ಕಿರಿಕ್ ಪಾರ್ಟಿ ಸಿನಿಮಾದ ಮೂಲಕ ರಾತ್ರೋ ರಾತ್ರಿ ನ್ಯಾಷನಲ್ ಕ್ರಶ್ ಆದ ನಟಿ ರಶ್ಮಿಕಾ ಮಂದಣ್ಣ ಸದ್ಯ ಬಾಲಿವುಡ್ ಚಿತ್ರರಂಗದ ಬಹು ಬೇಡಿಕೆಯ ನಟಿ.
ರಶ್ಮಿಕಾ ಬರ್ತಿದ್ದಾರೆ ಅಂದರೆ ಸಾಕು ಅಭಿಮಾನಿಗಳು ಕಿಕ್ಕಿರಿದು ಎಂಟ್ರಿಕೊಡ್ತಾರೆ. ಅಂತೆಯೇ ಇತ್ತೇಚೆಗೆ ಕೇರಳಕ್ಕೆ ಭೇಟಿ ನೀಡಿದ್ದ ನಟಿಯನ್ನೂ ನೋಡಲು ಅಭಿಮಾನಿಗಳ ಸಾಗರವೇ ಹರಿದು ಬಂದಿತ್ತು.
ಕೇರಳದ ಕರುನಾಗಪಲ್ಲಿಯಲ್ಲಿ ವೆಡ್ಸ್ ಇಂಡಿಯಾ ಶಾಪಿಂಗ್ ಮಾಲ್ ಉದ್ಘಾಟನಾ ಕಾರ್ಯಕ್ರಮದಲ್ಲಿ ರಶ್ಮಿಕಾ ಮಂದಣ್ಣ ಭಾಗಿಯಾಗಿದ್ದರು. ಈ ವೇಳೆ ರಶ್ಮಿಕಾ ಹಸಿರು ಸೀರೆಯಲ್ಲಿ ಬೊಂಬೆಯಂತೆ ಮಿರ, ಮಿರ ಮಿಂಚಿದ್ದಾರೆ.
ರಶ್ಮಿಕಾ ಆಕರ್ಷಕವಾದ ಹಸಿರು ಎಂಬ್ರಾಯ್ಡರಿ ಸೀರೆ ಉಟ್ಟುಕೊಂಡು ಅದಕ್ಕೆ ಮ್ಯಾಚಿಂಗ್ ಗ್ರೀನ್ ಸ್ಲೀವ್ಲೆಸ್ ಬ್ಲೌಸ್ ಧರಿಸಿಕೊಂಡಿದ್ದರು. ಅಷ್ಟೇ ಅಲ್ಲದೆ ನಟಿ ತುರುಬು ಕಟ್ಟಿ ಅದಕ್ಕೆ ನಾಲ್ಕು ಕೆಂಪು ಗುಲಾಬಿಗಳನ್ನು ಮುಡಿದಿದ್ದರು.
ಸುಂದರವಾದ ಇಯರಿಂಗ್ಸ್ ಧರಿಸಿ ಸಿಂಪಲ್ ಮೇಕಪ್ ಮಾಡಿದ್ದ ನಟಿ ಮತ್ತಷ್ಟ ಅಂದವಾಗಿ ಕಾಣಿಸಿಕೊಂಡಿದ್ದರು. ನಟಿ ಬೆನ್ನು ತೋರಿಸಿ ಕ್ಯಾಮೆರಾಗೆ ಪೋಸ್ ಕೊಟ್ಟಿದ್ದು ಅವರ ಈ ಲುಕ್ ನೋಡಿದ ನೆಟ್ಟಿಗರು ಫಿದಾ ಆಗಿದ್ದಾರೆ.
ನೂತನವಾಗಿ ಉದ್ಘಾಟನೆಗೊಂಡ ಶಾಪಿಂಗ್ ಮಾಲ್ ಮುಂದೆ ನಟಿ ರಶ್ಮಿಕಾ ಮಂದಣ್ಣ ಅವರನ್ನು ನೋಡಲು ಅಭಿಮಾನಿಗಳು ಕಿಕ್ಕಿರಿದು ತುಂಬಿಕೊಂಡಿದ್ದರು. ನೇರವಾಗಿ ನ್ಯಾಷನಲ್ ಕ್ರಶ್ ಅನ್ನು ಸೀರೆಯಲ್ಲಿ ನೋಡಿದ ಫ್ಯಾನ್ಸ್ ದಂಗಾಗಿದ್ದಾರೆ.
ರಶ್ಮಿಕಾ ಹಿಂದಿರುಗಿ ಕಣ್ಣು ಹೊಡೆದಿದ್ದು ಯುವಕರು ವಾವ್ ಎಂದಿದ್ದಾರೆ. ಹಾರ್ಟ್ ಶೇಪ್ನಲ್ಲಿರುವ ಗ್ರೀನ್ ಹ್ಯಾಂಡ್ ಪರ್ಸ್ ಹಿಡಿದುಕೊಂಡಿದ್ದು ಇದನ್ನು ಸೀರೆಗೆ ಬೇಕಾದಂತೆ ಕಸ್ಟಮೈಸ್ ಮಾಡಲಾಗಿದೆ. ಅದರಲ್ಲಿ ಆರ್ ಎಂ ಎಂದು ವರ್ಕ್ ಮಾಡಲಾಗಿದೆ.ಆರ್ ಎಂ ಎಂದರೆ ರಶ್ಮಿಕಾ ಮಂದಣ್ಣ ಎಂದರ್ಥ.
ರಶ್ಮಿಕಾ ಮಂದಣ್ಣ ಅವರು ಅನಿಮಲ್ ಸಿನಿಮಾದಲ್ಲಿ ಭರ್ಜರಿಯಾಗಿ ಮಿಂಚಿದ್ದರು. ಈ ಸಿನಿಮಾ ಮೂಲಕ ಅವರು ಬಾಲಿವುಡ್ನಲ್ಲಿಯೂ ಭಾರೀ ಮೆಚ್ಚುಗೆ ಗಳಿಸಿಕೊಂಡರು. ಇದಲ್ಲದೆ ನಟಿ ಪುಷ್ಪ 2 ಮೂಲಕ ಮತ್ತೆ ಪ್ರೇಕ್ಷಕರ ಮುಂದೆ ಬರಲಿದ್ದಾರೆ. ಅಂತೂ ಇಂತೂ ರಶ್ಮಿಕಾ ಕೇರಳ ಇವೆಂಟ್ನಲ್ಲಿ ಭಾಗಿಯಾಗಿ ಈಗ ಸಖತ್ ಸುದ್ದಿಯಾಗಿದ್ದಾರೆ ಎನ್ನಬಹುದು.
ಕೇರಳಕ್ಕೆ ಹೋದಾಗ ಆದ ಆ ಎಲ್ಲ ಅನುಭವನ್ನ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಕನ್ನಡದಿಂದ ತೆಲುಗು, ತೆಲುಗುದಿಂದ ತಮಿಳು, ಇಲ್ಲಿಂದ ಹಿಂದಿ ಹಿಂಗೆ ಬೇರೆ ಬೇರೆ ಭಾಷೆಯಲ್ಲಿ ಹೆಸರು ಮಾಡ್ತಾನೇ ಇದ್ದಾರೆ. ಆದರೆ, ಕೊಡಗಿನ ಹುಡುಗಿಗೆ ಕೇರಳದಲ್ಲಿ ಸಾಕಷ್ಟು ಅಭಿಮಾನಿಗಳಿದ್ದಾರೆ.
ನಟ ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ಅಭಿನಯದ ‘ಪುಷ್ಪ 2’ ಸಿನಿಮಾ ಡಿಸೆಂಬರ್ 6ರಂದು ರಿಲೀಸ್ ಮಾಡೋದಾಗಿ ಚಿತ್ರತಂಡ ಘೋಷಿಸಿದೆ. ಇದರ ಜೊತೆಗೆ ರಶ್ಮಿಕಾ ನಟನೆಯ ‘ಛವಾ’ ಕೂಡ ಡಿಸೆಂಬರ್ 6ಕ್ಕೆ ಬಿಡುಗಡೆ ಕಾಣಲಿದೆ ಎಂದು ಹೇಳಲಾಗುತ್ತಿದೆ. ರಶ್ಮಿಕಾ ನಟನೆಯ ಎರಡು ಸಿನಿಮಾಗಳು ಒಂದೇ ದಿನ ತೆರೆ ಕಾಣುತ್ತಿದ್ದು ಅಭಿಮಾನಿಗಳು ದಿಲ್ ಖುಷ್ ಆಗಿದ್ದಾರೆ.
