ಬೆಂಗಳೂರು: ಕಾಟೇರ ಸಿನಿಮಾ ಸಕ್ಸಸ್ ಆಗುತ್ತಿದ್ದಂತೆ ನಟ ದರ್ಶನ್ ಪೋಲೀಸ್ ಸ್ಟೇಷನ್ ಮೆಟ್ಟಿಲೇರೋ ಸ್ಥಿತಿ ಬಂದಿದೆ. ಜೆಟ್ ಲಾಗ್ ಪಬ್ ನಲ್ಲಿ ಅವಧಿ ಮೀರಿ ಪಾರ್ಟಿ ಮಾಡಿದ್ದ ಕಾಟೇರ ಟೀಂ ಕಾನೂನು ಉಲಂಘನೆ ಮಾಡಿದ್ರು.ಪ್ರಕರಣಕ್ಕೆ ಸಂಬಂಧ ಪಟ್ಟಂತೆ ಇವತ್ತು ಏನೆಲ್ಲಾ ಬೆಳವಣಿಗೆ ಆಯ್ತು ಪೊಲೀಸ್ ಠಾಣೆಗೆ ಯಾರೆಲ್ಲ ಬಂದಿದ್ರು ಅನ್ನೋದರ ಕಂಪ್ಲೀಟ್ ಡಿಟೇಲ್ಸ್ ತೋರಿಸ್ತೀವಿ ನೋಡಿ..
ಅದ್ಯಾಕೋ ಏನೋ ದರ್ಶನ್ಗೆ ಒಂದು ಯಶಸ್ಸು ಸಿಗುತ್ತಿದ್ದಂತೆ ಮತ್ತೊಂದು ಕಾಂಟ್ರವರ್ಸಿಯಲ್ಲಿ ತಗಲಾಕಿಕೊಳ್ತಾನೆ ಇರ್ತಾರೆ. ಎಲ್ಲಾ ಸಮಸ್ಯೆಗಳು ಬಗೆಹರಿದು ಕಾಟೇರ ಸಿನಿಮಾ ಸಕ್ಸಸ್ ಆಗುತ್ತಿದ್ದಂತೆ ಯಡವಟ್ಟು ಮಾಡಿಕೊಂಡ ದರ್ಶನ್ ಮತ್ತೆ ಪೊಲೀಸ್ ಠಾಣೆ ಮೆಟ್ಟಿಲೇರುವ ಸ್ಥಿತಿ ಬಂದ್ಬಿಡ್ತು. ಜನವರಿ 3 ರಂದು ಕಾಟೇರ ಸಕ್ಸಸ್ ಮೀಟ್ ಆದ ಮೇಲೆ ಜೆಟ್ ಲಾಗ್ ಪಬ್ ನಲ್ಲಿ ಅವಧಿ ಮೀರಿ ಪಾರ್ಟಿ ಮಾಡಿದ್ದಕ್ಕೆ ಸುಬ್ರಮಣ್ಯನಗರ ಪೊಲೀಸರು ಕೇಸ್ ದಾಖಲಿಸಿಕೊಂಡಿದ್ರು. ಪಬ್ ಮಾಲೀಕರ ಮೇಲೆ ಎಫ್ ಐ ಆರ್ ಹಾಕಿದ್ದ ಪೊಲೀಸರು ಅಂದು ಅವಧಿ ಮೀರಿದ ಪಾರ್ಟಿಯಲ್ಲಿ ಭಾಗವಹಿಸಿದ್ದ ದರ್ಶನ್ , ರಾಕ್ ಲೈನ್ ವೆಂಕಟೇಶ್,ಅಭಿಶೇಕ್ ಅಂಬ್ರೀಷ್ , ತರುಣ್ ಸುಧೀರ್ , ಡಾಲಿ ಧನಂಜಯ್ ಸೇರಿ ಕಾಟೇರ ಚಿತ್ರತಂಡ 8 ಜನರಿಗೆ ನೋಟೀಸ್ ಕೊಟ್ಟಿದ್ರು..
ಪೊಲೀಸರು ಕೊಟ್ಟಿದ್ದ ನೋಟೀಸ್ ಗೆ ಎಲ್ಲರೂ 8 ನೇ ತಾರೀಕಿಗೆ ಬಂದು ಸ್ಟೇಟ್ ಮೆಂಟ್ ಕೊಡಬೇಕಿತ್ತು. ಆದ್ರೆ ಎಲ್ಲರೂ ಹೊರದೇಶದಲ್ಲಿದ್ದಿದ್ದರಿಂದ. ನಟರಾದ ದರ್ಶನ್, ಡಾಲಿ ಧನಂಜಯ್, ನೀನಾಸಂ ಸತೀಶ್, ಚಿಕ್ಕಣ್ಣ, ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್, ಸಂಗೀತ ನಿರ್ದೇಶಕ ವಿ.ಹರಿಕೃಷ್ಣ, ನಿರ್ದೇಶಕ ತರುಣ್ ಸುಧೀರ್ ಇಂದು 3-30 ಕ್ಕೆ ಠಾಣೆಗೆ ಹಾಜರಾಗಿ ಪೊಲೀಸರ ಮುಂದೆ ಹೇಳಿಕೆ ದಾಖಲಿಸಿದ್ರು… ಸುಮಾರು ಒಂದು ಗಂಟೆಗೂ ಹೆಚ್ಚು ಕಾಲ ವಿಚಾರಣೆ ಮಾಡಿದ ಪೊಲೀಸರು ಪ್ರತಿಯೊಬ್ಬರ ಬಳಿಯೋ ಪ್ರತ್ಯೇಕವಾಗಿ ಹೇಳಿಕೆ ದಾಖಲಿಸಿಕೊಂಡು ಕಳಿಸಿದ್ರು…
ಇನ್ನು ಪೊಲೀಸರ ವಿಚಾರಣೆ ಎದುರಿಸಿದ ಮಾತನಾಡಿ ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್, ಕಾಟೇರ ಸಿನಿಮಾ ಯಶಸ್ಸು ಹಿನ್ನೆಲೆಯಲ್ಲಿ ಜನವರಿ 3ರಂದು ಪತ್ರಿಕಾಗೋಷ್ಠಿ ಹಮ್ಮಿಕೊಳ್ಳಲಾಗಿತ್ತು. ಕಾರ್ಯಕ್ರಮ ಮುಗಿದ ಬಳಿಕ ಊಟ ಮಾಡಿಕೊಂಡು ಸ್ಥಳದಿಂದ ನಿರ್ಗಮಿಸಿದ್ದೇವೆ. ಊಟ ಮಾಡುವುದು ಪೂರ್ವ ನಿರ್ಧರಿತವಾಗಿರಲಿಲ್ಲ. ಊಟ ಮಾಡೋದು ತಡವಾಯಿತು. ಈ ವೇಳೆ ಯಾರಿಗೂ ತೊಂದರೆ ಕೊಟ್ಟಿಲ್ಲ ಎಂದ್ರು. ಇನ್ನು ಕಾಟೇರ ಸಿನಿಮಾ ಯಶಸ್ಸು ತಡೆಯಲಾರದೆ ದರ್ಶನ್ ನನ್ನ ಟಾರ್ಗೆಟ್ ಮಾಡಿಕೊಳ್ಳಲಾಗುತ್ತಿದೆ. ವಿನಾಕಾರಣ ಅವರ ಹೆಸರು ತಳುಕು ಹಾಕುತ್ತಿದ್ದಾರೆ.ಇದನ್ನೆಲ್ಲಾ ಯಾರು ಮಾಡುತ್ತರಂದು ಗೊತ್ತಿಲ್ಲ ಆದ್ರೆ ದಯವಿಟ್ಟು ಇಲ್ಲಿಗೆ ನಿಲ್ಲಿಸಿ ಎಂದು ಅಸಮಧಾನ ವ್ಯಕ್ತಪಡಿಸಿದ್ರು….
ಇನ್ನು ಇದೇ ವೇಳೆ ದರ್ಶನ್ ಜೊತೆ ಹಾಜರಿದ್ದ ವಕೀಲರು ಮಾತನಾಡಿ.ವೈಯಕ್ತಿಕವಾಗಿ ಯಾರು ಎಲ್ಲಿ ಬೇಕಾದರೂ ಊಟಕ್ಕೆ ಹೋಗಬಹುದು. ಅದೇ ರೀತಿ ಜೆಟ್ ಲಾಗ್ ಪಬ್ ನಲ್ಲಿ ಊಟ ಮಾಡಿದ್ದಾರೆ.ಆದರೆ ಅದನ್ನೇ ದೊಡ್ಡದಾಗಿ ಬಿಂಬಿಸಿ ದರ್ಶನ್ ಅವರನ್ನ ಟಾರ್ಗೆಟ್ ಮಾಡಲಾಗಿದೆ. ಸಿಆರ್ ಪಿಸಿ 164 ಪ್ರಕಾರ ಪೊಲೀಸರು ಹೇಳಿಕೆ ಪಡೆದಿದ್ದಾರೆ.ಬೇರೆ ಕಡೆ ಹಲವು ಹೋಟೆಲ್ ಗಳು ರಾತ್ರಿ 3-4ವರೆಗೂ ಪಾರ್ಟಿ ಮಾಡುತ್ತಾರೆ. ಸಿಎಂ ಕೂಡ ಪಾರ್ಟಿ ಮಾಡ್ತಾರೆ. ಆದ್ರೆ ದರ್ಶನ್ ನ ಮಾತ್ರ ಟಾರ್ಗೆಟ್ ಮಾಡಿ ಈ ರೀತಿ ಮಾಡಿದ್ದಾರೆ. ರಾತ್ರಿ ಎಲ್ಲಾ ಎಂಪೈರ್ ಹೋಟೆಲ್ ಗಳು ಒಪನ್ ಆಗಿರುತ್ತೆ. ಸಾಕಷ್ಟು ಜನ ತಡರಾತ್ರಿವರೆಗೂ ಊಟ ಮಾಡ್ತಾರೆ. ಎಲ್ಲರಿಗೂ ಕೂಡ ನೊಟೀಸ್ ಕೊಟ್ಟು ಕಳಿಸ್ತಾರಾ..? ದರ್ಶನ್ ಇರೋದ್ರಿಂದ ಮಾತ್ರ ನೊಟೀಸ್ ಕೊಟ್ಟಿದ್ದೀರಾ ಎಂದು ಪ್ರಶ್ನಿಸಿದರು.
ಇನ್ನು ದರ್ಶನ್ ಹಾಗು ನಟರು ಪೊಲೀಸ್ ಠಾಣೆಗೆ ಬರ್ತಾರೆ ಎಂದು ಗೊತ್ತಾಗಿದ್ರಿಂದ . ಠಾಣೆ ಬಳಿ ಸಾವಿರಾರು ಜನ ಅಭಿಮಾನಿಗಳು ಜಮಾಯಿಸಿ ದರ್ಶನ್ ಗೆ ಜೈಕಾರ ಹಾಕಿದ್ರು. ಇನ್ನು ಪ್ರಕರಣದ ಬಗ್ಗೆ ಏನೂ ಮಾತನಾಡದ ದರ್ಶನ್ ಚಿಕ್ಕಣ ಅವರ ಚಿತ್ರ ಬರ್ತಿದೆ ಸಪೋರ್ಟ್ ಮಾಡಿ ಎಂದಷ್ಟೇ ಹೇಳಿದ್ರು. ಒಟ್ಟಿನಲ್ಲಿ ದರ್ಶನ್ ಗೆ ಸಕ್ಸಸ್ ನ ಹಿಂದೆ ಸಮಸ್ಯೆಗಳು ಬೆನ್ನತ್ತುವುದು ಸಾಮಾನ್ಯವಾಗಿ ಬಿಟ್ಟಿದೆ… ಇನ್ನು ಈ ಪ್ರಕರಣ ಮುಂದೆ ಯಾವ ತಿರುವು ಪಡೆದುಕೊಳ್ಳುತ್ತೆ ಅಮತ ಕಾದುನೋಡಬೇಕಿದೆ..
