ವಿಶ್ವದ ಶ್ರೀಮಂತ ಮುಖೇಶ್ ಅಂಬಾನಿ ತಮ್ಮ ಪುತ್ರ ಅನಂತ್ ಅಂಬಾನಿ ವಿವಾಹವನ್ನು ಸಾಕಷ್ಟು ಅದ್ದೂರಿಯಾಗಿ ಮಾಡಿದ್ದಾರೆ. ಅನಂತ್ ಹಾಗೂ ರಾಧಿಕಾ ಮದುವೆಗೆ ಚಿತ್ರರಂಗದ ಗಣ್ಯರು, ರಾಜಕೀಯ ಮುಖಂಡರು, ಕ್ರಿಕೆಟ್ ತಾರೆಯರು ಸೇರಿದಂತೆ ಸಾಕಷ್ಟು ಮಂದಿ ಆಗಮಿಸಿದ್ದರು.
ಅನಂತ್ ಹಾಗೂ ರಾಧಿಕಾ ಮದುವೆಗೆ ಶಾರುಖ್ ಖಾನ್ ಪುತ್ರಿ ಸುಹಾನಾ ಖಾನ್ ಕೂಡ ಆಗಮಿಸಿದ್ದರು. ಕ್ರೀಮ್ ಕಲರ್ ಹಾಫ್ ಶೋಲ್ಡರ್ ಲೆಹೆಂಗಾದಲ್ಲಿ ಬಂದ ಸುಹಾನ ನೋಡುಗರ ಗಮನ ಸೆಳೆದರು.
ಸದ್ಯ ಸುಹಾನಾ ಮದುವೆ ಸಂಭ್ರಮದ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಸುಹಾನಾ ಫೋಟೋಗೆ ಸಹೋದರ ಆರ್ಯನ್ ಖಾನ್ ಪ್ರೇಯಸಿ ಮಾಡೆಲ್ ಲಾರಿಸ್ಸಾ ಬೊನೆಸಿ ಪ್ರತಿಕ್ರಿಯಿಸಿದ್ದಾರೆ.
ಮಾಡೆಲ್ ಲಾರಿಸ್ಸಾ ಬೊನೆಸಿ ಈ ವರ್ಷದ ಆರಂಭದಿಂದಲೂ ಶಾರುಖ್ ಖಾನ್ ಅವರ ಮಗ ಆರ್ಯನ್ ಖಾನ್‌ನೊಂದಿಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ವದಂತಿಗಳು ಕೇಳಿ ಬರ್ತಿವೆ. ಇದು ಆರ್ಯನ್ ಮತ್ತು ಲಾರಿಸ್ಸಾ ಅವರ ಡೇಟಿಂಗ್ ರೂವರ್‌ಗಳಿಗೆ ಪುಷ್ಠಿ ನೀಡಿದೆ.
ಕಳೆದ ವಾರಾಂತ್ಯದಲ್ಲಿ ನಡೆದ ಅಂಬಾನಿ ಮದುವೆಯಲ್ಲಿ ಸುಹಾನಾ ಶಾರುಖ್, ಗೌರಿ ಖಾನ್ ಮತ್ತು ಆರ್ಯನ್ ಜೊತೆ ಅನಂತ್ ಅಂಬಾನಿ ಮದುವೆಯಲ್ಲಿ ಪಾಲ್ಗೊಂಡಿದ್ದರು. ಅವರು ಈ ಆಚರಣೆಗಾಗಿ ಸಾಂಪ್ರದಾಯಿಕ ಬಟ್ಟೆಗಳನ್ನು ಧರಿಸಿ ಸುಹಾನಾ ಖಾನ್ ಕಾಣಿಸಿಕೊಂಡಿದ್ದರು.
ಎಮೋಜಿಗಳೊಂದಿಗೆ ಫೋಟೋ ಡಂಪ್ ಎಂದು ಕ್ಯಾಪ್ಷನ್‌ ನೀಡಿ ಫೊಟೋಗಳನ್ನು ಹಂಚಿಕೊಂಡಿದ್ದಾರೆ . ಈ ಫೋಟೋಗಳು ಆರ್ಯನ್ ಖಾನ್ ಅವರ ರೂಮರ್ಡ್ ಗರ್ಲ್ಫ್ರೆಂಡ್ ಲಾರಿಸ್ಸಾ ಬೊನೆಸಿಯಿಂದ ಹೆಚ್ಚು ಮೆಚ್ಚುಗೆ ಗಳಿಸಿದೆ.
ಸುಹಾನಾರ ಫೋಟೋಗಳಿಗೆ ಆರ್ಯನ್ ಗರ್ಲ್ಫ್ರೆಂಡ್ ಎಂದು ಹೇಳಲಾಗುತ್ತಿರುವ ಲಾರಿಸ್ಸಾ ಕಾಮೆಂಟ್‌ ಮಾಡಿರುವುದು ಸಖತ್‌ ವೈರಲ್‌ ಆಗಿದೆ.
ಆರ್ಯನ್ ಲಾರಿಸ್ಸಾ ಜೊತೆ ಡೇಟಿಂಗ್ ಮಾಡುವ ವದಂತಿಗಳು ಈ ವರ್ಷದ ಆರಂಭದಲ್ಲಿಯೇ ರೆಡ್ಡಿಟ್‌ನಲ್ಲಿ ಹೆಚ್ಚು ಚರ್ಚೆಯಾಗಿತ್ತು. ಸಾಮಾಜಿಕ ಮಾಧ್ಯಮ ಬಳಕೆದಾರರು ಆರ್ಯನ್ ಮತ್ತು ಅವರ ತಾಯಿ ರೆನಾಟಾ ಬೊನೆಸಿಯನ್ನು ಅನುಸರಿಸುತ್ತಿದ್ದಾರೆನ್ನುವುದನ್ನೂ ಎಲ್ಲರೂ ಗಮನಿಸಿದ್ದರು.
ರೆನಾಟಾ ಇತ್ತೀಚೆಗೆ ಮುಂಬೈನಲ್ಲಿದ್ದರು ಮತ್ತು ಆರ್ಯನ್ ಖಾನ್ ಅವರಿಂದ D’YAVOL X ಜಾಕೆಟ್ ರೂಪದಲ್ಲಿ ಉಡುಗೊರೆ ಪಡೆದಿದ್ದರು. ಇದು ಅವರ ಡೇಟಿಂಗ್ ವದಂತಿಗಳಿಗೆ ಮತ್ತಷ್ಟು ಪುಷ್ಠಿ ನೀಡಿತ್ತು.
ಲಾರಿಸ್ಸಾ ಬ್ರೆಜಿಲಿಯನ್ ಮಾಡೆಲ್ ಮತ್ತು ನಟಿ, ಅವರು ಕೆಲವು ಹಿಂದಿ ಮತ್ತು ತೆಲುಗು ಚಲನಚಿತ್ರಗಳಲ್ಲಿಯೂ ನಟಿಸಿದ್ದಾರೆ. ಅಕ್ಷಯ್ ಕುಮಾರ್ ಮತ್ತು ಜಾನ್ ಅಬ್ರಹಾಂ ಅವರ ದೇಸಿ ಬಾಯ್ಜ್ ಹಾಡು ಸುಬಹ್ ಹೋನೆ ನಾ ದೆಯಲ್ಲಿ ನರ್ತಕಿಯಾಗಿಯೂ ಕಾಣಿಸಿಕೊಂಡರು.
