ಮೈಕ್ರೋಸಾಫ್ಟ್ ವಿಂಡೋಸ್ ಮತ್ತು ಸರ್ಫೇಸ್ ನ ಹೊಸ ಮುಖ್ಯಸ್ಥರಾಗಿ ಐಐಟಿ ಮದ್ರಾಸ್ ಹಳೆಯ ವಿದ್ಯಾರ್ಥಿ ಪವನ್ ದಾವುಲುರಿ ಅವರನ್ನು ನೇಮಿಸಲಾಗಿದೆ. ಈ ಹಿಂದೆ ಪನೋಸ್ ಪನಯ್ ಇದ್ದ ಜಾಗಕ್ಕೆ ಇದೀಗ ಪವನ್ ದಾವುಲುರಿ ಅವರನ್ನು ನೇಮಿಸಲಾಗಿದೆ.
“ಕಂಪನಿಯಲ್ಲಿ 19 ವರ್ಷಗಳ ನಂತರ ಹೊಸ ಅಧ್ಯಾಯವನ್ನು ಪ್ರಾರಂಭಿಸುತ್ತಿದ್ದೇನೆ” ಎಂದು ಪನಾಯ್ ಅವರು ಟ್ವೀಟ್‌ನಲ್ಲಿ ಮೈಕ್ರೋಸಾಫ್ಟ್‌ನಿಂದ ನಿರ್ಗಮಿಸುವುದನ್ನು ದೃಢಪಡಿಸಿದರು. ಅಲೆಕ್ಸಾ ಮತ್ತು ಎಕೋ ಉತ್ಪನ್ನಗಳಿಗೆ ಜವಾಬ್ದಾರರಾಗಿರುವ ಘಟಕವನ್ನು ನಡೆಸಲು Amazon.com ನಿಂದ ಪನಾಯ್ ಅವರನ್ನು ನೇಮಿಸಿಕೊಳ್ಳುತ್ತಿದೆ ಎಂದು ಹೇಳಿತ್ತು. ಇದೀಗ ಪನಯ್ ಜಾಗಕ್ಕೆ ಪವನ್ ಎಂಟ್ರಿಕೊಟ್ಟಿದ್ದಾರೆ.
ಈ ಹಿಂದೆ, ದಾವುಲುರಿ ಸರ್ಫೇಸ್ ಸಿಲಿಕಾನ್ ಕೆಲಸವನ್ನು ಮೇಲ್ವಿಚಾರಣೆ ಮಾಡಿದರೆ, ಮಿಖಾಯಿಲ್ ಪರಖಿನ್ ವಿಂಡೋಸ್ ವಿಭಾಗವನ್ನು ಮುನ್ನಡೆಸಿದರು. ಆದಾಗ್ಯೂ, “ಹೊಸ ಪಾತ್ರಗಳನ್ನು” ಅನ್ವೇಷಿಸುವ ಪರಖಿನ್ ಅವರ ಬಯಕೆಯೊಂದಿಗೆ, ಪವನ್ ದಾವುಲುರಿ ವಿಂಡೋಸ್ ಮತ್ತು ಸರ್ಫೇಸ್ ಎರಡರ ಜವಾಬ್ದಾರಿಯನ್ನು ವಹಿಸಿಕೊಂಡಿದ್ದಾರೆ.
ಮೈಕ್ರೋಸಾಫ್ಟ್ ಅನುಭವ ಮತ್ತು ಸಾಧನಗಳ ಮುಖ್ಯಸ್ಥ ರಾಜೇಶ್ ಝಾ ಅವರ ಆಂತರಿಕ ಪತ್ರದಲ್ಲಿ, ಪರಖಿನ್ ಅವರ ನಿರ್ಗಮನವನ್ನು ಘೋಷಿಸಿದ್ದು ಆ ಜಾಗಕ್ಕೆ ಪನಯ್ ದಾವುಲುರಿ ಬಂದಿರುವುದನ್ನು ದೃಡಪಟಿಸಿದ್ದರು.
