ಚಿನ್ನಸ್ವಾಮಿಯಲ್ಲಿ ಕಿಂಗ್ ಕೊಹ್ಲಿಯ ಸಾಧನೆ..! ಏನು ಗೊತ್ತಾ!?

ಆ ಮೂಲಕ ರುತುರಾಜ್​ ಗಾಯಕ್ವಾಡ್​ ತಂಡವನ್ನು ಮನೆಗೆ ಕಳುಹಿಸಿದೆ. ರನ್​ರೇಟ್​​ನಲ್ಲಿ ಸಿಎಸ್​​ಕೆ ತಂಡವನ್ನು ಮಣಿಸಿದ ಆರ್​ಸಿಬಿ 9ನೇ ಬಾರಿಗೆ ಪ್ಲೇಆಫ್​ಗೆ ಅರ್ಹತೆ ಪಡೆದಿದ್ದಾರೆ. ಚೆನ್ನೈ ವಿರುದ್ಧ ಕೊಹ್ಲಿ 47 ರನ್​ ಗಳಿಸಿದ್ದಾರೆ. ಐಪಿಎಲ್​ ಸರಣಿಯಲ್ಲಿ ಬೆಂಗಳೂರು ಮೈದಾನದಲ್ಲಿ ಕೊಹ್ಲಿ 89 ಪಂದ್ಯ ಆಡಿದ್ದಾರೆ. ಅದರಲ್ಲಿ 3005 ರನ್​ ಬಾರಿಸಿದ್ದಾರೆ. ಆ ಮೂಲಕ ಒಂದೇ ಸ್ಥಳದಲ್ಲೇ 3 ಸಾವಿರ ರನ್​ ದಾಟಿಸಿದ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಸಿಎಸ್​ಕೆ ವಿರುದ್ಧ ವಿರಾಟ್​​ 3 ಅರ್ಧಶತಕ ಬಾರಿಸಿ 280 ರನ್​ ಗಳಿಸಿದ್ದಾರೆ. ವಿರಾಟ್​ ಕೊಹ್ಲಿ ಟಿ20ಐ ಭಾರತದ ನೆಲದಲ್ಲಿ 9 ಸಾವಿರ ರನ್​​ಗಳ ಮೈಲುಗಲ್ಲು ದಾಟಿದ ಮೊದಲ ಭಾರತೀಯ ಆಟಗಾರ ಎಂದು ಗುರುತಿಸಿಕೊಂಡಿದ್ದಾರೆ. ಅಂದಹಾಗೆಯೇ ಕೊಹ್ಲಿ ಭಾರತದಲ್ಲಿ ಒಟ್ಟು 268 ಟಿ20 ಪಂದ್ಯ ಆಡಿದ್ದು, 9,014 ರನ್​ ಬಾರಿಸಿದ್ದಾರೆ.

ಇದಲ್ಲದೆ, ಪ್ರಸಕ್ತ ಸರಣಿಯಲ್ಲಿ ಅತಿ ಹೆಚ್ಚು ಸಿಕ್ಸ್​ ಸಿಡಿಸಿದವರ ಪಟ್ಟಿಯಲ್ಲಿ ಕೊಹ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಅಂದಹಾಗೆಯೇ ಈ ಬಾರಿಯ ಐಪಿಎಲ್​ನಲ್ಲಿ ವಿರಾಟ್​​ 37 ಸಿಕ್ಸ್ ಬಾರಿಸಿದ್ದಾರೆ. ಇನ್ನು ಈ ಋತುವಿನಲ್ಲಿ 14 ಪಂದ್ಯವಾಡಿದ್ದು, ಒಂದು ಶತಕ, 5 ಅರ್ಧ ಶತಕ ಜೊತೆಗೆ 708 ರನ್​ ಬಾರಿಸಿದ್ದಾರೆ.