ಬೆಂಗಳೂರು: ಹೊಸ ವರ್ಷಕ್ಕೆ ಇನ್ನೇನು ಕೌಂಟ್ ಡೌನ್ ಶುರುವಾಗಿದೆ. ಒಂದು ಕಡೆ ಜನ ಹೊಸ ವರ್ಷವನ್ನ ಗ್ರ್ಯಾಂಡ್ ವೆಲ್ ಕಮ್ ಮಾಡಲು ಪಬ್ ಬಾರ್, ರೆಸ್ಟೋರೆಂಟ್ ನ ಮೊರೆ ಹೋದ್ರೆ ಇಲ್ಲೊಬ್ಬ ಯುವಕ 2024 ರ ನೂತನ ದಿನಗಳನ್ನು ವೆಲ್ ಕಮ್ ಮಾಡಲು ಒಂದು ರೂಪಾಯಿ ಟಿ ಶರ್ಟ್ ಗಳನ್ನ ನೀಡುವ ಮೂಲಕ ಸೆಲೆಬ್ರೆಟ್ ಮಾಡಿದ್ದಾನೆ. ಬೆಂಗಳೂರಿನ ಹೊರ ವಲಯದ ರಾಮಮೂರ್ತಿನಗರದಲ್ಲಿರುವ ಬಟ್ಟೆ ಶಾಪ್ ಓಪನ್ ಮಾಡಿದ್ದು,
ಹೊಸ ವರ್ಷಕ್ಕೆ ಬಿಗ್ ಆಫರ್ ನೀಡಿದ್ದಾನೆ. ಬ್ರ್ಯಾಂಡೆಡ್ ಕಂಪನಿಯ ಟೀ ಶರ್ಟ್ ಗಳನ್ನ ಕೇವಲ ಒಂದು ರೂಗೆ ನೀಡುವ ಮೂಲಕ ಗಮನ ಸೆಳೆದಿದ್ದಾನೆ. ನೂರಾರು ರೂ ಬೆಲೆ ಬಾಳುವ ಟಿ ಶರ್ಟ್ ನ ಒಂದು ರೂಗೆ ಮಾರಾಟ ಆಗ್ತಿದ್ದ ಕಾರಣ ನಾ ಮುಂದು ತಾಮುಂದು ಎಂದು ಅಂಗಡಿ ಮುಂದೆ ನೂರಾರು ಯುವಕರು ಜಮಾಯಿಸಿದ್ದರು. ಒಂದು ರೂ ಕೊಟ್ಟು ಬೇಕಾದ ಟಿ ಶರ್ಟ್ ನ್ನ ಖರೀದಿಸಿ ತೆರೆಳಿದ್ದಾರೆ.
