ಸ್ಯಾಂಡಲ್ ವುಡ್ ನ ಖ್ಯಾತ ನಟ ಅನಿರುದ್ಧ್ ಜಟ್ಕರ್ ಪುತ್ರ ಯಾವ ಸ್ಟಾರ್ ಹೀರೋಗಳಿಗೂ ಕಡಿಮೆ ಇಲ್ಲದಂತೆ ಮಸ್ತ್ ಆಗಿ ಫೋಟೋ ಶೂಟ್ ಮಾಡಿಸಿದ್ದಾರೆ.
ಬ್ಲ್ಯಾಕ್ ಶರ್ಟ್ ತೊಟ್ಟು, ಅದರ ಮೇಲೆ ಆರೆಂಜ್ ಸೂಟ್ ಧರಿಸಿರುವ ಅನಿರುದ್ಧ್ ಪುತ್ರ ಜೇಷ್ಠ ವರ್ಧನ್ ಮೊದಲ ಲುಕ್ ನಲ್ಲೇ ಅಭಿಮಾನಿಗಳ ಮನಸ್ಸು ಗೆದ್ದಿದ್ದಾರೆ.
ಜೇಷ್ಠ ವರ್ಧನ್ ಫೋಟೋ ನೋಡಿದವ್ರು ನಟ ಅನಿರುದ್ಧ್ ಅವರಿಗೆ ಇಷ್ಟು ದೊಡ್ಡ ಮಗನಿದ್ದಾನಾ ಎಂದು ಹುಬ್ಬೆರಿಸುತ್ತಿದ್ದಾರೆ. ಇಂದಿಗೂ ತಮ್ಮ ಚಾರ್ಮಿಂಗ್ ಉಳಿಸಿಕೊಂಡು ನಟನಾಗಿ ಮಿಂಚುತ್ತಿರುವ ಅನಿರುದ್ಧ್ ತಮ್ಮ ಪುತ್ರನನ್ನು ಚಿತ್ರರಂಗಕ್ಕೆ ಕರೆ ತರುತ್ತಾರಾ ಎಂದು ಅಭಿಮಾನಿಗಳು ಪ್ರಶ್ನೆ ಮಾಡುತ್ತಿದ್ದಾರೆ.
ಜೇಷ್ಠ ವರ್ಧನ್ ಫೋಟೋ ನೋಡಿದವರು ಮರಿ ಸಿಂಹ ಎಂದು ಕಾಮೆಂಟ್ ಮಾಡಿದ್ದಾರೆ. ಸದ್ಯದಲ್ಲೇ ಜೇಷ್ಠ ವರ್ಧನ್ ಗಾಂಧಿನಗರಕ್ಕೆ ಎಂಟ್ರಿಕೊಡಲಿದ್ದಾರೆ ಎಂದು ಹೇಳುತ್ತಿದ್ದಾರೆ.
ಜೇಷ್ಠ ವರ್ಧನ್ ಲುಕ್, ಸ್ಟೈಲ್, ಕೈಯಲ್ಲಿ ಧರಿಸಿರುವ ಖಡ್ಗ ನೋಡಿದ್ರೆ ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಅವರ ನೆನಪು ಬರುತ್ತಿದೆ.
ಇನ್ನೂ ಓದುತ್ತಿರುವ ಜೇಷ್ಠ ವರ್ಧನ್ ಓದನ್ನು ಮುಗಿಸಿ ಚಿತ್ರರಂಗಕ್ಕೆ ಎಂಟ್ರಿಕೊಡಲಿದ್ದಾರೆ ಎನ್ನಲಾಗುತ್ತಿದೆ. ಈಗಾಗಲೇ ಅಪ್ಪ ನಟ ಅನಿರುದ್ಧ್ ಜೊತೆ ಸೇರಿ ರೀಲ್ಸ್ ಗಳನ್ನು ಮಾಡಿ ಸೋಷಿಯಲ್ ಮೀಡಿಯಾದಲ್ಲಿ ಅಪ್ ಲೋಡ್ ಮಾಡುವ ಮೂಲಕ ತಾವೂ ಕೂಡ ಉತ್ತಮ ನಟ ಎನ್ನುವುದನ್ನು ಪ್ರೂವ್ ಮಾಡಿದ್ದಾರೆ.
