ನಟ ದರ್ಶನ್ ಹಾಗೂ ಪವಿತ್ರಾ ಗೌಡ ಸಂಬಂಧ ಈಗ ಜಗತ್‌ ಜಾಹೀರಾಗಿದೆ. ಕಳೆದ ಹತ್ತು ವರ್ಷದಿಂದ ದರ್ಶನ್ ಜೊತೆಗೆ ಸಂಬಂಧದಲ್ಲಿ ಇರುವುದಾಗಿ ಪವಿತ್ರಾ ಗೌಡ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಆದರೆ ದರ್ಶನ್ ಈ ಬಗ್ಗೆ ಯಾವುದೇ ಓಫನ್ ಸ್ಟೇಟ್ ಮೆಂಟ್ ನೀಡಿರಲಿಲ್ಲ. ಆದರೆ ಇದೀಗ ಪವಿತ್ರಾಗಾಗಿ ವ್ಯಕ್ತಿಯೋರ್ವನನ್ನೇ ಕೊಲೆ ಮಾಡೋ ಮೂಲಕ ದರ್ಶನ್ ಹಾಗೂ ಪವಿತ್ರಾ ಗೌಡ ಸಖತ್ ಸುದ್ದಿಯಲ್ಲಿದ್ದಾರೆ.
ಯಾವಾಗ ದರ್ಶನ್ ಹಾಗೂಪವಿತ್ರಾ ಗೌಡ ಸುದ್ದಿಯಾಗೋಕೆ ಶುರುವಾದ್ರೋ ಇದೇ ವೇಳೆ ಪವಿತ್ರಾ ಗೌಡ ಮಾಜಿ ಪತಿ ಸಂಜಯ್ ಸಿಂಗ್ ಹೆಸರು ಕೂಡ ಕೇಳಿ ಬರೋಕೆ ಶುರುವಾಗಿದೆ. ಅಂದು ದರ್ಶನ್ ಪತ್ನಿ ವಿಜಯಲಕ್ಷ್ಮಿ, ಪವಿತ್ರಾ ಗೌಡ ಹಾಗೂ ಆಕೆಯ ಮಾಜಿ ಪತಿ ಸಂಜಯ್ ಸಿಂಗ್ ಒಟ್ಟಿಗಿರೋ ಫೋಟೋವನ್ನು ತನ್ನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಪೋಸ್ಟ್ ಮಾಡುವ ಮೂಲಕ ಪವಿತ್ರಾ ಗೌಡ ಮಾಜಿ ಪತಿಯ ಬಗ್ಗೆ ರಿವೀಲ್ ಮಾಡಿದ್ದರು.
ಅಲ್ಲಿಂದ ಸಂಜಯ್ ಸಿಂಗ್ ಅವರ ಹೆಸರು ದರ್ಶನ್ ಹಾಗೂ ಪವಿತ್ರಾ ಗೌಡ ಹೆಸರಿನಲ್ಲಿ ಓಡಾಡುತ್ತಿದೆ. ಈಗ ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ ದರ್ಶನ್ ಹಾಗೂ ಪವಿತ್ರಾ ಗೌಡ ಹೆಸರು ಹೊರಬೀಳುತ್ತಿದ್ದಂತೆ ಸಂಜಯ್ ಸಿಂಗ್ ಆಕ್ಟಿವ್ ಆಗಿದ್ದಾರೆ. ಮಾಧ್ಯಮಗಳೊಂದಿಗೆ ಓಪನ್ ಆಗಿ ಮಾತಾಡುತ್ತಿದ್ದಾರೆ. ಇತ್ತೀಚೆಗೆ ಮಗಳನ್ನು ಕಸ್ಟಡಿಗೆ ಪಡೆಯುವ ವಿಚಾರದಲ್ಲಿ ಸಂಜಯ್ ಸಿಂಗ್‌ಗೆ ದರ್ಶನ್ ಕಡೆಯಿಂದ ಪವಿತ್ರಾ ಗೌಡಗೆ ಅವಾಜ್ ಹಾಕಿದ್ದರು ಅನ್ನೋ ಸುದ್ದಿ ಹರಿದಾಡುತ್ತಿತ್ತು. ಆ ವಿಷಯ ವೈರಲ್ ಆಗುತ್ತಿದ್ದಂತೆ ಸಂಜಯ್ ಸಿಂಗ್ ಪ್ರತಿಕ್ರಿಯಿಸಿದ್ದಾರೆ.
ಐಟಿ ನೌಕರನಾಗಿದ್ದ ಸಂಜಯ್ ಸಿಂಗ್ ಜೊತೆಗೆ ಪವಿತ್ರಾಗೆ ಲವ್ ಆಗಿತ್ತು. ಬಳಿಕ ಎರಡೂ ಮನೆಯವರನ್ನು ಒಪ್ಪಿಸಿ ಪವಿತ್ರಾ ಗೌಡ ಹಾಗೂ ಸಂಜಯ್ ಸಿಂಗ್ ಮದುವೆ ಆಗಿದ್ದರು. ಬಳಿಕ ಮಗಳು ಹುಟ್ಟಿದ್ದಳು. ತದನಂತರ ಪವಿತ್ರಾ ಗೌಡ ಸಿನಿಮಾಗೆ ಹೋಗಬೇಕು ಅಂತ ನಿರ್ಧರಿಸಿದ್ದು ಈ ವೇಳೆ ಇಬ್ಬರ ಮಧ್ಯೆ ಮನಸ್ತಾಪ ಶುರುವಾಗಿದೆ.
ಪವಿತ್ರಾ ಗೌಡ ಹಾಗೂ ಸಂಜಯ್ ಸಿಂಗ್ ಇಬ್ಬರೂ ಕೋರ್ಟ್ ಮೆಟ್ಟಿಲೇರಿದ್ದರು. ನ್ಯಾಯಾಲಯ ಮಗಳನ್ನು ಪವಿತ್ರಾ ಗೌಡ ಕಸ್ಟಡಿಗೆ ನೀಡಿದ್ದರು. ಅಲ್ಲಿಂದ ಸಂಜಯ್ ಸಿಂಗ್‌ಗೆ ಮಗಳನ್ನು ಭೇಟಿ ಮಾಡುವ ಅವಕಾಶ ಹೆಚ್ಚಾಗಿ ಸಿಕ್ಕಿರಲಿಲ್ಲ. ಹೀಗಾಗಿ ಹಲವು ಬಾರಿಗೆ ಮಗಳನ್ನು ಅವರ ಕಸ್ಟಡಿಗೆ ಕೊಡುವಂತೆ ಕೇಳಿದ್ದು ಇದೆ ಎಂದು ಮಾಧ್ಯಮಗಳ ಮುಂದೆ ಒಪ್ಪಿಕೊಂಡಿದ್ದಾರೆ.
ಮಗಳನ್ನು ತಮ್ಮ ಕಸ್ಟಡಿಗೆ ನೀಡುವಂತೆ ಹಲವು ಬಾರಿ ಕೇಳಿದ್ದ ಸಂಜಯ್ ಸಿಂಗ್‌ಗೆ ದರ್ಶನ್ ಕಡೆಯಿಂದ ಪವಿತ್ರಾ ಗೌಡ ವಾರ್ನಿಂಗ್ ಕೊಡಿಸಿದ್ದರು. ಇದರಿಂದ ಸಂಜಯ್ ಸಿಂಗ್ ದೂರವೇ ಉಳಿದಿದ್ದರು ಎಂಬ ಸುದ್ದಿಯನ್ನು ಮಾಧ್ಯಮಗಳಲ್ಲಿ ಹರಿದಾಡಿತ್ತು. ಅದಕ್ಕೆ ಸಂಜಯ್ ಸಿಂಗ್ ಪ್ರತಿಕ್ರಿಯೆ ನೀಡಿದ್ದಾರೆ. ಈಗ ಹರಿದಾಡುತ್ತಿರುವ ಸುದ್ದಿ ಸುಳ್ಳು ಎಂದಿದ್ದಾರೆ.
“ದರ್ಶನ್ ಅವರು ದೊಡ್ಡ ಮನುಷ್ಯ. ಅವರು ತನ್ನ ಹತ್ತಿರ ಯಾಕೆ ಬರುತ್ತಾರೆ? ಅವರನ್ನು ಎಂದಿಗೂ ಭೇಟಿ ಮಾಡಿಲ್ಲ. ನೈಸ್ ರೋಡ್‌ನಲ್ಲಿ ಒಮ್ಮೆ ಅವರ ಸಿನಿಮಾದ ಶೂಟಿಂಗ್ ನಡೆಯುವ ನೋಡಿದ್ದೆ ಅಷ್ಟೆ. ಆದರೆ, ಅವರನ್ನು ಎಂದಿಗೂ ಭೇಟಿ ಮಾಡುವುದಕ್ಕೆ ಆಗಿಲ್ಲ.” ಎಂದು ಪವಿತ್ರಾ ಗೌಡ ಮಾಜಿ ಪತ್ನಿ ಸಂಜಯ್ ಸಿಂಗ್ ಪ್ರತಿಕ್ರಿಯೆ ನೀಡಿದ್ದಾರೆ.
