹಾಡು ಹೊರಬಿದ್ದಿದೆ.
ಲವ್ ಫೇಲ್ಯೂರ್ ಆದ ಹುಡುಗನ ಪಾಡುವನ್ನು ವಿವರಿಸುವ ಹಾಡಿಗೆ ಬಡವನ ಹೃದಯ ಎಂದು ಕರೆದಿದ್ದಾರೆ ಭಟ್ರು.. ಮುಂಗಾರುಮಳೆ ಸಿನಿಮಾದ ಅನಿಸುತಿದೆ ಯಾಕೋ ಹಾಡಿನನ್ನು ನೆನಪಿಸುವ ಈ ಸಿಂಗಿಂಗ್ ಗೆ ಯೋಜರಾಜ್ ಭಟ್ಟರೇ ಸಾಹಿತ್ಯ ಬರೆದಿದ್ದು, ವಿಜಯ್ ಪ್ರಕಾಶ್ ಕಂಠ ಕುಣಿಸಿದ್ದು. ವಿ ಹರಿಕೃಷ್ಣ ಟ್ಯೂನ್ ಹಾಕಿದ್ದಾರೆ. ನಾಯಕ ಸೂರ್ಯ, ನಾಯಕಿ ಸೋನಲ್ ಜೊತೆಗಿನ ಪ್ರೀತಿ ನೆನಪಿಸಿಕೊಳ್ಳು ಕ್ಷಣ, ಶ್ರೀಮಂತ ಹುಡುಗನ ಹಿಂದೆ ಸುತ್ತವ ನಾಯಕಿ.. ಇದು ಬಡವನ ಹೃದಯದ ಹಾಡಿನ ಹೈಲೆಟ್ಸ್..
ದೇಸಿ ಕ್ರೀಡೆ ಕುಸ್ತಿ ಕಸರತ್ತು, ಮನರಂಜನೆ ಮಸ್ತಿ ಒಳಗೊಂಡಿರುವ ಗರಡಿ ಸಿನಿಮಾವನ್ನು ಬಿಸಿ ಪಾಟೀಲ್ ತಮ್ಮದೇ ಕೌರವ ಪ್ರೊಡಕ್ಷನ್ ನಡಿ ಬಂಡವಾಳ ಹಾಕಿ ಪ್ರಮುಖಪಾತ್ರವೊಂದ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಸುಜಯ್ ಬೇಲೂರ್, ರವಿಶಂಕರ್, ಪೃಥ್ವಿ ಶಾಮನೂರು, ಧರ್ಮಣ್ಣ ಕಡೂರು ಸೇರಿದಂತೆ ಹಲವರು ತಾರಾಬಳಗದಲ್ಲಿದ್ದಾರೆ. ನಿರಂಜನ್ ಬಾಬು ಛಾಯಾಗ್ರಹಣದ ತಂಪು, ಹರಿಕೃಷ್ಣ ಮ್ಯೂಸಿಕ್ ಇಂಪು ಒಳಗೊಂಡಿರುವ ಗರಡಿಯಲ್ಲಿ ಹೇಗಿರಲಿದೆ ಕೌರವರ ಖದರ್ ಅನ್ನೋದಕ್ಕೆ ನವೆಂಬರ್ 10ರಂದು ಗೊತ್ತಾಗಲಿದೆ. ಬೆಳಕಿನ ಹಬ್ಬದ ವಿಶೇಷವಾಗಿ ಮೆರವಣಿಗೆ ಹೊರಡಲಿರುವ ಗರಡಿ ಗಮ್ಮತ್ತು ನೋಡೋದಿಕ್ಕೆ ನೀವು ರೆಡಿಯಾಗಿ.
