ತೆಲುಗು ಸಿನಿಮಾದ ಮೂಲಕ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟ ನಟಿ ಶಾನ್ವಿ ಶ್ರೀವಾಸ್ತವ್ ಅವರಿಗೆ ಕನ್ನಡದ ಮೇಲೆ ವಿಶೇಷವಾದ ಒಲವಿದೆ. ಕನ್ನಡದ ಸಾಕಷ್ಟು ಸಿನಿಮಾಗಳೀಗೆ ಬಣ್ಣ ಹಚ್ಚಿರುವ ನಟಿ ಇದೀಗ ಸಂಭಾವನೆ ಕುರಿತು ರಿವೀಲ್ ಮಾಡಿದ್ದಾರೆ. ಸಾಮಾನ್ಯವಾಗಿ ನಟ,ನಟಿಯರು ತಾವು ಪಡೆದುಕೊಳ್ಳುವ ಸಂಭಾವನೆಯನ್ನು ಹೆಚ್ಚಾಗಿ ಗುಟ್ಟಾಗಿಯೇ ಇಡುತ್ತಾರೆ. ಆದರೆ ಶಾನ್ವಿ ತಾವು ಸಿನಿಮಾವೊಂದಕ್ಕೆ ಎಷ್ಟು ಸಂಭಾವನೆ ಪಡೆಯುತ್ತೇವೆ ಅನ್ನೋದನ್ನ ಹೇಳಿದ್ದಾರೆ.
ಸಂದರ್ಶನವೊಂದರಲ್ಲಿ ಸಿನಿಮಾ ಕೆರಿಯರ್, ಸಂಭಾವನೆ ಕುರಿತು ಶಾನ್ವಿ ಶ್ರೀವಾಸ್ತವ್ ಮುಕ್ತವಾಗಿ ಮಾತನಾಡಿದ್ದಾರೆ. ಕಾಲೇಜು ಪೀಸ್ ಕಟ್ಟಲು ನಾನು ನಟಿಸಲು ಆರಂಭಿಸಿದೆ. ನನ್ನ ಮೊದಲ ಸಂಭಾವನೆ 3 ಲಕ್ಷ ರೂ. ಸಿಕ್ಕಿತ್ತು. ಚಿತ್ರರಂಗಕ್ಕೆ ಬರುವ ಮುನ್ನ ಕೋಚಿಂಗ್ ಸೆಂಟರ್‌ವೊಂದರಲ್ಲಿ ಪಾಠ ಮಾಡುತ್ತಿದ್ದೆ. ತಿಂಗಳಿಗೆ 3,500 ರೂ. ಸಂಬಳ ಪಡೆದುಕೊಂಡಿದ್ದೇನೆ. ಒಂದು ಚಿತ್ರಕ್ಕೆ 3 ಲಕ್ಷ ರೂ. ಎಂದಾಗ ಇಡೀ ಕಾಲೇಜು ಪೀಸ್‌ಗೆ ಆಗುತ್ತದೆಯಲ್ಲ ಎಂದು ನಟಿಸಿದೆ ಎಂದು ಶಾನ್ವಿ ಹೇಳಿದ್ದಾರೆ.
ಈಗ ಕನ್ನಡದಲ್ಲಿ ಒಂದು ಸಿನಿಮಾಗೆ 30 ಲಕ್ಷ ರೂ. ಸಂಭಾವನೆ ಪಡೆಯುತ್ತೇನೆ. ಮಾರ್ಕೆಟ್ ತಕ್ಕಂತೆ ಸಂಭಾವನೆ ಕೂಡ ಬದಲಾವಣೆಯಾಗುತ್ತದೆ ಎಂದು ನಟಿ ತಿಳಿಸಿದ್ದಾರೆ.
ಸದ್ಯ ನಾಗತಿಹಳ್ಳಿ ಚಂದ್ರಶೇಖರ್ ನಿರ್ದೇಶನದ ‘ಅಮೆರಿಕಾ ಅಮೆರಿಕಾ-2’ನಲ್ಲಿ ಶಾನ್ವಿ ನಾಯಕಿಯಾಗಿದ್ದಾರೆ. ‘ರಂಗಿತರಂಗ’ ನಟ ನಿರೂಪ್, ‘ದಿಯಾ’ ಖ್ಯಾತಿಯ ಪೃಥ್ವಿ ಅಂಬಾರ್ ಈ ಚಿತ್ರದಲ್ಲಿ ನಾಯಕರಾಗಿ ಕಾಣಿಸಿಕೊಂಡಿದ್ದಾರೆ.
