ಕ್ಯಾಸಿನೊ ಗೇಮ್ನಲ್ಲಿ ಬರೋಬ್ಬರಿ 33 ಕೋಟಿ ರೂಪಾಯಿಗಳನ್ನು ಗೆದ್ದ ಖುಷಿಯಲ್ಲಿ ವ್ಯಕ್ತಿಯೊಬ್ಬರು ಹೃದಯ ಸ್ತಂಭನದಿಂದ ಸಾವನ್ನಪ್ಪಿದ್ದಾರೆ. ಸದ್ಯ ಈ ಸಂಬಂಧ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.
ಸಿಂಗಾಪುರದ ಮರೀನಾ ಬೇಯಲ್ಲಿ ಕ್ಯಾಸಿನೊ ಗೇಮ್ ಸಾಕಷ್ಟು ಖ್ಯಾತಿ ಘಳಿಸಿದೆ. ಈ ಗೇಮ್ ಆಡಲೆಂದೆ ವ್ಯಕ್ತಿಯೊಬ್ಬರು ಯಾವಾಗಲೂ ಕ್ಯಾಸಿನೊಗೆ ಬರುತ್ತಿದ್ದರು. ಆದರೆ ಸಾಕಷ್ಟು ಭಾರಿ ಸೋತು ಬೇಸರದಿಂದ ಹಿಂದಿರುಗುತ್ತಿದ್ದರು. ಆದರೆ ಈ ಬಾರಿ ಬರೋಬ್ಬರಿ 33,42,61,604 ರೂಪಾಯಿಗಳ ಜಾಕ್ಪಾಟ್ ಹೊಡೆದಿದೆ. ಇದರಿಂದ ವ್ಯಕ್ತಿ ಸಾಕಷ್ಟು ಖುಷಿಯಲ್ಲಿದ್ದರು. ಆದರೆ ಆ ಖುಷಿ ಇದ್ದಿದ್ದು ಕೆಲವೇ ಕೆಲವು ನಿಮಿಷಗಳು ಮಾತ್ರವೇ.
ಕೋಟಿ ಕೋಟಿ ಹಣ ಗೆದ್ದು ಅತಿಯಾದ ಉತ್ಸಾಹದಿಂದಿದ್ದ ವ್ಯಕ್ತಿಗೆ ಕಾರ್ಡಿಕ್ ಅರೆಸ್ಟ್ ಅಲ್ಲೇ ಕುಸಿದು ಬಿದ್ದಿದ್ದಾರೆ. ತಕ್ಷಣ ಕ್ಯಾಸಿನೊದ ತುರ್ತು ವೈದ್ಯಕೀಯ ಸೇವೆಗಳು ಹಾಗೂ ಅದರ ಸಿಬ್ಬಂದಿ ಅವರನ್ನು ಪರೀಕ್ಷಿಸಿದ್ದಾರೆ. ಆದರೆ ಅವರು ಕಾರ್ಡಿಕ್ ಅರೆಸ್ಟ್ ಆದ ತಕ್ಷಣವೇ ಮೃತಪಟ್ಟಿದ್ದಾರೆ ಎಂದು ಹೇಳಿದ್ದಾರೆ. 33 ಕೋಟಿ ಹಣ ಗೆದ್ದಾಗ ಅವರಲ್ಲಿ ಆದ ತೀವ್ರ ಉತ್ಸಾಹವೇ ಸಾವಿಗೆ ಕಾರಣವಾಗಿದೆ ಎಂದು ಹೇಳಲಾಗಿದೆ.
