ಎಷ್ಟೋ ಮಂದಿ ಮಡಕೆ ಇರಲಿ ಪಾತ್ರೆಯಲ್ಲಿ ಕೂಡ ಅನ್ನ ಮಾಡದೇ ಪ್ರೆಶರ್ ಕುಕ್ಕರ್ನಲ್ಲಿ ತಯಾರಿಸುತ್ತಾರೆ. ಆದರೆ ಪ್ರೆಶರ್ ಕುಕ್ಕರ್ನಲ್ಲಿ ಅನ್ನ ಮಾಡೋದು ಆರೋಗ್ಯಕ್ಕೆ ಒಳ್ಳೆಯದೋ ಅಥವಾ ಕೆಟ್ಟದ್ದೋ ಎಂಬ ಬಗ್ಗೆ ಅನೇಕ ಮಂದಿಗೆ ಗೊಂದಲವಿದೆ. ನೀವು ಕೂಡ ಇದೇ ವಿಚಾರವಾಗಿ ಗೊಂದಲ ಹೊಂದಿದ್ದರೆ ಈ ಸ್ಟೋರಿ ಓದಿ.
ಬೆಳಗ್ಗೆ ಎದ್ದು ನಾವು ತಯಾರು ಮಾಡುವ ಬ್ರೇಕ್ ಫಾಸ್ಟ್ ಐಟಂಗಳಲ್ಲಿ ಬಹುತೇಕ ಅನ್ನ ಇದ್ದೇ ಇರುತ್ತದೆ. ರುಚಿಯಾದ, ಶುಚಿಯಾದ ಹಾಗೂ ಆರೋಗ್ಯಕರವಾದ ಅನ್ನ ಸೇವನೆ ನಮ್ಮೆಲ್ಲರ ಆದ್ಯತೆ. ಆದರೆ ಈ ಅನ್ನವನ್ನು ಕುಕ್ಕರ್ ಅಥವಾ ಪಾತ್ರೆ ಯಾವುದರಲ್ಲಿ ಮಾಡುವುದು ಬೆಸ್ಟ್ ಎಂದು ಸಹ ನಾವಿಂದು ತಿಳಿಯೋಣ.
ಕುಕ್ಕರ್ ಅನ್ನ ಬೇಯಿಸುವುದು: ಸಮಯಂ ವರದಿ ಪ್ರಕಾರ, ಕುಕ್ಕರ್ನಲ್ಲಿ ಅನ್ನ ಬೇಯಿಸಲು ಹೆಚ್ಚು ಸಮಯ ಬೇಕಾಗುವುದಿಲ್ಲ. ಬೇಗನೆ ಅನ್ನ ಬೆಯ್ಯುತ್ತದೆ. ಬೇಗನೇ ಅನ್ನ ಆಗುತ್ತದೆ. ಇದಕ್ಕಾಗಿ ಅನ್ನ ಆಗುವವರೆಗೂ ನಿಂತುಕೊಂಡು ಕಾಯಬೇಕು ಅಂತೇನಿಲ್ಲ. ಅನ್ನ ಬೆಂದ ತಕ್ಷಣ ಕುಕ್ಕರ್ ವಿಜಲ್ ಕೂಗುತ್ತದೆ. ಆಗ ನಾವು ಸ್ಟವ್ ಆಫ್ ಮಾಡಿದರೆ ಸಾಕು
ಕುಕ್ಕರ್ನಲ್ಲಿ ಅನ್ನ ಬೇಯಿಸುವುದರಿಂದ ಆಗುವ ಲಾಭ: ಕುಕ್ಕರ್ನಲ್ಲಿ ಅನ್ನ ಬೇಯಿಸಿದಾಗ ಆಹಾರವು ಬೇಗನೆ ಬೇಯ್ಯುತ್ತದೆ. ಜೀರ್ಣಕ್ರಿಯೆ ಸುಧಾರಿಸುತ್ತದೆ. ಅನ್ನವನ್ನು ಚೆನ್ನಾಗಿ ಬೇಯಿಸಿದರೆ ಪ್ರೋಟೀನ್ ಮತ್ತು ಪಿಷ್ಟದಂತಹ ಪೋಷಕಾಂಶಗಳು ಲಭ್ಯವಾಗುತ್ತವೆ. ಇದರಲ್ಲಿ ಹೆಚ್ಚು ಹೊಗೆ ಇರುವುದರಿಂದ, ಅಕ್ಕಿಯಲ್ಲಿರುವ ಯಾವುದೇ ಬ್ಯಾಕ್ಟೀರಿಯಾವನ್ನು ತೆಗೆದು ಹಾಕುತ್ತದೆ.
ಅನ್ನ ಮಾಡಲು ಅಲ್ಪ ಸಮಯ: ಕುಕ್ಕರ್ನಲ್ಲಿ ಅಡುಗೆ ಮಾಡುವುದು ತುಂಬಾ ಸುಲಭ. ಇದರಲ್ಲಿ ಅಕ್ಕಿಯನ್ನು ಬೇಯಿಸಿದರೆ ಅದು ಬೇಗ ಅನ್ನವಾಗುತ್ತದೆ. ಆದರೆ, ಇದರಲ್ಲಿ ಕಾರ್ಬೋಹೈಡ್ರೇಟ್ಗಳು ಇರುತ್ತವೆ. ಇದು ಪಿಷ್ಟವನ್ನು ಹೊಂದಿರುತ್ತದೆ. ಇದರಿಂದ ದೇಹದ ತೂಕ ಹೆಚ್ಚಾಗುತ್ತದೆ.,
ಪಾತ್ರೆಯಲ್ಲಿ ಬೇಯಿಸಿದರೆ ಏನಾಗುತ್ತೆ?: ಪಾತ್ರೆಯಲ್ಲಿ ಅನ್ನ ಬೇಯಿಸುವಾಗ ಜ್ವಾಲೆಯನ್ನು ಸರಿಯಾಗಿ ಹೊಂದಿಸಬೇಕು. ಇಲ್ಲದಿದ್ದರೆ ಹೆಚ್ಚಿನ ಉರಿ ಅನ್ನವನ್ನು ಬೇಗ ಸೀದು ಹೋಗುವಂತೆ ಮಾಡುತ್ತದೆ. ಒಂದು ವೇಳೆ ನಾವು ಸ್ಟವ್ ಆನ್ ಮಾಡಿರುವುದನ್ನು ಮರೆತರೆ ಅದರಿಂದ ಸಮಸ್ಯೆ ಉಂಟಾಗುತ್ತದೆ. ಅಲ್ಲದೇ ಪಾತ್ರೆಯಲ್ಲಿ ಅನ್ನ ಮಾಡುವಾಗ ಅಲ್ಲೇ ಇದ್ದು ನೋಡಿಕೊಳ್ಳಬೇಕಾಗುತ್ತದೆ.
ಯಾವುದರಲ್ಲಿ ಬೇಯಿಸುವುದು ಉತ್ತಮ?: ಅನ್ನವನ್ನು ಪಾತ್ರೆಯಲ್ಲಿ ಬೇಯಿಸಿದಾಗ ಅದರಲ್ಲಿ 30 ರಿಂದ 40 ಪ್ರತಿಶತದಷ್ಟು ಪಿಷ್ಟವು ಬಿಡುಗಡೆಯಾಗುತ್ತದೆ. ಉಳಿದ ಪಿಷ್ಟವು ದೇಹಕ್ಕೆ ಅಗತ್ಯವಾಗಿರುತ್ತದೆ. ಪಿಷ್ಟವನ್ನು ಹೊರಹಾಕಬಹುದು. ನಾರುಗಳು ದೇಹವನ್ನು ತಲುಪುತ್ತವೆ. ಮಧುಮೇಹಿಗಳಲ್ಲಿ ರಕ್ತದಲ್ಲಿನ ಸಕ್ಕರೆ ಮಟ್ಟವು ನಿಯಂತ್ರಣದಲ್ಲಿರುತ್ತದೆ. ಆದ್ದರಿಂದ, ಅನ್ನವನ್ನು ಬೇಯಿಸಲು ಪಾತ್ರೆ ಉತ್ತಮವಾಗಿದೆ. ಕುಕ್ಕರ್ ಕೇವಲ ನಿಮಗೆ ಸಮಯವಿಲ್ಲದಿದ್ದರೆ, ಅಥವಾ ಏನಾದರೂ ಆತುರವಿದ್ದರೆ ಮಾತ್ರ ಬಳಸಿ. ಆದರೆ ಕುಕ್ಕರ್ನಲ್ಲಿ ನಿಯಮಿತವಾಗಿ ಅಡುಗೆ ಮಾಡದೇ ಇರುವುದೇ ಉತ್ತಮ
