ಸದಾ ವಿವಾದಗಳ ಮೂಲಕವೇ ಸುದ್ದಿಯಾಗುವ ವಿವಾದಿತ ನಟಿ ರಾಖಿ ಸಾವಂತ್ ಮತ್ತೆ ತಮ್ಮ ಬಾಯನ್ನು ಹರಿ ಬಿಟ್ಟಿದ್ದಾರೆ. ಇತ್ತೀಚೆಗೆ ಮುಖೇಶ್ ಅಂಬಾನಿ ಪುತ್ರ ಅನಂತ್ ಅಂಬಾನಿ ಅವರ ಮದುವೆಯ ಮುನ್ನ ದಿನದ ಕಾರ್ಯಕ್ರಮಗಳು ಅದ್ದೂರಿಯಾಗಿ ನೆರವೇರಿದೆ. ಈ ಬೆನ್ನಲ್ಲೇ ಅನಂತ್ ಅಂಬಾನಿ ತೂಕದ ವಿಚಾರವಾಗಿ ರಾಖಿ ಟೀಕೆ ಮಾಡಿದ್ದು, ಮುಖೇಶ್ ಅಂಬಾನಿಗೆ ಬಿಗ್ ಆಫರ್ ಕೂಡ ನೀಡಿದ್ದಾರೆ.
ಅನಂತ್ ಅಂಬಾನಿ ತೂಕದ ಮೇಲೆ ರಾಖಿ ಸಾವಂತ್ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. ‘ಡಿಯರ್ ಅಂಬಾನಿ ಅವರೇ ನಿಮ್ಮ ಮಗ ಅನಂತ್ ಅಂಬಾನಿ ಚೆನ್ನಾಗಿ ತೂಕ ಬೆಳೆಸಿಕೊಂಡಿದ್ದಾರೆ. ಆತನನ್ನು ನನ್ನ ಬಳಿ 5 ದಿನ ಕಳುಹಿಸಿ. ಸಣ್ಣಗೆ ಮಾಡಿ ಕಳುಹಿಸುತ್ತೇನೆ ಎಂದಿದ್ದಾರೆ.
ಸುಮ್ಮನೆ ಕಳುಹಿಸಿಬೇಡಿ, ಸ್ವಲ್ಪ ಹಣ ಕೊಟ್ಟು ನನ್ನನ್ನು ಕೊಂಡುಕೊಳ್ಳಿ, ಆತನೊಂದಿಗೆ ಕಸರತ್ತುಗಳನ್ನು ಮಾಡುವುದಲ್ಲದೆ, ತೃಪ್ತಿ ಮಾಡಿ ಕಳುಹಿಸುತ್ತೇನೆ. ಅನಂತ್ ಅಂಬಾನಿಯನ್ನು ಜೀರೋ ಸೈಜ್ ಮಾಡಿ ನಿಮ್ಮ ಬಳಿ ಕಳುಹಿಸುವ ಜವಾಬ್ದಾರಿ ನನ್ನದು ಎಂದು ಮುಖೇಶ್ ಅಂಬಾನಿಗೆ ರಾಖಿ ಸಾವಂತ್ ಆಫರ್ ನೀಡಿದ್ದಾರೆ.
ರಾಖಿ ಈ ಹೇಳಿಕೆ ನೀಡುತ್ತಿದ್ದಂತೆ ನಟಿಗೆ ಕ್ಲಾಸ್ ತೆಗೆದುಕೊಂಡಿದ್ದಾರೆ. ಕೆಲ ಆರೋಗ್ಯ ಸಮಸ್ಯೆಯಿಂದ ಅನಂತ್ ಹಾಗೇ ಆಗಿದ್ದಾರೆ. ಒಬ್ಬರಿಗೆ ಬಾಡಿ ಶೇಮಿಂಗ್ ಮಾಡುವುದು ಎಷ್ಟು ಸರಿ ಎಂದು ರಾಖಿಗೆ ನೆಟ್ಟಿಗರು ಛೀಮಾರಿ ಹಾಕಿದ್ದಾರೆ. ಆದರೆ ಅದ್ಯಾವುದರ ಬಗ್ಗೆಯೂ ನಟಿ ತಲೆ ಕೆಡಿಸಿಕೊಂಡಿಲ್ಲ.
