ಸೂಪರ್ ಸ್ಟಾರ್ ರಜನಿಕಾಂತ್ ಅಭಿಮಾನಿಗಳಿಗೆ ಗುಡ್ ನ್ಯೂಸ್ ಸಿಕ್ಕಿದೆ. ಇತ್ತೀಚೆಗೆ ರಜನಿಕಾಂತ್ ನಟನೆಯ ಜೈಲರ್ ಸಿನಿಮಾ ಸೂಪರ್ ಇಟ್ ಆಗಿದ್ದು ಇದೀಗ ಜೈಲರ್ ಪಾರ್ಟ್ 2 ಮಾಡುವ ಬಗ್ಗೆ ಮಾತುಕತೆ ನಡೆಯುತ್ತಿದೆ. ಜೈಲರ್ ಬಳಿಕ ಮತ್ತೊಮ್ಮೆ ತಲೈವಾ ಮತ್ತು ನೆಲ್ಸನ್ ದಿಲೀಪ್ ಕುಮಾರ್ ಜೊತೆಯಾಗಿ ಕೆಲಸ ಮಾಡಲಿದ್ದಾರೆ.
ಕಳೆದ ವರ್ಷ ತೆರೆಕಂಡ ‘ಜೈಲರ್’ ಸಿನಿಮಾ ಬಾಕ್ಸ್ ಆಫೀಸ್ ದೂಳೆಬ್ಬಿಸಿತ್ತು. ಚಿತ್ರದಲ್ಲಿನ ರಜನಿಕಾಂತ್ ಖದರ್ ನೋಡಿ ಅಭಿಮಾನಿಗಳು ಇಷ್ಟಪಟ್ಟಿದ್ದರು. ಅಷ್ಟರ ಮಟ್ಟಿಗೆ ಜೈಲರ್ ಸಿನಿಮಾ ಕಮಾಲ್ ಮಾಡಿತ್ತು. ಈಗ ಮತ್ತೆ ಜೈಲರ್ ಪಾರ್ಟ್ 2 ಸಿನಿಮಾ ಮಾಡುವ ಬಗ್ಗೆ ಮಾತುಕತೆ ನಡೆಯುತ್ತಿದೆ.
‘ಜೈಲರ್’ ಸಿನಿಮಾ ರಜನಿಕಾಂತ್ ಮತ್ತು ನಿರ್ದೇಶಕ ನೆಲ್ಸನ್ ಇಬ್ಬರಿಗೂ ಮರುಜೀವ ನೀಡಿತ್ತು. ಹಾಗಾಗಿ ಪಾರ್ಟ್ 2ಗೆ ಕಥೆ ಬರೆಯಲು ಶುರು ಮಾಡಿದ್ದಾರಂತೆ ನೆಲ್ಸನ್. ಸದ್ಯ ರಜನಿಕಾಂತ್ ‘ಜೈ ಭೀಮ್’ ಡೈರೆಕ್ಟರ್ ಮತ್ತು ಲೋಕೇಶ್ ಕನಗರಾಜ್ ಅವರ ನಿರ್ದೇಶನದಲ್ಲಿ ಸಿನಿಮಾದ ಕೆಲಸದಲ್ಲಿ ತೊಡಗಿಕೊಂಡಿದ್ದಾರೆ.
ಇದಾದ ಬಳಿಕ ‘ಜೈಲರ್ 2’ ತಂಡವನ್ನು ತಲೈವಾ ಸೇರಿಕೊಳ್ಳಲಿದ್ದಾರೆ. ಈಗಾಗಲೇ ಸ್ಕ್ರಿಪ್ಟ್ ವರ್ಕ್ ಶುರು ಮಾಡಿದ್ದಾರೆ ‘ಜೈಲರ್’ ಡೈರೆಕ್ಟರ್. ತಲೈವಾ ಗ್ರೀನ್ ಸಿಗ್ನಲ್ ಕೊಟ್ಟ ಮೇಲೆ ಶೂಟಿಂಗ್ ಶುರುವಾಗಲಿದೆ.
