ನಟ ಸಿದ್ದಾರ್ಥ್ ಹಾಗೂ ನಟಿ ಅದಿತಿ ರಾವ್ ಹೈದರಿ ಇತ್ತೀಚೆಗೆ ತಮ್ಮ ಎಂಗೇಜ್ ಮೆಂಟ್ ವಿಚಾರವನ್ನು ಅಧಿಕೃತವಾಗಿ ಅನೌನ್ಸ್ ಮಾಡಿದ್ದಾರೆ. ಸದ್ಯದಲ್ಲೇ ಈ ಜೋಡಿ ಹಕ್ಕಿಗಳು ಹಸೆ ಮಣೆ ಏರಲಿದ್ದು ಈ ಮಧ್ಯೆ ಇಬ್ಬರು ಇಟಲಿಗೆ ಹಾರಿದ್ದಾರೆ. ಸಿದ್ಧಾರ್ಥ್ ಜೊತೆಗಿರುವ ರೊಮ್ಯಾಂಟಿಕ್ ಫೋಟೋವನ್ನು ನಟಿ ಅದಿತಿ ಶೇರ್ ಮಾಡಿದ್ದಾರೆ.
ಸಾಕಷ್ಟು ಸಮಯದಿಂದ ಇಬ್ಬರ ಡೇಟಿಂಗ್ ಬಗ್ಗೆ ಭಾರೀ ಸುದ್ದಿಯಾಗಿತ್ತು. ಆದರೆ ಇಬ್ಬರೂ ಈ ಬಗ್ಗೆ ಪ್ರತಿಕ್ರಿಯೆ ನೀಡದೇ ಸೈಲೆಂಟ್ ಆಗಿದ್ದರು. ಅದ್ಯಾವಾಗ ಈ ಜೋಡಿ ಬಗ್ಗೆ ಎಂಗೇಜ್‌ಮೆಂಟ್ ಬಗ್ಗೆ ಸುದ್ದಿ ವೈರಲ್ ಆಯ್ತೋ ಆಗ ನಿಶ್ಚಿತಾರ್ಥ ಆಗಿರುವ ಬಗ್ಗೆ ಅಧಿಕೃತ ಘೋಷಣೆ ಮಾಡುವ ಮೂಲಕ ಫ್ಯಾನ್ಸ್‌ಗೆ ಸಿಹಿಸುದ್ದಿ ನೀಡಿದ್ದರು. ಈಗ ಮದುವೆಗೂ ಮುನ್ನ ಸಿದ್ಧಾರ್ಥ್ ಮತ್ತು ಅದಿತಿ ಜೋಡಿ ಇಟಲಿಯಲ್ಲಿ ಬೀಡು ಬಿಟ್ಟಿದ್ದಾರೆ. ಇಬ್ಬರೂ ಜಾಲಿಯಾಗಿ ಟ್ರಿಪ್‌ ಎಂಜಾಯ್ ಮಾಡ್ತಿದ್ದಾರೆ.
ಇಟಲಿಯಲ್ಲಿ ಸುಂದರ ಜಾಗಗಳಿಗೆ ಸಿದ್ಧಾರ್ಥ್ ಜೋಡಿ ಭೇಟಿ ನೀಡಿದ್ದಾರೆ. ಇಬ್ಬರೂ ವೆಕೇಷನ್ ಮೂಡ್‌ಗೆ ಜಾರಿದ್ದಾರೆ. ಇಬ್ಬರ ರೊಮ್ಯಾಂಟಿಕ್ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಸದ್ಯ ನಟಿ ಅದಿತಿ ಹೀರಾಮಂಡಿ ನಂತರ ಹಿಂದಿ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ‘ಇಂಡಿಯನ್‌ 2’ ಸಿನಿಮಾ ಸೇರಿದಂತೆ ಹಲವು ಪ್ರಾಜೆಕ್ಟ್‌ಗಳು ಸಿದ್ಧಾರ್ಥ್ ಕೈಯಲ್ಲಿವೆ. ಆದರೆ ಈ ಜೋಡಿಗಳು ಯಾವಾಗ ಹಸೆಮಣೆ ಏರ್ತಾರೆ ಅನ್ನೋದನ್ನ ಮಾತ್ರ ಜೋಡಿ ಹಕ್ಕಿಗಳು ತಿಳಿಸಿಲ್ಲ.
