ಬೆಂಗಳೂರು: ಚಲಿಸುತ್ತಿದ್ದ ಟಿಪ್ಪರ್ ಲಾರಿ ಮೇಲೆ ಭಾರಿ ಗಾತ್ರದ ಗ್ರಾನೈಟ್ ಕಲ್ಲು ಬಿದ್ದಿರುವ ಘಟನೆ ಆನೇಕಲ್ ತಾಲ್ಲೂಕಿನ ಗಡಿಗೆ ಹೊಂದಿಕೊಂಡಂತಿರುವ ಪೂನಹಳ್ಳಿಯಲ್ಲಿ ನಡೆದಿದೆ. ಕೂದಲೆಳೆ ಅಂತರದಲ್ಲಿ ಟಿಪ್ಪರ್ ಲಾರಿ ಚಾಲಕ ಪಾರಾಗಿದ್ದಾರೆ.
ಬಾರಿ ಗಾತ್ರದ ಗ್ರಾನೈಟ್ ಕಲ್ಲು ಹೊತ್ತು ಸಾಗುತ್ತಿದ್ದ ಟ್ರಕ್, ಈ ವೇಳೆ ಹಿಂದೆ ಬರುತ್ತಿದ್ದ ಟಿಪ್ಪರ್ ಲಾರಿ ಮೇಲೆ ಬಿದ್ದಿದೆ. ಅದೃಷ್ಟವಶಾತ್ ಚಾಲಕ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಗ್ರಾನೈಟ್ ಕಲ್ಲು ಹಿಂದಕ್ಕೆ ಸರಿದಿದ್ದರಿಂದ ಟ್ರಕ್ ಮುಂಭಾಗ ಮೇಲಕ್ಕೆತ್ತಿದೆ. ಓವರ್ ಲೋಡ್ ನಿಂದಾಗಿ ಕಲ್ಲು ಹಿಂಬದಿಗೆ ಜರುಗಿ ಅಪಘಾತಕ್ಕೆ ಕಾರಣವಾಗಿದೆ. ಸ್ಥಳಕ್ಕೆ ಹೊಸೂರು ಪೊಲೀಸರು ಭೇಟಿ ಪರಿಶೀಲನೆ ನಡೆಸಿದ್ದಾರೆ.
