ರಷ್ಯಾ ಹಾಗೂ ಉಕ್ರೇನ್ ನಡುವೆ ನಡೆಯುತ್ತಿರುವ ಯುದ್ಧದಿಂದ ಸಾಕಷ್ಟು ಮಂದಿ ಜೀವ ಕಳೆದುಕೊಂಡಿದ್ದಾರೆ. ಉಕ್ರೇನ್ ನ ಯುದ್ಧಭೂಮಿ ಸಾವುನೋವುಗಳ ಇತ್ತೀಚಿನ ಅಂದಾಜುಗಳನ್ನು ಯುಎಸ್ ರಕ್ಷಣಾ ಸಚಿವ ಸೆರ್ಗೆ ಶೋಯಿಗು ಹಂಚಿಕೊಂಡಿದ್ದಾರೆ.
ಫೆಬ್ರವರಿ 2022 ರಿಂದ ಉಕ್ರೇನ್ ಮಿಲಿಟರಿ ನಷ್ಟವು ಸುಮಾರು 500,000 ಕ್ಕೆ ತಲುಪಿದೆ ಎಂದು ರಷ್ಯಾದ ರಕ್ಷಣಾ ಸಚಿವ ಸೆರ್ಗೆ ಶೋಯಿಗು ಹೇಳಿದ್ದಾರೆ.
ರಷ್ಯಾದ ಪಡೆಗಳು ಮುಂಚೂಣಿಯಲ್ಲಿವೆ ಮತ್ತು ತಮ್ಮ ವಿರೋಧಿಗಳನ್ನು ಹಿಂದಕ್ಕೆ ತಳ್ಳುತ್ತಿವೆ ಎಂದು ಶೋಯಿಗು ಸಚಿವರ ಸಭೆಯಲ್ಲಿ ಹೇಳಿದರು. ಈ ಒತ್ತಡವು ಕೀವ್ ಪಡೆಗಳು ತಮ್ಮ ರಕ್ಷಣಾತ್ಮಕ ಸ್ಥಾನಗಳನ್ನು ಹಿಡಿದಿಟ್ಟುಕೊಳ್ಳುವುದನ್ನು ತಡೆಯುತ್ತದೆ ಎಂದು ಅವರು ಹೇಳಿದರು.
ಕೀವ್ ಗೆ 60 ಬಿಲಿಯನ್ ಡಾಲರ್ ಮಿಲಿಟರಿ ನೆರವು ನೀಡುವ ಅಮೆರಿಕದ ನಿರೀಕ್ಷೆಯ ಬಗ್ಗೆಯೂ ರಕ್ಷಣಾ ಸಚಿವರು ಪ್ರಸ್ತಾಪಿಸಿದರು. ಈ ಕ್ರಮವು ಉಕ್ರೇನಿಯನ್ ಪಡೆಗಳ ‘ಕುಸಿತವನ್ನು ತಡೆಗಟ್ಟುವ’ ಉದ್ದೇಶವನ್ನು ಹೊಂದಿದೆ ಎಂದು ಅವರು ಗಮನಿಸಿದರು, ಆದರೆ ಹಣವು ಯುದ್ಧಭೂಮಿಯ ಪರಿಸ್ಥಿತಿಯ ಮೇಲೆ ಗಮನಾರ್ಹವಾಗಿ ಪರಿಣಾಮ ಬೀರುವುದಿಲ್ಲ, ಏಕೆಂದರೆ ಹೆಚ್ಚಿನ ಧನಸಹಾಯವು ಯುಎಸ್ ಮಿಲಿಟರಿ ಉತ್ಪಾದನೆಗೆ ಹೋಗುತ್ತದೆ ಎಂದಿದ್ದಾರೆ.
