ಅರ್ಜೆಂಟೀನಾದ ವೃತ್ತಿಪರ ಫುಟ್‌ಬಾಲ್ ಆಟಗಾರ ಲಿಯೋನೆಲ್ ಆಂಡ್ರೆಸ್ ಮೆಸ್ಸಿಗೆ ಜಗತ್ತಿನಾದ್ಯಂತ ಸಾಕಷ್ಟು ಅಭಿಮಾನಿಗಳಿದ್ದಾರೆ. ಮೈದಾನಲ್ಲಿ ಆಟ ಆಡುವಾಗ ಕ್ರೀಡಾ ಪ್ರೇಮಿಗಳು ಕಣ್ಣು ಅಗಲಿಸಿಕೊಂಡು ಆಟ ವೀಕ್ಷಿಸುತ್ತಾರೆ. ಇದೀಗ ಮಿಸ್ಸಿ ಮಾಡಿರುವ ಕೆಲಸವನ್ನು ಜನರು ನಿಬ್ಬೆರಗಾಗಿ ನೋಡುವಂತಾಗಿದೆ.
ಅರ್ಜೆಂಟೀನಾ FIFA ವಿಶ್ವಕಪ್ 2022 ರಲ್ಲಿ ಫ್ರಾನ್ಸ್ ಅನ್ನು ಸೋಲಿಸುವ ಮೂಲಕ ಗೆಲುವು ಪಡೆದುಕೊಂಡಿದ್ದು, ಇದು ಮೆಸ್ಸಿಯ ಮೊದಲ ವಿಶ್ವಕಪ್ ಟ್ರೋಫಿಯಾಗಿದೆ. ಈ ಕಾರಣಕ್ಕೆ ಅವರು 35 ಚಿನ್ನದ ಐಫೋನ್‌ಗಳನ್ನು ತಂಡದ ಸದಸ್ಯರು ಮತ್ತು ಸಹಾಯಕ ಸಿಬ್ಬಂದಿಗೆ ಉಡುಗೊರೆಯಾಗಿ ನೀಡಲಿದ್ದಾರೆ.
ಆಪಲ್‌ನ ಐಫೋನ್ 14 ಫೋನ್‌ ಬೆಲೆ ಸಾಮಾನ್ಯವಾಗಿ 70 ಸಾವಿರದಿಂದ ಆರಂಭ ಆಗುತ್ತದೆ. ಈ ಚಿನ್ನದ ಐಫೋನ್ ಬೆಲೆ ಇನ್ನಷ್ಟು ದುಬಾರಿಯಾಗಿದ್ದು, ಈ ಮೂಲಕ ಬರೋಬ್ಬರಿ EUR 1,75,000 ಗಳನ್ನು ಪಾವತಿ ಮಾಡಿದ್ದಾರೆ. ಭಾರತೀಯ ಲೆಕ್ಕದಲ್ಲಿ 35 ಐಫೋನ್‌ಗಳ ಮೌಲ್ಯ 1.73 ಕೋಟಿಯಾಗಿದ್ದು ಇದನ್ನು ತಂಡದ ಸದಸ್ಯರಿಗೆ ಮೆಸ್ಸಿ ನೀಡುತ್ತಿದ್ದಾರೆ.
