ಪವಿತ್ರಾ ಗೌಡಗೆ ಅಶ್ಲೀಲ ಮೆಸೇಜ್ ಹಾಗೂ ಫೋಟೋ ಕಳುಹಿಸಿದ್ದ ಎಂಬ ಕಾರಣಕ್ಕೆ ಚಿತ್ರದುರ್ಗ ಮೂಲದ ರೇಣುಕಾಸ್ವಾಮಿ ಎಂಬುವವರನ್ನು ದರ್ಶನ್ ಎಂಡ್ ಗ್ಯಾಂಗ್ ಕೊಲೆ ಮಾಡಿದೆ.
ಇದೀಗ ನಟಿ ಪವಿತ್ರಾ ಗೌಡ ಯಾರು, ಆಕೆಯ ಹಿನ್ನೆಲೆ ಏನು, ಯಾವ್ಯಾವ ಸಿನಿಮಾಗಳನ್ನ ಮಾಡಿದ್ದಾಳೆ ಎಂದು ಪವಿತ್ರಾ ಗೌಡ ಕುರಿತಾಗಿ ಸಾಕಷ್ಟು ಮಂದಿ ಗೂಗಲ್ ಸರ್ಚ್ ಮಾಡ್ತಿದ್ದಾರೆ.
ಅಂದ ಹಾಗೆ ಪವಿತ್ರಾ ಗೌಡ ನಟಿಯಾಗಬೇಕು ಎಂದು ಇಂಡಸ್ಟ್ರಿಗೆ ಎಂಟ್ರಿಕೊಟ್ಟಿದ್ದರು. ಆದರೆ ಈಕೆ ಹೆಚ್ಚು ಸುದ್ದಿಯಾಗಿದ್ದು ಮಾತ್ರ ನಟ ದರ್ಶನ್ ಜೊತೆಗಿನ ಸಂಬಂಧದಿಂದಲೇ.
ಅಸಲಿಗೆ ಪವಿತ್ರಾ ಗೌಡ ಯಾರು? ಈ ಕೊಲೆ ಪ್ರಕರಣ ಆರೋಪಿ 1 ಪವಿತ್ರಾ ಗೌಡ ಅವರ ಹಿನ್ನೆಲೆ ಏನು? ದರ್ಶನ್ ಗೆ ಪವಿತ್ರಾ ಗೌಡ ಹೇಗೆ ಪರಿಚಯ? ಪವಿತ್ರಗೌಡ ಈ ಮೊದಲೇ ಮದುವೆ ಆಗಿತ್ತಾ? ಕಳೆದೆರಡು ವರ್ಷದಿಂದ ದರ್ಶನ್ ಜೊತೆ ಕಾಣಿಸಿಕೊಳ್ತಿರೋ ಪವಿತ್ರಾಗೌಡ ಯಾರು? ಎಂಬ ಪ್ರಶ್ನೆ ಹುಟ್ಟಿಕೊಂಡಿದೆ.
ಜಗ್ಗುದಾದಾ ಸಿನಿಮಾ ಮಾಡುವ ವೇಳೆ ದರ್ಶನ್ ಹಾಗೂ ಪವಿತ್ರಾ ಗೌಡ ಪರಿಚಯವಾಗಿದೆ. ದರ್ಶನ್ ಜೊತೆ ಅತ್ಯಾಪ್ತವಾಗಿರುವ ಫೋಟೋ ರಿಲೀಸ್ ಮಾಡಿದ್ದ ಪವಿತ್ರಾಗೌಡ 10 ವರ್ಷಗಳ ಬಾಂದವ್ಯ ಎಂದು ಹೇಳುವ ಮೂಲಕ ದರ್ಶನ್ ಸಂಸಾರದಲ್ಲಿ ಬಿರುಗಾಳಿ ಎಬ್ಬಿಸಿದ್ದರು.
ಬೆಂಗಳೂರು ಗ್ರಾಮಾಂತರ ತಲಘಟ್ಟಾಪುರ ಗ್ರಾಮದವರಾದ ಪವಿತ್ರಾ ಬೆಂಗಳೂರಿನ ಜೆಪಿ ನಗರದಲ್ಲಿ ವಾಸವಿದ್ದರು. ಬಿಸಿಎ ಪದವೀಧರೆಯಾಗಿರುವ ಪವಿತ್ರಾ ಬೆಂಗಳೂರಿನ ಬಿಷಪ್ ಕಾಟನ್ ಕಾಲೇಜಿನಲ್ಲಿ ವಿದ್ಯಾಭ್ಯಾಸ ಮಾಡಿದ್ದರು. ಮಾಡಲಿಂಗ್, ರ್ಯಾಂಪ್ ಶೋಗಳಲ್ಲಿ ಪವಿತ್ರ ಪರಿಚಯವಾಗಿತ್ತು. ಮಿಸ್ ಬೆಂಗಳೂರು ಆಗಿ ಪವಿತ್ರಾ ಖ್ಯಾತಿ ಘಳಿಸಿದ್ದರು.
ಪವಿತ್ರಾ ಗೌಡಗೆ ನಟಿ ಆಗಬೇಕೆಂಬ ಕನಸಿತ್ತು. ಪವಿತ್ರಾ ನಟಿಸಿದ್ದ ಮೊದಲ ಸಿನಿಮಾದ ಅಗಮ್ಯ.ಆದರೆ ಮೊದಲ ಸಿನಿಮಾವೇ ಫ್ಲಾಪ್ ಆಗಿತ್ತು. ಆನಂತರ ತಮಿಳು ಚಿತ್ರಗಳ ಕಡೆ ಮುಖ ಮಾಡಿದ ನಟಿ ಪವಿತ್ರಾ ಅಲ್ಲೂ ಹೇಳಿಕೊಳ್ಳುವ ಅವಕಾಶ ಸಿಗದಿದ್ದಾಗ ಮತ್ತೆ ಸ್ಯಾಂಡಲ್ ವುಡ್ ಗೆ ವಾಪಸ್ ಆದರು.
ಛತ್ರಿಗಳು ಸರ್ ಛತ್ರಿಗಳು, ಪ್ರೀತಿ ಕಿತಾಬು, ಸಾಗುವ ದಾರಿಯಲ್ಲಿ ಚಿತ್ರಗಳಲ್ಲಿ ನಟಿಸಿದ್ದ ಪವಿತ್ರಾ ಗೌಡ ಬತ್ತಾಸು ಚಿತ್ರಕ್ಕೆ ನಾಯಕಿ ನಟಿಯಾಗಿ ನಟಿಸಿದ್ದರು. ಪವಿತ್ರಾಗೌಡ ಮದುವೆ ಆಗಿದೆಯೇ? ಎಂದು ಹಲವರಲ್ಲಿ ಪ್ರಶ್ನೆ ಇದೆ. ಪವಿತ್ರಾಗೌಡ ಐಟಿ ಉದ್ಯೋಗಿ ಜೊತೆ ಮದುವೆ ಆಗಿದ್ದರಂತೆ.
ಸಂಜಯ್ ಸಿಂಗ್ ಎಂಬುವವರನ್ನು ಮದುವೆಯಾದ ಪವಿತ್ರಾಗೆ ಓರ್ವ ಮಗಳು ಇದ್ದಾಳೆ. ಐಟಿ ಉದ್ಯೋಗಿ ಸಂಜಯ್ ಸಿಂಗ್ ಜೊತೆ ಪವಿತ್ರಗೌಡ ಇರೋ ಪೋಟೋ ಶೇರ್ ಮಾಡಿದ್ದ ದರ್ಶನ್ ಪತ್ನಿ ವಿಜಯಲಕ್ಷ್ಮಿ ಖುಷಿ ಗೌಡ ಸಂಜಯ್ ಹಾಗೂ ಪವಿತ್ರಾ ಮಗಳು, ಖುಷಿ ದರ್ಶನ್ ಮಗಳಲ್ಲ ಎಂದು ಸ್ಪಷ್ಟನೆ ನೀಡಿದ್ದರು.
