ಬೆಂಗಳೂರು: ಕುಖ್ಯಾತ ಬೈಕ್ ಕಳ್ಳನನ್ನು ಬೈಯ್ಯಪ್ಪನ ಹಳ್ಳಿ ಪೊಲೀಸರು ಅರೆಸ್ಟ್ ಮಾಡಿದ್ದಾರೆ. ದೀಪಕ್ @ ದೀಪು ಬಂಧಿತ ಆರೋಪಿಯಾಗಿದ್ದು, ಆರೋಪಿ ಬೆಳಗ್ಗೆ ಡೆಲಿವರಿ ಬಾಯ್ ಕೆಲಸ ಮಾಡಿದ್ರೆ ರಾತ್ರಿ ಸಮಯದಲ್ಲಿ ಕಳ್ಳತನ ಮಾಡುತ್ತಿದ್ದನು. ಕಳ್ಳತನ ಮಾಡಿದ್ದ ಬೈಕ್ ಗಳನ್ನ ಕಡಿಮೆ ಬೆಲೆ ಮಾರಾಟ ಮಾಡ್ತಿದ್ದು,
ಬಂಧಿತ ಆರೋಪಿಯಿಂದ 3ಲಕ್ಷ ಮೌಲ್ಯದ 5ಬೈಕ್ ಜಪ್ತಿ ಮಾಡಲಾಗಿದೆ. ಆರೋಪಿ ಮೇಲೆ ಜೆ.ಪಿ.ನಗರ, ತಿಲಕ ನಗರ, ಪರಪ್ಪನ ಅಗ್ರಹಾರ ಸೇರಿ 14 ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿವೆ. ಸದ್ಯ ಆರೋಪಿಯನ್ನು ಬಂಧಿಸಿ ಜೈಲಿಗಟ್ಟಿರೋ ಪೊಲೀಸರು ಠಾಣೆಯಲ್ಲಿ ಪ್ರಕರಣ ದಾಖಲು ಮಾಡಿಕೊಂಡಿದ್ದಾರೆ.
