ನೆಲಮಂಗಲ: ಬೆಂಗಳೂರು ತುಮಕೂರು ಹೆದ್ದಾರಿಯಲ್ಲಿ ಪುಂಡರ ಬೈಕ್ ವೀಲಿಂಗ್ ಹಾವಳಿ ನಿಲ್ಲುತ್ತಿಲ್ಲ. ರಾತ್ರಿಯಾದರೆ ಸಾಕು ರಸ್ತೆಗಿಳಿದು ವೀಲಿಂಗ್ ಮಾಡುವ ಪುಂಡರಿಂದ ಸಾರ್ವಜನಿಕರಿಗೆ ಕಿರಿ ಕಿರಿ ಉಂಟಾಗುತ್ತಿದೆ.
ರಾಷ್ಟ್ರೀಯ ಹೆದ್ದಾರಿ ಬೆಂಗಳೂರು ತುಮಕೂರು ಹೆದ್ದಾರಿಯಲ್ಲಿ ಡೆಡ್ಲಿ ವೀಲಿಂಗ್ ನಡೆಯುತ್ತಿದ್ದು, ಪೊಲೀಸರ ಭಯವಿಲ್ಲದೆ ರಾಜಾರೋಷವಾಗಿ ಪುಂಡರು ವೀಲಿಂಗ್ ಮಾಡುತ್ತಿದ್ದಾರೆ. ಐದಾರು ಬೈಕ್ ಗಳಲ್ಲಿ ಬಂದು ಸಾಲುಸಾಲಾಗಿ ಬೈಕ್ ವೀಲಿಂಗ್ ಮಾಡುತ್ತಿದ್ದು, ವಿಡಿಯೋ ಚಿತ್ರಿಸುವ ಪ್ರಯಾಣಿಕರಿಗೆ ವಿಕ್ಟರಿ ಸಿಂಬಲ್ ತೋರಿಸುತ್ತಿದ್ದಾರೆ ಪುಂಡರು.
ಸಾರ್ವಜನಿಕರು ನೆಲಮಂಗಲ ಸಮೀಪದ ನವಯುಗ ಟೋಲ್ ಬಳಿ ಭಯಾನಕ ವೀಲಿಂಗ್ ದೃಶ್ಯ ಸೆರೆಹಿಡಿದಿದ್ದಾರೆ. ವೀಲಿಂಗ್ ಹಾವಳಿಯಿಂದ ಹಿಂಬದಿ ಪ್ರಯಾಣಿಕರಿಗೆ ಆತಂಕ ಶುರುವಾಗಿದೆ.
