‘ಸಲಾರ್’ ಬಿಗ್ ಬ್ರೇಕಿಂಗ್ ನ್ಯೂಸ್ ಮತ್ತೆ ಪ್ರಭಾಸ್ ಅಭಿಮಾನಿಗಳಿಗೆ ಭಾರೀ ನಿರಾಸೆ ಮೂಡಿಸಿದೆ. ಸಲಾರ್ ಸಿನಿಮಾ ರಿಲೀಸ್ ಆದತಕ್ಷಣವೇ ಇದು ಡಾರ್ಲಿಂಗ್ ಪ್ರಭಾಸ್ ಕಂಬ್ಯಾಕ್ ಅಂತ ಕುಣಿದಾಡಿಬಿಟ್ರು. ಈದೀಗ ಮತ್ತೆ ಸಲಾರ್ ಅಖಾಡದಿಂದ ಕೊಂಚ ಸಪ್ಪೆ ಖಬರ್ ಬಂದಿದೆ. ‘ಸಲಾರ್’ ಪಾರ್ಟ್-2 ಭಾರೀ ಡಿಲೆಯಾಗೋ ಲಕ್ಷಣಗಳೇ ಕಾಣ್ತಿವೆ..!
ಡಾರ್ಲಿಂಗ್ ಪ್ರಭಾಸ್‌ಗೆ ‘ಸಲಾರ್’ ಮತ್ತೆ ಶುಕ್ರದೆಸೆ ಓಪನ್ ಮಾಡಿಸಿದೆ..! ಸತತವಾಗಿ ಸೋತುಸುಣ್ಣವಾಗಿಹೋಗಿದ್ದ ಟಾಲಿವುಡ್ ಮಗಧೀರನಿಗೆ ಸಲಾರ್ ಇನ್ನೊಮ್ಮೆ ಗೆಲುವಿನ ರುಚಿ ತೋರಿಸ್ತು. ಸಲಾರ್ ಮೂಲಕ ಕೆಜಿಎಫ್ ಫ್ಲೇವರ್ ದಾರಿ ತೋರಿಸಿದ ನಿರ್ದೆಶಕ ಪ್ರಶಾಂತ್ ನೀಲ್ ಕೂಡ ಪ್ರಭಾಸ್ ಪಾಲಿಗೆ ಕಿಂಗ್ ಮೇಕರ್ ಆದ್ರು. ಪ್ರಭಾಸ್ ಮಾಡಿದ್ರೆ ಇಂತಹ ಸಿನಿಮಾಗಳನ್ನೇ ಮಾಡಬೇಕು ಗುರು ಎಂಬ ಕೂಗು ಭಾರತೀಯ ಚಿತ್ರರಂಗದಲ್ಲಿ ಗಟ್ಟಿಯಾಗೇ ಉಗಮವಾಯ್ತು. ಈಗ ನೋಡಿದ್ರೆ ಸದ್ಯಕ್ಕಂತೂ ‘ಸಲಾರ್-2’ ದರ್ಶನ ಭಾಗ್ಯವಿಲ್ಲ ಎಂಬ ಸುದ್ಧಿ ಹೊರಬಿದ್ದಿದೆ. ಸಲಾರ್-2 ಬರೋದೆ ಇಲ್ಲ ಅಂತಲ್ಲ, ಇಬ್ಬರೂ ಒಂದೊಂದು ಮೆಗಾ ಬಿಗ್ ಪ್ರಾಜೆಕ್ಟ್‌ ಗಳಲ್ಲಿ ಬ್ಯುಸಿಯಾಗಿರೋದೆ ಸಲಾರ್ ತಡವಾಗಿರೋದಕ್ಕೆ ಕಾರಣವಾಗ್ತಿದೆ. ಕಲ್ಕಿ ಬಿಡುಗಡೆಗೆ ವೈಟಿಂಗ್ ನಲ್ಲಿರೋ ಪ್ರಭಾಸ್, ಸಲಾರ್‌ನಲ್ಲಿ ಭಾಗಿಯಾಗೋಕೆ ಈ ವರ್ಷವಂತೂ ಇಂಪಾಸಿಬಲ್ ಎನ್ನಬಹುದು..!
ಪ್ರಭಾಸ್ ‘ಸಲಾರ್-2’ ಪಕ್ಕಕ್ಕಿಟ್ಟು ಬೇರೆ ಸಿನಿಮಾಗಳ ಬಗ್ಗೆಯೂ ಗಮನಹರಿಸ್ತಿದಾರೆ. ‘ರಾಜಾಸಾಬ್’ ಕೂಡ ಕಾರ್ಯಪ್ರಗತಿಯಲ್ಲಿದೆ. ಸಲಾರ್ ಬೇರೆಯಾದೇ ಕ್ರೇಜ್ ಹುಟ್ಟುಹಾಕುವಲ್ಲಿ, ಪ್ರಭಾಸ್ ಡೋಲಾಯಮಾನ ಕೆರಿಯರ್ ಉಳಿಸುವಲ್ಲಿ ಗೆದ್ದಿದೆ. ನಿರೀಕ್ಷೆಗಳನ್ನ ಉಳಿಸಿಕೊಂಡಿದೆ. ಪ್ರಭಾಸ್ ಜರ್ನಿಗೆ ಸಲಾರ್ ಯಾವಾಗಲೂ ಸ್ಪೆಷಲ್. ಮುಂದಿನ ವರ್ಷವಾದ್ರೂ ಸಲಾರ್ ಫೈರ್ ಬರುತ್ತಾ..? ವೀ ಹ್ಯಾವ್ ಟು ವಾಚ್..!
