ಸ್ಟಾರ್ ನಟರು ಅಂದ್ರೆ ಸಾಮಾನ್ಯವಾಗಿ ಸ್ಟಾರ್ ಹೋಟೆಲ್ ಗಳಲ್ಲೇ ಊಟ ಮಾಡುತ್ತಾರೆ. ಆದರೆ ಕೆಲ ಸ್ಟಾರ್ ಗಳು ಮಾತ್ರ ಯಾವುದೇ ಹಮ್ಮು ಬಿಮ್ಮು ತೋರದೆ ರೋಡ್ ಸೈಡ್ ಡಾಬ, ಹೋಟೆಲ್ ಗಳಲ್ಲಿ ತಿಂದು ಸಿಂಪ್ಲಿಸಿಟಿ ಮೆರೆಯುತ್ತಾರೆ.
ಇತ್ತೀಚೆಗೆ ಯಶ್‌, ಭಟ್ಕಳದ ಸಣ್ಣ ಅಂಗಡಿಯಲ್ಲಿ ಹೆಂಡತಿ ಮಕ್ಕಳಿಗೆ ತಿಂಡಿ ಕೊಡಿಸಿದ್ದ ಚಿತ್ರಗಳು ವೈರಲ್‌ ಆಗಿತ್ತು. ಈಗ ಮತ್ತೊಂದು ಅಂಥದ್ದೇ ಚಿತ್ರ ವೈರಲ್‌ ಆಗಿದೆ. ಟಾಲಿವುಡ್‌ನ ಸ್ಟಾರ್ ಹೀರೋ ಮೆಗಾಸ್ಟಾರ್‌ ಕುಟುಂಬದ ಕುಡಿ ಅಲ್ಲು ಅರ್ಜುನ್‌ಗೆ ಇತ್ತೀಚೆಗೆ ಪತ್ನಿ ಸ್ನೇಹಾ ರೆಡ್ಡಿ ಜೊತೆ ಪ್ರಯಾಣಿಸಿದ್ದು ಈ ವೇಳೆ ಅಲ್ಲು ಅರ್ಜುನ್ ಲೋಕಲ್‌ ಢಾಬಾದಲ್ಲಿ ಮಧ್ಯಾಹ್ನ ಊಟ ಮಾಡಿದ್ದಾರೆ ಈ ಚಿತ್ರ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ. ಕನಿಷ್ಠ ಎಸಿ ಕೂಡ ಇಲ್ಲದ ಢಾಬಾದಲ್ಲಿ ಸಾಮಾನ್ಯರಲ್ಲಿ ಸಾಮಾನ್ಯರಂತೆ ಗಂಡ-ಹೆಂಡತಿ ಇಬ್ಬರೂ ಊಟ ಸವಿದಿರುವ ಚಿತ್ರವನ್ನು ಅಭಿಮಾನಿಗಳು ಮೆಚ್ಚಿದ್ದಾರೆ. ಈ ಚಿತ್ರ ಎಲ್ಲಿ ಹಾಗೂ ಯಾವಾಗ ತೆಗೆದಿದ್ದು ಎನ್ನುವ ಮಾಹಿತಿ ಇಲ್ಲವಾದರೂ ಅಲ್ಲು ಅರ್ಜುನ್ ಅವರ ಸಿಂಪಲ್ ನೆಸ್ ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ.
ಈ ವೈರಲ್‌ ಫೋಟೋವನ್ನು ಅಲ್ಲು ಅರ್ಜುನ್ ಅವರ ಫ್ಯಾನ್‌ ಖಾತೆಯಿಂದ ಹಂಚಿಕೊಳ್ಳಲಾಗಿದೆ. ಬಿಳಿ ಬಣ್ಣದ ಶರ್ಟ್‌ ಹಾಗೂ ಕಪ್ಪು ಬಣ್ಣದ ಪ್ಯಾಂಟ್‌ಅನ್ನು ಅಲ್ಲು ಅರ್ಜುನ್ ಧರಿಸಿದ್ದು, ಫೋನ್‌ನಲ್ಲಿ ಮಾತನಾಡುತ್ತಲೇ ಊಟವನ್ನು ಎಂಜಾಯ್‌ ಮಾಡುತ್ತಿದ್ದಾರೆ. ಇನ್ನು ಅವರ ಪತ್ನಿ ಸ್ನೇಹಾ ರೆಡ್ಡಿ ಸಿಂಪಲ್ ಆದ ಸಲ್ವಾರ್‌ ಕಮೀಜ್‌ ಅನ್ನು ಧರಿಸಿದ್ದು, ಊಟದಲ್ಲಿ ಮಗ್ನರಾಗಿರುವುದು ಕಂಡಿದೆ.
ಕಳೆದ ಕೆಲ ವರ್ಷಗಳಿಂದ ಅಲ್ಲು ಅರ್ಜುನ್, ಸುಕುಮಾರ್ ನಿರ್ದೇಶನದ ಪುಷ್ಪಾ ಚಿತ್ರದ ಪಾರ್ಟ್‌-2ನಲ್ಲಿ ಬ್ಯುಸಿ ಇದ್ದಾರೆ. 2021ರಲ್ಲಿ ಸಿನಿಮಾದ ಮೊದಲ ಭಾಗ ರಿಲೀಸ್‌ ಆಗಿತ್ತು. ಅಂದಾಜು ಒಂದು ವರ್ಷಗಳ ಕಾಲ ಬ್ರೇಕ್‌ ಪಡೆದುಕೊಂಡ ಬಳಿಕ ಪುಷ್ಪಾ: ದ ರೂಲ್‌’ ಸಿನಿಮಾವನ್ನು ಆರಂಭ ಮಾಡಿದ್ದರು. ಚತ್ರದ ಶೂಟಿಂಗ್‌ ಕೂಡ ಮುಕ್ತಾಯವಾಗಿದ್ದು, ಈ ವರ್ಷದ ಆಗಸ್ಟ್‌ 15 ರಂದು ಸಿನಿಮಾ ಬಿಡುಗಡೆಯಾಗಲಿದೆ.
