ಇಂದು ರಾಮ ಮಂದಿರ ಉದ್ಘಾಟನೆಗೊಂಡಿದೆ. ರಾಮಲಲ್ಲಾನ ಪ್ರತಿಷ್ಠಾಪನೆಯಾಗಿದೆ. ಈ ಶುಭ ಸಂದರ್ಭದಲ್ಲಿ ಸ್ಯಾಂಡಲ್ವುಡ್ ನಟ ಕಿಚ್ಚ ಸುದೀಪ್ ಟ್ವೀಟ್ ಮಾಡಿದ್ದಾರೆ. ರಾಮನ ಬಗ್ಗೆ ಬರೆದುಕೊಳ್ಳುವ ಮೂಲಕ ‘ಜೈ ಶ್ರೀರಾಮ್’ ಎಂದಿದ್ದಾರೆ.
ಟ್ವೀಟ್ ಮಾಡಿರುವ ಬಾದ್ ಷಾ ಕಿಚ್ಚ ಸುದೀಪ್, ‘‘ಅವನ ಭುಜಗಳು ನಮ್ಮ ಶಕ್ತಿ, ಅವನ ಎದೆ ನಮ್ಮ ಮಹತ್ವಾಕಾಂಕ್ಷೆ, ಅವನ ಕೈಗಳು ನಮ್ಮ ಶೌರ್ಯ, ಅವನ ಪಾದಗಳು ನಮ್ಮ ಮೋಕ್ಷ, ಅವನ ರೂಪದಲ್ಲಿ, ಎಲ್ಲಾ ಸೃಷ್ಟಿಯ ಸಾರ. ಆದ್ದರಿಂದ ಅದು ಪ್ರಾರಂಭವಾಗುತ್ತದೆ, ಇಲ್ಲಿಂದ ನಾವು ಏರುತ್ತೇವೆ! 500 ವರ್ಷಗಳ ಕತ್ತಲೆಯ ನಂತರ ಒಂದು ರಾಷ್ಟ್ರದ, ಜನರ, ಬೆಳಕಿನ ಪ್ರಾಣ-ಪ್ರತಿಷ್ಠೆ ಎಂದು ಬರೆದುಕೊಂಡಿದ್ದಾರೆ.
ಅನೇಕ ಸ್ಯಾಂಡಲ್ವುಡ್ ತಾರೆಯರು ರಾಮಮಂದಿರ ಉದ್ಘಾಟನೆ ಬಗ್ಗೆ ಶುಭಾಶಯ ತಿಳಿಸಿದ್ದಾರೆ. ಕೆಲವು ತಾರೆಯರು ಅಯೋಧ್ಯೆಯಲ್ಲಿ ಭಾಗಿಯಾದರೆ, ಇನ್ನು ಹಲವರು ಹಾಡುವ ಮೂಲಕ ರಾಮ ಭಕ್ತಿ ಮೆರೆದಿದ್ದಾರೆ.
